تشكيلة من المقبلااااات .....لاحلى عضواااااااات

[اسمهان79]

السلام عليكم ورحمة الله وبركاته
هل هلالك .......... شهر مبارك
كل عام وانتم بالف خير حبيباتي
وتحية لكل اعضاء منتدى الجلفة الغالي
تشكيلة من المقبلات سهلة وبنينة هدية مني ليكم

دجاج بخلطة لكرسبي





وااااااو واااااااو واااااااو روعةةةةةةةةةة وكأنك في مطاعم كنتاكي او ماقدونالدز روعةةةةةةةةةةة
الوصفة ممكن بصدر الدجاج او الأفخاذ او الأجنحة كيما تحبي
ولمعلوماتك الوصفة هاذي فيها الباراكة كيما يقولو عجائز بكري
تشبع وتصدر ما شاء الله
خذي نصف صدر الدجاج قطعيه بالطول مثل ما في الصورة تبليهم بشوية ملح وخل وخليهم اربع ساعات على الأقل
وجدي الخلطة الرائعةةةةةةةةةة
كاين زوج خلطات واحدة سائلة وواحدة ناشفة
1 ) في صحن حطي كمية من الفرينة معاها ملعقة اكل مليانة دقيق رطب كسبر ثوم بودرة ملح فلفل اسود وابيض فلفل احمر حلو 1 م ص خميرة الحلويات



2 ) بيض 2 م ك حليب 1 م ك من الخليط الاول شوية خل ونخلط مليح اذا حبيتي تجيك حارة وتاكلي دجاج سبايسي اضيفي الفلفل الأحمر المرحي الحار والهريسة



اول شيئ سخني الزيت مليح ثم حطي الدجاج بالواحد في الفرينة ثم في البيض ثم في الفرينة وقلبي سبع مرات ثم في البيض ثم في الفرينة وقلبي ايضاً سبع مرات ثم على طول في الزيت اقليهم نصف قليان وخليهم يبردو ثم عاودي اقليهم مرة اخرى








وقدميهم سخونين
والله والله احلى من المطاعم

رولي لبيض باللحم المرحي والفرماج





ماتقولوليش واعرة راهي ساهلة ووالبنة تقتللللل بشهادة الكل
من دون مجادلة ههه
خذي 5 حبات بيض تبليهم بالملح والفلفل الاسود والزنجبيل والثوم ولفاح وفلفل احمر حلو او حار مرحي ودبشة و1 م ص خميرة الحلوة و2 ك م خ و 2 م ك ماء ونخلط مليح
نوجد من جيه اللحم المرحي نتبلو وطيبو في مقلا
نوجد ايضا حبات زيتون اخضر مقطع حلقات وحبة طماطم صغيرة مقطعة مكعبات صغار وفرماج طري
في مقلا ما تلصفش ندهن بالزبدة او الزيت ونفرغ خليط البيض غير نشوفو بدا ينشف شوية من الاسفل نحط عليه اللحم المرحي اللي كنا طيبناه ثم الزيتون والطماطم والفرماج
نغطي ونخليه يطيب على نار ذليلة
مايطولش بزاف في الطياب نتاعو




نحيه ورليه مثل البسكوي رولي وقطعيه حلقات او شكل اوفال






ساهل ماهل لضياف الغفلة ههههه
بطاطا مشوكة بالزيتون






نصبرش حبة بطاطا كبيرة في لاراب لخشينة نعصرها من الماء نتاعها نضيفلها بيضة زيتون اخظر مقطع حلقات شوية من صدر الدجاج مقطع رقيق ملح فلفل اسود لفاح زنجبيل ثوم بودرة ونخلط كلش مع بعض



نسخن الزيت ً ثم نهز بالملعقة ونضغط بكف اليد ثم نزحلقها في المقلا ونقليها ولو حبيتي تحطي طرف فرماج في الوسط يزيد في البنة



انا هنا قدمتهم مع صوص الفرماج
صوص الجبن
زوج كيسان حليب نضيفلهم 6 حبات فرماج مثلثات والأحسن لافاش كيري ثلاث ملاعق فرينة ملح فلفل اسود ثوم بودرة ونصف كاس كرام فراش وصفار بيضة نخلط كلش بارد في بارد ثم فوق النار حتى تثقال
زيني بيهم البطاطا نتاعك
روعةةةةةةةةةةةةة روعةةةةةةةةةةة
بيتزا بطاطا هاااااايلة





نقطع البطاطا دوائر رقيقة نملحها ونفورها ثم نزيدلها ملح وفلفل اسود وزيت زيتون بعد ما تفور وتطيب
في مول دائري نضع ورق الزبدة ثم البطاطا بجنب بعض ونلوحها في الفور 10 د من جيهة نوجد ثلاث بيضات نتبلهم بالملح والفلفل الاسود و المعدنوس والدبشة ونجبد البطاطا من الفور ونفرغ البيض ونرجعها الى الفور



بعد 5 د نحي وحطي صوص الجبن واللي سبق وقلتها ثم لحم مرحي تكوني طيبتيه من قبل وفوقو بصل مقطع هلالات ومذبل في الزيت ومحمر شوية ثم في الأخير فرماج مرحي ورجعي للفور



والبنة هااااااااايلة تووووووووب
الكباب سلطان





مقبلة تركية رااااااااائعة
نقطع بيض انجان قطع صغيرة ونقليه ثم في قدرة نحط قطع دجاج مقطع مكعبات ونذل النار و نغطي ونخليه يطيب على مهلو ثم نلوحلو بصل ثم زيت ثم شوية طماطم مصبرة نلوح الجلبانة مصبرة او تكوني طيبتيها من قبل ولوحي البيض انجان ملح وفلفل اسود كسبر مرحي ثوم دبشة وفلفل حار مقطع رقيق ونخلط مليح



في بول صغير او غرفية نتاع حليب نحط ورق البوراك ونعمر بالحشوة ثم نلف الأطراف الى الداخل ثم نقلبو ونحط في بلا ونفرغ عليه لابيشاميل سبق وذكرت طريقتي وممكن صوص الجبن ونلوح في الفور



بعد شوية نجبد ونحط فرماج مرحي ونعاود ونرجعو للفور



ونقدمه بالصحة والراحة

مقبلة رائئعة بلابيري وخبز التوست






امممممم هايلة وثم هاااايلة والاحلى انها سااااهلة

ملاحظة
كنت مرة شفت اخت حطت طريقة صنع خبز التوست في البيت في باط نتاع الطماطم اذا اي وحدة عندها الرابط ياريت تحطولي هكذا باه الاخوات اللي ما يلقاوهش في المحلات يصنعوه بنفسهم في البيت
المهم ناخذ خبز التوست نحي الجوانب ونقطع الحبة على زوج
نقشر حبات بطاطا ونغليهم ثم نرحيهم نضيفلهم شوية دجاج طايب انا هنا طيبتو مع الشربة ومن بعد رحيتو ونضيف الدبشة وفلفل اسود ملح ثوم
نخلط مع بعض ثم ناخذ نصف من حبة التوست ونحط طبقة من لابيري
نتبل 2 بيضات بالملح والفلفل الاسود زالزنجبيل والخل والثوم البودرة ونغطس الحبات نتاع التوست فيه ونقليهم



شفتو واش ساهلين وفي نفس الوقت بنااااااان روعةةةة
ياريت ومن فلبي يعجبوكم
في امان الله حبيباتي
ورمضان كرييييييييييييم