حلقات السيدة يعلى حصريا - الصفحة 6

mimi53 · 2012-03-19, 09:55

بالنسبة للماء 1 نحلو فيه لحظة ولاخر نمزج به الكل وشكر

mimi53 · 2012-03-20, 16:14

اليوم جبتلكم وصفة لكروم بطريقة جديدة

نأخذ رأس كروم متوسط و ندخله فى ماء سخون يغلي و مملح و ننزع بالورقة و كلما نرجع الرأس الى الماء حتى نكمل كل الأوراق.
نحضر الحشو نضع 300 غ لحم مرحي مع 3 سنات ثوم مرحي مع حبة بصل مقطع رقيق و نضيف معدنوس مقطع صغير و ملح و فلفل أكحل و فى الأخير حبة بيض
نخلط كل المواد مع بعض .
نأ قطعة قماش نظيفة نأخذ 4 ورقات من الكروم اللون الاخضر الغامق و نضع فوقه قليل من اللحم المرحي
ثم نضع الطبقة الثانية يكون لونها افتح شوية و نغير اتجاه الأوراق و نضع فى الوسط اللحم المرحي
ثم الطبقة الثالثة و يكون اللوت للأوراق فاتح و نض الاوراق ثم اللحم المرحي
نقفل الاوراق و نضغط بالقماش جيدا ليأخذ شكل رأس الكروم
نضع السرة فى ماء يغلي مملح و فيه أوراق من الرند و سنات ثوم و نترك السرة تغلي مدة 54دقيقة أو أكثر شوية
ثم نأخذ صينية الفرن و ندهنها بالزبدة و ننزع القماش و نتركه يتحمر

mimi53 · 2012-03-20, 16:20

حلوى الشيكولا سهلة و لذيذة
المقادير
250غ منغرين طرية - كأس سكر ناعم - 3 صفار البيض - علبة شيكولا سوداء ذائبة أنا استعملت شيكولا الحليب لأن السوداء كانت غير موجودة عندي - كيس خميرة الكيمائية - الفرينة
للحشو شيكولا مقطعة قطع صغيرة
للتزيين معجون المشمش - قوفريط مرحي
التحضير نخلط المنغرين مع السكر الناعم ثم نضيف صفار البيض بالحبة و نذوب علبة الشيكولا السوداء و نتركها تبرد قليلا يجب أن تكون خاثرة و نضيف الخميرة و نجمع العجينة بالفرينة
نشكل كويرات صغيرة و نحشي كل كويرة بقطعة شيكولا و نكور و نضع فى صينية و ندخلها للفرن . لما تطيب نغمس الكويرة فى المعجون ثم فى القوفريط المرحي .

وهده الوصفة كانت ايضا وضعتها اختي امال 7 فشكرا لها وعلى تطبيقها الرائع

mimi53 · 2012-03-20, 16:23

لمادلان كلش ب6
المقادير
6 بيضات - 6 مغارف سكر عادي - 6 مغارف حليب - 6 مغارف زيت - 2 كيس خميرة كيمائية - 6 مغارف فرينة - مغرفة صغيرة فانيليا أو قشور الليمون
التحضير
نفصل صفار البيض عن البياض . نضرب البياض كالثلج و نتركه جانبا
نخلط صفار البيض مع السكر جيدا ثم نضع الزيت و من بعدها الحليب السائل و من بعد نضع الفانيليا أو قشور القارص و فى الأخير نضع الفرينة منخولة مع الخميرة و أخيرا نضع بياض البيض المضرب و نخلط غير بشوية لكي لا يتكسر بياض البيض
نأ قوالب المادلان نستطيع أن نفرشهم بالأكياس الورقية أو نضع الخليط فى قواب السيلكون الخاصة بالمادلان و نضعهم فى الفرن يطيبوا
اذا أردنا ان نعمر الحبة بالمعجون نعمرها ب seringue ن تحت الحبة
هده صور اختي لمال 7 وتطبيقاتها فشكرا لها

mimi53 · 2012-03-20, 16:35

تطبيقي لموسكوتشو السيدة يعلى نتاع 2 بيضات

هدا نصيب اول واحدة ترد

sisi 26 · 2012-03-21, 08:12

أنا اسفة على الغلطة ماهيش بتاعاني اسمحولي و إذا تحبو منزيدش نحطلكم باش منغلطكمش نورمال أختي أنا حبيت نفيدكم برك و الله ماهي بالعاني اسمحولي

mimi53 · 2012-03-21, 12:29

حبيبتي سيسي ماصرا والو ماكانش الي ما يغلطتش حنونة الغلطة صرات وتصلحت وساي راني نسنا في الوصفات نتاوعك عما قريب ولا رايحة نزعف منك حنونة
اوكي حبيبت راني نسنا فيك وفي تطبيقاتك

liliane24 · 2012-03-21, 13:00

اقتباس:

