تحبون غسل المواعين أم لا .. نريدكم هنآ بالقرب .. نفيدكم و نستفيد منكم تلك هي غايتنا .. تفضّلوا .. أهلااا بالجميــــــــع

[أسومة المتفائلة]

الموضوع رائع ههههه عن المواعن راهم يسناو فيا وااااااع
انا مواعن الغدى مش مشكل عادي نغسلهم مي العشاء نعسرلهم

[معاذ1]

اخت معا الى الله ذكريني موضوعك هذا وايام الجامعة وكبوس غسل الماعين بالأخص ايام رمضان الفضيل , والادهى والامر حين نتكاسل عن

غسلهم الى اليوم التالي وتجد الاكل قد يبس فيهم وتصبح تحك وتحك وتحك مع سليكة ووووو ايام لا تنسى .... موضوع شيق معك في المتابعة ...

[ب.علي]

السّلام عليكم
أهلا أختي معا إلى اللّه شكرا على الموضوع المميز

توصلت دراسة طبية حديثة الى أن غسيل الأطباق وأدوات المطبخ يقضي على
القلق عند الزوجة ويعمل على تحسين حالتها النفسية بشكل كبير.
طبقت هذه الدراسة على 700 امرأة وجد أن 90% منهن شعرن بمزاج عال
وحالة معنوية مرتفعة بعد أداء هذا الواجب المنزلي,كما اوضحت أجهزة القياس
المستخدمة في الدراسة ان غسيل الأطباق والأكواب وبقية الأواني
المنزلية يؤدي الى حالة استرخاء وارتياح نفسي بين النساء بشكل كبير.

هل هذا صحيح أختي معا إلى الله
وماذ تشعرين بعد غسل الأواني

رأي الأخوات في ذلك


لي عودة ......

[كنت طفلة]

موضوع هايل
اما المواعن يليق لهم غير التكسار
خصوصا اذا وحدة مهووسة بالمواعن تظل غير تشري و تنسى الغسيل

انا مرات ننقصهم نخلي غير 3 من كل شي زعما نظام
مايفوتش اسبوع نلقاهم غزاوني

[كلمة مني]

وعليكم السلام ورحمة الله تعالى وبركاته

دائما معا إلى الله إن شاء الله بأفكارها المميزة والتي لا تخطر على باااااااااال أحد

موضوعك رائع بارك الله فيك
انا نقلك منخبيش عليك غير لماعن لي نخاف منهم نحب نكثر الاكلات وفي الأخير ندوخ في لماعن ساعات نخليهم يشايخو لبعض الوقت في المطبخ ومبعد نلتى بيهم

سلالالالالام

[soso sirin]

السلام عليكم.موضوعك دوخني يا اختي انا و الماعين مانتفاهموش بزاف نحسهم كيما البروسي .في الدار خليني ندير كلشي نسيق نمسح نطيب نرفد الدار كاملة مي الي يبغيني مايخلينيش نغسل الماعين خدمتهم تعييني تاع الصح .المشكل الي يعانو منو خواتاتي مساكن هو انو انا نطيب و كي ندخل للكوزينة فيا حاجة مليحة مانبغي حتا واحد يعاوني ندير كلشي و نبدا نخرج في الماعين و نستفهم قدامي مانجي نكمل الفطور و لا العشا هذيك الكوزينة نروبلها مسكينة مينذاك كي نخرج و نعاود ندخل ليها نقول مكانش منها انا درتلها هكا واش درت بهذا الماعين كامل و دايمن تطفر في خواتاتي.انا الماعين نغسلهم نفحات برك مرات كي يقلقوني بهدرتهم بحال يديني النيف و نغسلهم هههههههههه ندير كارثة و نزيد نشنف من الفوق .نبغي نغسل الماعين في حالتين برك كي نكون زعفانة نخرج زعافي فيهم و لا كي نبغي نخمم في كاش حاجة نغسل و نخمم الافكار كامل يجوني .اما على طريقتي في غسيل الماعين فانا كي نكمل كلشي باه نغسلهم ماعنديش هاذي تاع نغسل بالحاجة .عندي اختي تموت على غسيلهم و الصح هي مريحتي منهم .راني نقرى في الردود باه نلقى كاش طريقة تخليني نبغي غسيلهم

[#نُورْ أَمِيرَةَ الأَخْلاَقْ#]

السلام عليكم
انا اصعب شغل عندي لماعين خاصة في شهر رمضان
نشوفهم نهرب ساعات نتسبب لماما نقولها راني مريضة بعدها غير تكملهم تلقاني لاباس عليا ههههههههههههه
وساعات نتسبب بسي قراية و غير تكمل نسكر الكراسة ههههههه
واحيانا تمسكني امي و نغسلهم ^-^ وانا نستنى غير في لحظة نكملهم هههههههه
واحيانا متصدقيش تجيني نفحة نغسل لماعين كامل نتاع لكوزينة
اختي معا الى الله مشكورة على هذا الموضوع الاكثر من رائع
ههههههه في نظر كل بنت تكره غسيل لماعين
سلام
لي عودة ان شاء الله

[بيلسان11]

السلام عليكم و صح عيدكم كاملين تعيدو بالصحة و الهناء
أختي معا الى الله درتينا الموضوع في وقت أصعب المواعين تاع العيد الكبير هاذي دوارة و هاذا بوزلوف و هاذي قدرة كبيرة تاع العيد و المقالي و الشواية ربي يقدرنا و نعيدو بالصحة و الهناء, هاذوك ما ينفع معاهم غير الماء الساخن,

