بعد إجتياز المقابلة الشفهية ملازم أول شرطة

[programmeur]

المشاركة الأصلية كتبت بواسطة alidz89

ماني فاهم والو في المسابقة الوكان كانت انتخابات في 10 ايام يبلزوها ياخي بلاد تقرا حتى الماستر وبعد نيل الشهادة بدقيقة تدرك انك دخلت في دوامة البطالة والله لي حبس في 9اساسي ودارو كاش حيرفة والله راهم مهنين بسيارتهم وشراو دار...حتى لانام ماتصحلكش..

كلامك صحيح اخي
بصح واش حبيت دير
ان مع العسر يسرا


الله ينجحنا في المسابقة تاع الضباط بادن الله

[houssam0h0]

السلام عليكم

واحد صاحبي قالي عندو فاميلتو يخدم في شاطو ناف

المدرسة راهي فارغة شوية

يعني ممكن يدخلو ليها

والله أعلم

[scorpion1]

المشاركة الأصلية كتبت بواسطة programmeur

كلامك صحيح اخي
بصح واش حبيت دير
ان مع العسر يسرا


الله ينجحنا في المسابقة تاع الضباط بادن الله

يا programeur خويا ضابط في الشرطة كامل حابينها باه نخرجوا من بقعة الشوماج هادي بصح دير في بالك بللي كاين لي أكثر منك و عندو شحال و هو يسنى و مزال ماكتبش ربي سبحانو و تعالى... كيما أنا مثلا متخرج مند 2009 و أديت الخدمة الوطنية و مفوت لي كونكور خير ربي و راك تشوف مازال ربي ما فتحش....و نشاالله يفتح علينا كامل في هادي تاع الشرطة و لي حاب حاجة نشاالله ربي يكتبهالو و كولشي بلمكتوب منريحوش بطالين برك و الله المستعان. و بلاك تبان هادي الأسبوع على ربي.سلام.

[rima_manaa]

ان شاء الله تصح لينا بلاصة

[scorpion1]

المشاركة الأصلية كتبت بواسطة programmeur

امين يارب
شكرا لك اختي



ان شاء الله يارب

أمين يا رب شكرا

[bakabiko]

المشاركة الأصلية كتبت بواسطة yahia kabyle

smehli ya bakabiko besah ana kemelte f 2011 w fewet 15 n concoure fel wadif el 3oumoumi makhalit hta blasa diplasite ...khsert drahmi w maken walou ghir l3erf me3endekch l3erf g3et .....fewt concour f mascara kouna 14 nwahed imala ki fetet la liste bech nsenyou ktebt ismawat ge3 les 14 les fewtou f war9a w desitha ............imala ki kharjet la liste rbeh wahed ge3 mafewtch m3ana ana rani m3a programeur f hadrateh rabi yjib lkhir hadi taliya hta soursi ghadi yekmel f novembre ..........w dir f balek l9ita3 lkhas khdemt fih....yahartou 3lik w ymedoulek 4 doro w yzidou ydelouk .....khouya f had denya ghadi n3ich khatra...........imala n3ichha rajel

عسى فيما سأقوله دعم لك أولا لست الوحيد الذي يعاني من هذه المشاكل و هذا يعني إذا عمت خفت بالإضافة أنني جوزت 25 مسابقة في ضرف عامين و لست نادما ، كذلك أنت ما خسرتش دراهمك باطل راك هزيت خبرة ما تحسلهاش في 15 مسابقة لي فوتها ، بصح من و الجاي ماشي كامل المسابقات تشارك فيها ، فقط لي فيها حظوظ معقولة و لكان على القطاع الخاص ، ننصحك بالمجال لي تهز فيه الخبرة في المجال تاعك ، و ما تخزرش لناس لسبقاتك في الخدمة و الزواج خطراك كل واحد عندو طريق كاتبهالوا ربي و لازم تامن بها ماش قول برك، الله يوفق خويا

[spirou ch]