المشاركة الأصلية كتبت بواسطة sisi 26

أنا اسفة على الغلطة ماهيش بتاعاني اسمحولي و إذا تحبو منزيدش نحطلكم باش منغلطكمش نورمال أختي أنا حبيت نفيدكم برك و الله ماهي بالعاني اسمحولي

اسمحيلي أختي ، ما كانش قصدي نقيسك بكلامي، راني آآآآآآآآآآآآآآآآآآآآآآآآآآآآسفة.
أنا فقط كنت حابة نبين أن خطأ صغير في أي وصفة و خاصة وصفة الحلويات رايحة تكلف السيدات خسائر، لأني أنا شخصيا قداه من مرة نجرب وصفة بمقادير خاطئة والنتيجة أني نمدها للقطط تأكلها.
آسفة للمرة الثانية و رانا فرحانين بمشاركاتك و الله رانا نستفاد منك بارك الله فيك

الدنيا · 2012-03-21, 13:00

تبارك الله عليكم اخواتي على الوصفات الاكثر من رائعة

mimi53 · 2012-03-21, 15:44

اختي لليان بارك الله فيكي وعلى كلامك

mimi53 · 2012-03-21, 15:55

اقتباس:

المشاركة الأصلية كتبت بواسطة الدنيا

تبارك الله عليكم اخواتي على الوصفات الاكثر من رائعة

يسلمك حنونة مروركي اسعدنا وشكرا عللى تشجيعاتكم

sisi 26 · 2012-03-21, 16:20

اقتباس:

المشاركة الأصلية كتبت بواسطة mimi53

حبيبتي سيسي ماصرا والو ماكانش الي ما يغلطتش حنونة الغلطة صرات وتصلحت وساي راني نسنا في الوصفات نتاوعك عما قريب ولا رايحة نزعف منك حنونة
اوكي حبيبت راني نسنا فيك وفي تطبيقاتك

اسفة على الرد المتأخر ماكاش تريسيتي هدا وين جات ماشي هكداك أنا ماسمعتهاش نهار مدتها أول نرة سمعتها كي عيطتلها وحدة و قاتلها علييها اسفة للمرة الالف نورمال أنا حبيت نفيدكم برك خلاص نولي ندقق قبل ما مكتب شكرا أختي ميمي

sisi 26 · 2012-03-21, 16:21

اقتباس:

المشاركة الأصلية كتبت بواسطة liliane24

اسمحيلي أختي ، ما كانش قصدي نقيسك بكلامي، راني آآآآآآآآآآآآآآآآآآآآآآآآآآآآسفة.
أنا فقط كنت حابة نبين أن خطأ صغير في أي وصفة و خاصة وصفة الحلويات رايحة تكلف السيدات خسائر، لأني أنا شخصيا قداه من مرة نجرب وصفة بمقادير خاطئة والنتيجة أني نمدها للقطط تأكلها.
آسفة للمرة الثانية و رانا فرحانين بمشاركاتك و الله رانا نستفاد منك بارك الله فيك

عندك الحق أختي بلاك ماكنتش مركزة خلاص ضرك نولي نركز مليح أنا والله غير نحب هذا المنتدى و هو الوحيد اللي جذبني باش نسجل فيه و سيرتو طريقة المعاملة زعفت شوية مي نورمال و الحق معاك شكرا لك

sisi 26 · 2012-03-22, 20:29

أختي ميمي هل ممكن أن تعطيني وصفات السيدة يعلى ليوم الخميس 22/03/2012 لأنني لم أكن في المنزل و لمأسمعها و شكرا مسبقا

sisi 26 · 2012-03-22, 20:32

اقتباس:

المشاركة الأصلية كتبت بواسطة mimi53

حلوى الشيكولا سهلة و لذيذة
المقادير
250غ منغرين طرية - كأس سكر ناعم - 3 صفار البيض - علبة شيكولا سوداء ذائبة أنا استعملت شيكولا الحليب لأن السوداء كانت غير موجودة عندي - كيس خميرة الكيمائية - الفرينة
للحشو شيكولا مقطعة قطع صغيرة
للتزيين معجون المشمش - قوفريط مرحي
التحضير نخلط المنغرين مع السكر الناعم ثم نضيف صفار البيض بالحبة و نذوب علبة الشيكولا السوداء و نتركها تبرد قليلا يجب أن تكون خاثرة و نضيف الخميرة و نجمع العجينة بالفرينة
نشكل كويرات صغيرة و نحشي كل كويرة بقطعة شيكولا و نكور و نضع فى صينية و ندخلها للفرن . لما تطيب نغمس الكويرة فى المعجون ثم فى القوفريط المرحي .

وهده الوصفة كانت ايضا وضعتها اختي امال 7 فشكرا لها وعلى تطبيقها الرائع

شكرا لكما راها تبان بنينة