اول اتصال من ضباط صف الدرك الوطني - الصفحة 6

علال92 · 2012-08-24, 23:37

يا كريمو هادي ليامات يعيطولك اصبر برك متتقلقش

رؤوف 1990 · 2012-08-25, 00:33

اقتباس:

المشاركة الأصلية كتبت بواسطة amine-23

السلام عليكم يا جماعة مافهمتش أنا واش صاري كاين لي جاتوا الكوفوكاسيون و كاين لي ماجاتوش المهم أخي jian أفدنا ادا كنت أبلي كونكور في مداوروش العام الماضي مداوروش قبلت 1000 جدارمي العام هدا زادوا في الشاليات و البلايص قالي صاحبي مقاجي لتم سنا رايحين يحكمو حوالي 2000 جدارمي و انشاء الله نكونوا منهم

العام لي فات قبلت 2000 في 6 شاليات
و بقاو 2 شاليات فارغين

amine-23 · 2012-08-25, 09:21

أ جماعة أفيدونا بلي فيه الخير واش لازم نديروا قبل ما نروحوا للمدرسة وكيفاه نجوزوا الفحص و أللف شكر لكم

رؤوف 1990 · 2012-08-25, 12:38

اقتباس:

المشاركة الأصلية كتبت بواسطة amine-23

أ جماعة أفيدونا بلي فيه الخير واش لازم نديروا قبل ما نروحوا للمدرسة وكيفاه نجوزوا الفحص و أللف شكر لكم

اهلا خو
واش تدي كلش
ملابس داخلية و لي جوتابل كثر بزاف كل نهار و لا 2 لازم تحفف و مصحف كان تصلي و فرشاة اسنان و ما لازمها و ابرة و خيط اخضر و شامبوان و صابون و الدواء ادي واش تقدر خو و خبيهم عليهم سيرو تع السعال و كاشي تع الضروس و الراس و بوماد و..... و جوارب 3 او 4 و فراش تع الرونجارش الايام الاولى راح يدرك
و في الفحص حوايج السبور
السبور راح يكون عاد 100 متر و 1000 متر و الحبل
العام لي فات ماعقبوش قاع و البسيكو يعطيك ورقة تعمرها و يقولك روح مقبول مايقراها اصلا و الطبيب صعب شوية ادي معاك التحاليل كامل و قف وفة رجل صحيح و حاول ماتبينش ضروسك المسوسين و كان تتكيف درك يفيك بيك قولو لالا مانتكيفش و خشن راسك لالا معناها لالا
قبل ما ننسى عندك تنسى كادنا و مفتاح دوبل
الله يسهل

amine-23 · 2012-08-25, 13:09

الله يحفضك خويا رؤوف والله العضيم تعبتك معايا المهم ربي يعيشك وانشاء الله التوفيق للجميع

hamza12 · 2012-08-25, 14:32

لقد تم افتصال بي منذ 5 دقائق من لابريقاد وقالولي ارواح تدي الكونفوكاسيون.
عند احضارها سوف أزودكم بالتاريخ و المدرسة و شكرا.
للتذكير أنا من ولاية سطيف

رؤوف 1990 · 2012-08-25, 17:00

اقتباس:

المشاركة الأصلية كتبت بواسطة amine-23

الله يحفضك خويا رؤوف والله العضيم تعبتك معايا المهم ربي يعيشك وانشاء الله التوفيق للجميع

ماشي مشكل خو ربي يسهل ان شاء الله

setif1990 · 2012-08-25, 18:23

خاوتي شكون لي يعرف المدرسة نتاع مليانة علي خاطر عندي بعض التساؤلات ...البداية اود تصور للشاليات يعني قداه يبات واحد في الغرفة.. هل مزودة بمدفئة...هل يوجد دووش...اام الامر الثاني فهوهل يسمح بادخال الادوية ((نتاع لاقريب الحساسية() "

hamza12 · 2012-08-25, 20:34

لقد تم استدعائي لمدرسة مداوروش كطالب ضابط صف متعاقد بتاريخ 29/08/2012
للتذكير أنا من ولاية سطيف

abouracha · 2012-08-26, 10:02

هل بعد كل هذا الجري والتعب وبعد الاستدعاء النهائي يمكن أن يكون فيه رفض للطالب الذي تم استدعاؤه . وشكرا .

amine-23 · 2012-08-26, 11:29

والله نفس السؤال المطروح المهم لكل من يحب أن يعطيني نصائح أو أفكار أنا في حاجة لها والفايسبوك تاعي هوا amine swim والله ولي التوفيق

amine-23 · 2012-08-26, 14:54

السلام عليكم أخي رؤوف أٍريد استفسار بسيط حول الملف الاداري المدون في الكونفوكاسيون هل نوجدوه ونديوه البعض يقولون أن في نهاية السطاج قبل ما يميتيونا يدوه علينا هاد الدوسي أرجو منك التبسيط حول هدا الاستفسار و ربي يعطيك ما تتمنى و يحفظك 10000 شكر

رؤوف 1990 · 2012-08-27, 00:30

اقتباس:

المشاركة الأصلية كتبت بواسطة amine-23

السلام عليكم أخي رؤوف أٍريد استفسار بسيط حول الملف الاداري المدون في الكونفوكاسيون هل نوجدوه ونديوه البعض يقولون أن في نهاية السطاج قبل ما يميتيونا يدوه علينا هاد الدوسي أرجو منك التبسيط حول هدا الاستفسار و ربي يعطيك ما تتمنى و يحفظك 10000 شكر

ادي معاك بعض الشهادات الميلاد الاصلية حوالي 3 فقط و كارني شاك تاعك رد بالك تنساه فقط ادى ما تحتاج
الله يسهل