بيتك جنتك ورضاء ربك مبتغاك - الصفحة 6

oummalak · 2013-01-21, 14:13

اقتباس:

المشاركة الأصلية كتبت بواسطة nounou1962

السلام عليكم و رحمة الله و بركاته أخواتي و بناتي الفضليات اسمحن لي بالدخول الي مملكتكن الجميلة التي اطلعت عليها بعد أن تقاعدت من عملي أنا الأن أنوي ان شاء الله تطبيق برنامجكم لأنه يساعدني خاصة بعد أن تعبت كثيرا اسمحن لي بأن أنصحكن بالمحافظة علي صحتكن مع القيام بواجبتكن الله المستعان

مرحبا بك استاذتنا معنا ولي الشرف ولكل الاخوات ان تكوني بيننا وتمدي يد النصح لنا

oummalak · 2013-01-21, 14:16

اقتباس:

المشاركة الأصلية كتبت بواسطة نبض الفؤاد

رأيت منك عتابا بسيطا عزيزتي ام ملاك لم ادخل البارح وقت كتابة التطبيق جات بنتي وقعدت حتى منتصف الليل عندها خدمة في الوورد
المهم الجانب الديني كامل الحمد لله نسأل الله القبول
الجانب الجمالي خلاصولي الزيوت البنات معايا اذا لجأت لصابون الطرفمع الشب على رأي منى
الجانب التنظيفي غسيل الحوايج ما يمكنش جو ممطر وخليت سيش لانج لتجفيف المعاطف والقبعات
مسح الثلاجة والسقف والنيون ومسح الغرف الاخرى كان يوم السبت
الفطور شطيطحة لوبيا جات بنينة وسلاطة خضرا وبرتقال
الصباح درت الفطير بسميد القمح يعني بقالي للعشية والعشا كان شربة بالحليبلاراحة كروشنا وطبق الكفتة بالبيض
وغسلت الماعن وخملت المطبخ

سامحيني اختي والله لم اقصد اي عتاب لانني على قناعة ان كل انسان وظروفو ولا يعلم به الا الله
اما عن التطبيقات شاطرة سبقتينا
ربي يعاونك ويحفظلك وليداتك ويشافيلك بنتك امين يا رب

oummalak · 2013-01-21, 14:19

اقتباس:

المشاركة الأصلية كتبت بواسطة نبض الفؤاد

اليوم الصباح نهضنا للفجر ودخلت المطبخ باه نعمر البريس وجدت الكارثة المطبخ عايم بالماء نخلعت واش ندير
هذا هو عيب السكن الوظيفي تخدمي حاجة تطرطقلك حاجة أخرى
المهم شربو الاولاد الحليب وتوجهوا الى مدارسهم وبقيت انا مع ..............
ان شاء الله صلاة الضحى الان تكون بين لا ميتون

غير بشوي ما تزعفيش روحك الدار غولة انتي تصلحي حاجة وهي تخلق حاجة اخرى ربي يكون فالعون

oummalak · 2013-01-21, 14:20

اقتباس:

المشاركة الأصلية كتبت بواسطة sondse1

صباح الخير عليكم حبيباتي
واش احوالكم ان شاء الله بالف خير
اسمحولي بزاف علابالي بلي طولت عليكم فوق اللازم
الله غالب هذا خارج عن يدي الظروف جات صعيبة عليا و ما قدرتش ندخل
المهم ذرك نطلب من المشرفات باه يثبتو موضوع ام ملوكة و يبقى تجمع واحد نتلاقاو فيه
و انا كي تسقم الاحوال راني ندخل معاكم
نتمنالكم اقامة طيبة مع ام ملوكة
و ان شاء الله تدوم صحبتنا
مع حبي
اختكم مريومة

مرحبا غاليتي الشرف لي انك نورت موضوعي واول ما تسمحلك الظروف ارواحي انت الاستاذة ونحن التلاميذ

oummalak · 2013-01-21, 14:24

اقتباس:

المشاركة الأصلية كتبت بواسطة sabrina alg

صباح الخير اخواتي
اختي ام ملاك لاباس عليك المعدة انا ثاني نعاني منها من سنة و نصف ما نقدر ناكل كي الناس ما نقدر نصوم نقولك كيما قالي الطبيب ماتاكليش الرمان و اللفت و القهوة و النسكافي و الشيكولا و الجزر نبء و لاسوب ما تاكليهاش في الليل هادا بالنسبة للممنوعات و لقيت وصفة لخبيرة اعشاب قالت كل يوم عللا الريق ابشري حبة بطاطا و اعصريها و اشربي الماء تاعها يجيك حوالي ملعقتين ديريها 3 ايام فقط هاداك النشاء نع البطاطا يدير جدار عازل و الاكل ما بضركش حربتها وارتحت شوية

اسفة البارح ما قدرتش نكتب انجازي
نضت مع ادان الفجر توضيت صليت ممبعد رحت للمطبخ درت لخفاف و كاين اللي سموه سفنج ووقت العجن كنت نقرا ادكار الصباح لاني حافضتهم ممبعد حطيت القهوة و نوضت بنتي و شربنا و ديتها للندرسة و كي وليت فتحت النواقد و خملت لحوابج الموسخين و درتهم في الماشينة و و حطيت لفطور يطيب درت شطيطحة بقري بالشومبنيون و كسرة رخسيس و جيت نطل الحمد لله لقيت المنتدى لتفتحلي قريت البرنامج و رحت نطبقو و الحمد لله خاصة فكرة التوقيت عجبتني بزاف هاداك ما يليق مع واحدة كيما انا سلحفاة ههههه
و الى المساء بادن الله نحط واش درت اليوم