[بيلسان11]

المشاركة الأصلية كتبت بواسطة ب.علي

السّلام عليكم
أهلا أختي معا إلى اللّه شكرا على الموضوع المميز

توصلت دراسة طبية حديثة الى أن غسيل الأطباق وأدوات المطبخ يقضي على
القلق عند الزوجة ويعمل على تحسين حالتها النفسية بشكل كبير.
طبقت هذه الدراسة على 700 امرأة وجد أن 90% منهن شعرن بمزاج عال
وحالة معنوية مرتفعة بعد أداء هذا الواجب المنزلي,كما اوضحت أجهزة القياس
المستخدمة في الدراسة ان غسيل الأطباق والأكواب وبقية الأواني
المنزلية يؤدي الى حالة استرخاء وارتياح نفسي بين النساء بشكل كبير.

هل هذا صحيح أختي معا إلى الله
وماذ تشعرين بعد غسل الأواني

رأي الأخوات في ذلك


لي عودة ......

السلام عليكم
هي ممكن ما تكونش المتعة في الغسيل في حد ذاته قد ما تكون المتعة انني راح ننظفهم و نحطهم في مكانهم تروح الفوضى و نلقى الدنيا نقية, صح كي نكمل و نلقى الكوزينة كل شيء في مكانه واش نقول فرحة عارمة لا توصف يطلعلي المورال,

[الامل بالله]

سلام

صراحة انا كنت نكره نغسلهم مي غير نبدا نغسل تحلالي و نقول لوكان غير ميخلاصوش و فالوقت اللي نغل فيه المواعن نلقا راحتي و نلقا روحي وحدي و نبقى نخمم و نراجع في روحي على هذا السبب وليت نحب نغيلهم باش نبقى مع روحي شوي

و شكرا على هذا الموضوع

صحا عيييدكم

[آلمُحبـ♥ـہ]

آآآآآآآه يا ربي ياااااو

و علاش جبدتيلي و فكريتيني بيهم ههه

نكرههههههههههههههههم

مين كنت صغيرة و ماما تقولي غسلي المواعين المورال يطيحلي

و بيني و بينك كنت خطراتش نطيح كااش حاجة باش تزعف و تقولي متغسليش هههههه شيطانة

لحد الان نكره المواعين بزااااااف

لكان يقولولي سيقي 20 دار و ماعليش المهم مانغسلش المواعين

ههه المهم انا بالقرب كي اسمع القصص الجديدة فالموضوع رائع بكل معنى الكلمة

[**خليصة **]

مشكوره على الموضوع
انا و الماعن بيناتنا عشره طويله و قصة حب جد حميمية
او مش ممكن نتفارقو ابدا
مام سييت انا نخليهم طبعا هوما متفهمين او يرضاو على زعلي منهم او ما يفارقونيش
مام نفضل التسياق عليهم بصح حوما مايغيروش منو ديما لاسقسن في
شكرا ثانية على الموضوع

[ام نسمة]

المشاركة الأصلية كتبت بواسطة معاً إلى الله

مممم علا حساب تلك الضحكة الطويلة و العريضة ..
باين قلبك معمّمممممممممر منها ..

أهلا بيك يا زهوووور الفل ..

لازم ترجعي كما كنتِ من قبل تغسليهم أوّل بأوّل ..
و معااا سنحاول نزع فكرة التسويف من قاموسنا ..

إيـــــــــــهيه راكي تمدّي في الحيل للتهرب من غسل الأواني ..


ما تدري هو يخرج و يلقى حانوت ما محلول ..

مالا الحل الأمثل و الجواب المثالي هو
أحم أحم
>
>
>
>
>
>
>
>
>
>
>

أجرحي يدّك ..



لكــــــــن مصيرك تبرااااي و تغسليهم ..

ربي يكون في عون كلّ وااااحد ..

سعيدة جداااا لحضورك المميّز .. كوني دوماااا بالقرب ..

هههههههههههههههههههههههه
ظحكتيني نجرح يدي تطفر غير فيا انا تاليتها يباتو والصباح نغسلهم بصح كون نجرح يدي نبقى يومين وياو يقعدو تم حتى نريح هداك وين نزيد الشقا على روحي
ههههه
انا حتى ولو ننجرح نحزم صبعي نورمال بصاشي ونغسل ومن بعد نحيها
احسن مايبقو
والله راني طايبة من شغل الدار وكاين مشكل اخر راح احكي عليه في موضوع عما قريب فكوني بالقرب كما تقولين
صحا فطورك

[أم مريم]

السلام عليكم ورحمة الله

الله يبارك ناشطين دائما تقبل الله منا ومنكم وعيدكم مبارك كل عام وأنتم بخير وإن شاء الله يكونوا المعاين تاع العيد ساهلين عليكم بالنسبة ليا نحب نغسل الماعين وكي نشوف الكوزينة منظفة نريح لكن المشكلة لما نكملهم يجو ووسخو من بعدك هذيك تقلقني بزاف

[ب.علي]

السّلام عليكم

يسرّني أن أتتقدم أليكم بأحر التّهاني بمناسبة حلول عيد الأضحى المبارك ......
تقبل الله منّا ومنكم صالح الأعمال .....عيدكم مبارك وأعاده الله علينا وعليكم بالصحة والعافية