المدرسة العليا للأساتذة بوزريعة

[sara118]

سلام
عندي سؤال بالنسبة لاقامة بوزريعة لأنو معندي حتى معلومة عليها , نتمنى من أي وحدة مقيمة بيها تحكيلي شوية عليها و تقولي شحال من طفلة فلغرفة ؟ و كيفاش عاملة الحالة تماك و شكرا جزيلا .

[mimina 81]

اذا كان قصدك الاقامة اللي داخل المدرسة لانها الوحيدة في بوزريعة فهي بالنسبة للنضام مليحة لكن فيها الضيق بزاااااااااااااااف هي اصلا نتاع 2 بنات لا اكثر لكن هوما يديرو فيها 3 او 4 بنات كل شمبرة كيفاش يعني حسب الشارج في الاقامة

[RIMA19]

السلام عليكم
انا من ولاية شلف شعبة اداب و فلسفة
ديت الباك ب 16.04 راني حابة المدرسة العليا للاساتدة بوزريعة
1 ادب ثانوي 16.5
2 فلسفة 15.5
3 تاريخ و جغرافيا ثانوي 17
4 انجليزية متوسط 14
5 ادب متوسط
++++++++++
ممكن افكار عن المقابلة الشفوية
+++++++
و بواش تنصحوني ادب او فلسفة مع العلم انا حابة حاجة ساهلة
و شكرا

[hiso4a]

اعطينا كشما معلومات على الا،جليزية ف ens نتاع بوزريعة صعيبة سهلة كاين sabotage ou nn ومبعد الماجستير كيفاه معاه

[محمد الامين 9]

المشاركة الأصلية كتبت بواسطة rimiana

السلام عليكم ربي يجازيك على هذا الموضوع القيم
انا حبيت نسأل هل يمكن لأستاذ التعليم المتوسط انو يكمل الدراسة الى الماستر ام لا؟
لانو انا الحمد لله تحصلت على معدل 16 و لكني اخترت فقط استاذ التعليم الثانوي انجليزية ثم فرنسية لاني لا احب باقي المواد
ثم اخترت انجليزية ليسانس و فرنسية كذلك على امل ان اكمل دراستي الى الدكتوراه؟يسعدني جدا ان تنصحيني ما رأيك؟؟

نعم يمكن تكمل دراستك عادي
استاذ متوسط = ليسانس
بعدها تسجل في ماستر 1 باي جامعة

استاذ ثانوي = ماستر 1
بعدها تسجل في ماستر 2 باي جامعة
او ممكن تسجل ماجيستير بالمدرسة

[محمد الامين 9]

المشاركة الأصلية كتبت بواسطة vovo

مرحبا إخوتي انا عندي معدل 12.04 علوم تجريبية
- حاب ندير جامعة عليا ببوزريعة أستاذ تعليم ثانوي لمادة الانجليزية.
وكانت إختياراتي كالاتي :
1-لغة انجليزية استاذ التعليم الثانوي.
2- علوم بيطرية.
3- علوم تمريض
4- علوم فلاحية.
5- حفظ التراث
6- علوم وتقنيات النشاطات البدنية
7- ثروة غابية
8- مناجم بجاية
9- تغذيو وعلوم غذائية
10- خيروا لي واحد مليح يرحم والديكم . وهل هذه الاختيارات مليحة علما اني باغي استاذ مادة الانجليزية؟



--------------------------------------------------------------------------------------------------------------------------------------------------------------------------------------------
الرجاء الرد من فضلكم

مبروك عليك
اولا استاذ انجليزية نحيها من بالك ( فقط حطها اولى بالقائمة )

كذلك حفظ التراث + ثروة غابية + علوم التغذية

دير اول خيار 36 412:لغة إنجليزية أستاذ التعليم الثانوي المدرسة العليا للأساتذة ببوزريعة(الجزائر) 12.04
ثم الثاني 32 404:لغة إنجليزية أستاذ التعليم المتوسط المدرسة العليا للأساتذة ببوزريعة(الجزائر) 12.04
الثالث 13 082:آداب ولغة إنجليزية جامعة أدرار(أدرار) 12.04
40 703:طبيب بيطري جامعة تيارت(تيارت) 12.04
57 s02:علوم بيطرية جامعة قسنطينة 1(قسنطينة) 12.04
58 s03:علوم بيطرية جامعة باتنة(باتنة) 12.04
43 d10:علوم وتقنيات النشاطات البدنية والرياضية جامعة العلوم والتكنولوجيا وهران(وهران) 12.04
55 r01:علوم وتقنيات النشاطات البدنية والرياضية جامعة قسنطينة 2(قسنطينة) 12.04
4 014:هندسة كهربائية وإعلام آلي صناعي جامعة تيارت(تيارت) 12.04
1 011:تكنولوجيا جامعة أدرار(أدرار) 12.04

[ahlem az]

انا عندي المعدل 14.88 تقني رياضي
ودرت الخيار الاول استاذة لغة انجليزية تعليم ثانوي بوزريعة
هل سأوفق فخياري ام لا مع العلم اني ديت فيها 11 على غير العادة ارجوكم انصحوني قبل تأكيد التسجيلات الاولية

[nabil99]

وهل من محتمل معدل 11.90 شعبة اداب وفلسفة التحاق بلمدرسةة العليا

[saroko]

انا جبت في الباك 13.07 هل استطيع الدخول خاصة انني نسكن في بوزريعة ومريت مليون مرة عليها

[mazolafifi]

السلام عليكم ممكن تقوليلنا الاسئلة لي يسالوها في الاول باش تدخلي للمدرسة العليا

[biba.fbi]

المشاركة الأصلية كتبت بواسطة اميرة زماني

ربي يجازيك كل خير

الله يوفقك ياحبيبتي

صحا نقولك صح

بصراحة انا راني مترددة وخايفة شوي من بوزريعة

وانا قلت نكون انا وصحبتي خير علا خاطر مانعرف حتا واحد ف بوزريعة

صحا لوكان نختارو كيف كيف

زعما يعطونا مع بعض؟

salllllllllllllllam
ana tani jbt el bac 14.52
w kont haba ndir fi bouzirri3a mais drwek rani khayfa yaser 3alakhter mana3raf hata wahed thama
w rabi yjib iki fih el khiere

[biba.fbi]

salam

ميرسي بوكو ختي كي راكي تعوي فينا
الحمد لله انا معدلي 14.52 و اكيد رايحين يقبلوني ف المدرسة العليا ان شا الله
بصح دروك راني حايرا بين الموسط و الثانوي علا خاطر المتوسط ف الدزاير و انا ما نعرف حتى واحد تما يعني راحا و عينيا مغمضين ماعلابالي ببوالو
و الاغواط 5 سنين و انا نحسها ياسر طويلة و زيد التلاميذ تاع الليسي حدث و الا حرج اكيد ماشي رايخا نسيطر عليهم
و الله ماني عارفا واش ندير ؟
المهم حبيت نسقسيك
بالننسبة للبوزريعة و شحال كاين من اقامة فيها تخص المدارس العليا
و ابعد اقامة و سحال تستغرق من وقت للوصول ليهل يعني بين لاسيتي و لا فاك
و على اي اساس يقبلو لبنات ف الشومبرا و لا غير يديرو و خلاص
و المعيسة ف الدزاير صح واعرا و يلقلها mini guide ماشي وحدك و خلاص
و اي اضافات حول الاقامة ارجو ان تفيديني بيها
و شكرا مسبقا
و الله ولي التوفيق

[Chaima h]

انا تقني رياضي عندي 13.58 نقدر ندير مدرسة عليا ابتدائي