شكرا وربي يشافيك اختي انا من كثر الدواء الي كليتو مرضتلي رايحة نجرب الوصفة انتاعك
اما عن التطبيقات رائعة وتحدي الوقت شيء ممتع للغاية هدا من رايي
ربي يعاونك

oummalak · 2013-01-21, 14:26

اقتباس:

المشاركة الأصلية كتبت بواسطة سمراء الدنيا

السلام عليكم كي خلصت البرنامج قلت نطل عليكم و لقيت المفاجاة مريومة العزيزة طلت علينا يا اهلا بيك نورتينا .... و الله يكون في عونك و عون العائلة .... نتمناو نشوفوك في اقرب وقت

شاطرة كملتي بكري يالفحلة

oummalak · 2013-01-21, 14:27

اقتباس:

المشاركة الأصلية كتبت بواسطة ام امجد14

السلام عليكم رانى مازال مع البرنامج ربى يسهل

ربي يسهلك ويعاونك يا غاليتي ام امجد

oummalak · 2013-01-21, 14:30

اقتباس:

المشاركة الأصلية كتبت بواسطة امينة مناد

السلام عليكم
اريد الدخول في هده الدورة ان شاء الله ولكن اريد اولا ان افرغ قلبي قليلا لاني غاضبة وقلقة
لا تعتبروني سخيفة ..........عندي سلفتي عندها بنتان وبنتها الاولى قد بنتي في العمر والمشكل ان ابنتي تحب اللعب معها بشكل ملفت للانضار وبما اننا نسكن في بيت واحد والباب امقابل الباب يعني لازم نشوفوا بعضانا دايمن وفي كل وقت وكل حركة من الطرف الاخر معلومة .......المشكل انها سلفتي محدرة بنتها متدخلش عندي اخلاص وكي انقوللها ارواحي تلعبي مع بنتي اتقولي.لالا ماما متخلينيش...........اما بنتي اتروح ليهم في كل وقت وما تسمعش اكلامي عندهم السن 3ونص يعني اصغار بصح ازعافي فشيتوا فيها اضربتها بزاف ..................قولولي كيقفاه اندير حتى راجلي قلقني .................................حكاية اطويلة ....سامحوني لان اول يوم ادخله معكم بلمشاكل

ربي ما يجيب المشاكل كبري عقلك وخليها ربي يتولاها وعن بنتك من رايي ديريلها التلفاز وخليها بجانبك لكن بالحيلة ومنيها باشياء بلا ما تضربيها

oummalak · 2013-01-21, 14:31

اقتباس:

المشاركة الأصلية كتبت بواسطة fati 17

مساءالنور البرنامج جاني صعيب التزام بجدول واعرة عليا واش اندير

من اي ناحية جاك واعر واحنا نبسطوهولك

oummalak · 2013-01-21, 14:33

اقتباس:

المشاركة الأصلية كتبت بواسطة امينة مناد

انا عندي زوج ابيوت وكوزينة والكولاغ والدروج والحمام مع سلفتي و...............امالين الدار كيفاه رايح ايكون البرنامج

الى انت تخدمي الكوزينة وحدك تبعي معنا البرنامج والبيوت كيفكيف

oummalak · 2013-01-21, 15:08

السلام عليكن بنات تطبيقاتي
العميق 60د كنت نتهاوش مع دعاء مرة مرة تقولي ماما اونك بمعنى نعاونك ههه
الشغل اليومي طبقتو بحذافره
الصلاة في وقتها كدلك الضحى
الغداء كان خرشوف+زيتون ولحم وخبز اختكم فنيانة نشري غير دوك لقرون ليابسين نتمنى نعجن كيفكم
لما راحو لولاد للمدارس جاء ابو الشباب غديتو ومن بعد خلطت المبسسخليتو يرتاح
الان رايحة نديرو يطيب ونروح نخيط شوي الى المساء
كدلك عني كوي الملابس نخصصلو نصف ساعة كل يومين طريقة ريحتني منو

oummalak · 2013-01-21, 15:11

هده هدية مني لكم

أم أمين2007 · 2013-01-21, 15:12

السلام عليكن
الله يبارك
لم استطع الا المشاركة
طبعا صحبتكم تشجعني كثيرا
اليوم كان جله لكنس اثار الغبار و بيتي كبير مع 2 احواش وجنان المهم راح اليوم كله في النفض والتنظيف
الاهم اني صليت في الوقت
لم اقم بالشىء الكثير فابني الصغير به كحة و حرارة وانا ابنائى كل حياتى اترك كل شىء لاجلهم
هو نائم الان
المهم ام ملاك و الجميع جعلنا الله خير صحبة في طاعته
بارك الله فيكن

oummalak · 2013-01-21, 15:15

وهده ايضا

oummalak · 2013-01-21, 15:18

اقتباس:

المشاركة الأصلية كتبت بواسطة om anas dz

السلام عليكن
الله يبارك
لم استطع الا المشاركة
طبعا صحبتكم تشجعني كثيرا
اليوم كان جله لكنس اثار الغبار و بيتي كبير مع 2 احواش وجنان المهم راح اليوم كله في النفض والتنظيف
الاهم اني صليت في الوقت
لم اقم بالشىء الكثير فابني الصغير به كحة و حرارة وانا ابنائى كل حياتى اترك كل شىء لاجلهم
هو نائم الان
المهم ام ملاك و الجميع جعلنا الله خير صحبة في طاعته
بارك الله فيكن

امين يارب ونتمى نكونو صحبة في الطاعات ان شاء الله
ربي يشفيلك وليدك ويحفظهولك من كل شر