المشاركة الأصلية كتبت بواسطة programmeur

مخلطة يا اخ
هي على حساب اللي ربحو

يعني مايديروش على التخصص

هدا اللي شفته في حيدرة كنا 200 او اكثر كل واحد وتخصصه والاغلبية كانت تاع الحقوق ثم اقتصاد
والله اعلم

خويا راك مافهمتنيش انا حبيت نعرف وعلاه يبعثو 100 لشرشال وشرشال خاصة بوزارة الدفاع

[programmeur]

المشاركة الأصلية كتبت بواسطة scorpion1

يا programeur خويا ضابط في الشرطة كامل حابينها باه نخرجوا من بقعة الشوماج هادي بصح دير في بالك بللي كاين لي أكثر منك و عندو شحال و هو يسنى و مزال ماكتبش ربي سبحانو و تعالى... كيما أنا مثلا متخرج مند 2009 و أديت الخدمة الوطنية و مفوت لي كونكور خير ربي و راك تشوف مازال ربي ما فتحش....و نشاالله يفتح علينا كامل في هادي تاع الشرطة و لي حاب حاجة نشاالله ربي يكتبهالو و كولشي بلمكتوب منريحوش بطالين برك و الله المستعان. و بلاك تبان هادي الأسبوع على ربي.سلام.

علابالي اخي وراني عارف واش كاين

وكيما يقولو
اللي يشوف هموم الناس ينسا همو
وكاين اللي كمل قرايتو منا صاب روحه خدام منا
يعني كلش بمكتوب ربي يا خويا والله يفرج عليك وعلى امثالك وعلينا

هادي المرحلة اللي راني فيها عدوك و ماتتنمناهالهش

[مهدي 04]

ربي معاكم
خاوتيييييييي

[yahia kabyle]

المشاركة الأصلية كتبت بواسطة bakabiko

عسى فيما سأقوله دعم لك أولا لست الوحيد الذي يعاني من هذه المشاكل و هذا يعني إذا عمت خفت بالإضافة أنني جوزت 25 مسابقة في ضرف عامين و لست نادما ، كذلك أنت ما خسرتش دراهمك باطل راك هزيت خبرة ما تحسلهاش في 15 مسابقة لي فوتها ، بصح من و الجاي ماشي كامل المسابقات تشارك فيها ، فقط لي فيها حظوظ معقولة و لكان على القطاع الخاص ، ننصحك بالمجال لي تهز فيه الخبرة في المجال تاعك ، و ما تخزرش لناس لسبقاتك في الخدمة و الزواج خطراك كل واحد عندو طريق كاتبهالوا ربي و لازم تامن بها ماش قول برك، الله يوفق خويا

ربي يحفظك صاحبي

[juvada29]

المشاركة الأصلية كتبت بواسطة programmeur

علابالي اخي وراني عارف واش كاين

وكيما يقولو
اللي يشوف هموم الناس ينسا همو
وكاين اللي كمل قرايتو منا صاب روحه خدام منا
يعني كلش بمكتوب ربي يا خويا والله يفرج عليك وعلى امثالك وعلينا

هادي المرحلة اللي راني فيها عدوك و ماتتنمناهالهش

sa7a gouli yadra kach ma ban wela walo rana nkar3o kima min nestenaw elhelal ta3 ramdan hihihihihihihihi

[juvada29]

rani ghir ngassar mazel chouiya normal sbarna sinin kadrin nesobro yamat

[houssam0h0]

هل من جديد ؟

[3abdellah]

السلام عليكم في مساء البارحة وصل تيليغرام لسونترال وهران فيه خمسة اسماء ممن اجتازوا المحادتة في حيدرة ونص هدا التيليقرام هو اجراء فحص طبي و اختبار رياضي يومي 11/12سبتمبر و الله على ما اقول شهيد ربي ينجهكم اخواني سلام

[walid07s3]

السلام عليكم ورحمة الله في بسكرة لقد تم ارسال استدعاءات للذين نجحوا في المحادثة في حيدرة لاجراء الفحص الطبي المعمق في الجزائر وكذلك اجراء اختبارات رياضية في مدرسة الشرطة بالصومعة أيام 13- 14 بالتوفيق للجميع.
أدعولي إخوتي بالنجاح انشاء الله