~¤ô¦¦§¦¦ô¤~ بيتك جنتك و رضاء ربك مبتغاك 5 ~¤ô¦¦§¦¦ô¤~ - الصفحة 6

ريماس وصهيب · 2014-04-20, 12:22

السلام عليكم

يعطيكككككككككككككككككككك الصحة الاخت سمرااء على هذى الدورة انا كنت صح صح محتاجتهااااااااااااااا .بارك الله فيك

اول حاجة .الجانب الدينى الحمد لله رانى معا حفظ سورة الطور.ومحافظة على صلاوتى في وقتها معا اذكار الصباح والمساء .والاستغفار وربي يتقبل منا ان شاء لله.

الجانب الجمالى.معنديش مشاكل فالبشرة الحمد لله .بصح عندى صابونى المفضل وننصحكم بيه هو صابون فوريفر.
ورانى حابة نقص شعري لانو طويل ونديرلو صبيغة

اما الجانب التنظيف هو الصح .بالنسبة للجدران والبيبان هناونى راح يصبغو كلش.
اما القش والماعن ووو ان شاء لله من بعدا نحط الصور .

ام امجد14 · 2014-04-20, 12:47

والله فى البداية اسمحولى ما عنديش خبرة فى تحميل الصور
من عاداتى نهار الاحد نغسل الحمام اغسلتو كاااامل و دخلت هيبة عاونتنى شفو الشطارة لكن يا فرحة ما تمت جاتنا رهف الفوضوية و اسرت انها تعونا راكم عارفين رهف كل صبع بالصنعة

و هبطت نجرى للمدخل الرئيسى و حكيت شوى من الاول و هدا الجزء الثانى من الصالة الله يقدنى و نكملها

ام امجد14 · 2014-04-20, 12:52

هدا الجزء الاول من الصالة رانى حكيتو واش نقولكم الله يسامحو الى خترع الموشتى اكيد انو يسكن فى الترك و ما علابالوش بالغبار نتاع بلادنا و الغبار يمووووووووووت على الموشتى كملت المام و رحت للكولوارات فى زوج نحيتلهم الاكسسوارات و حكيتهم يعنى انا عندى مدخلين
و رحت للصالة هى عبارة عن غرفتين بناتهم قوس خليت غرفة كيما هى و الاخرى نحيت الفراش و غسلتو و طلعتو فوق نشرتو و حكيت التاقة و مسحت شوى من الاول اووووووووووووووووووووف عيت اسمحولى ما قدرتش نوريلكم الزبود نتاع الازيس حتى كملت ما قدرتش نخدم و نصور و نصرخ على لبنات فى نفس الوقت الان اسمحولى نروح نبدل ملابس نتاع رهف راهى تققققققققققدر و الحمد لله الى لبستلها البوت باش ما ديرش كارثة

ام هاديل وياسين · 2014-04-20, 13:12

السلام عليكم ورحمة الله وبركاته

الله يبارك في الاخوات الناشطات وحتى بناتنا الغاليات راهم يعاونو في امهاتهم ماشاء الله عليهم

ربي يحفظهم رانا معاكم نزيدو تنشطوا نتمنالكم النجاح في هذه

الدورة التي الي نتظرناها بكل شوق بتوفيق ان شاء الله

سمراء الدنيا · 2014-04-20, 15:46

ما شاء الله ما شاء الله ما شاء الله يا ام امجد ............ باسم الله ندخلو دارك و ربي يباركلك في دويرتك و يحفظلك لبنات راني بستهم من خلف الشاشة شاطرات كيما مامتهم ..... سبحان الله حسيت انو بيتك مألوف و كأني سبقلي و دخلتو هههههه ..... ربي يعينك حبيبتي البيت لكبير يحتاج مرأة حديدية

الدر المكنون 7 · 2014-04-20, 16:56

مساء الأنوار على الشاطرات ،،هاي بدات التطبيقات تتهاطل ما شاء الله
سمورة نهنيك على همتك بصحتك النظافة لعقوبة لجيهات اخرين
أم أمجد الله يبارك دارك شابة سيرتو كي تزيدي تنقيها وربي يحفظلك هذوك العصافير لي زادو بهاوها شاطرات كي ماماهم ما شاء الله

الدر المكنون 7 · 2014-04-20, 17:04

اقتباس:

المشاركة الأصلية كتبت بواسطة سمراء الدنيا

بارك الله فيك it's me دايما تجيبي المفيد ... بإدن الله نجرب ماسك الشعر في انتظار المزيد
ام عبودة ..... يعطيك الصحة على التطبيقات و في انتظار الصور للي رايحا تلهب الحماس
ام ايمان .... و الله تقولي باتري و راكي تشحني فيه كي نشوف تطبيقاتك نزيد حماس و نشاط ... يعطيك الصحة و ربي يعاونك على الرحلات راهم هدوك ....نقولك حاجة ميكرويا غار من ميكروك و راه طالب تاني هو تحميمة هههههههه

هههههههه أضحك الله سنك حنونة أكيد ميكروك رايح يدى تحميمة من الفور ما دام مولاتو شاطرة كل هذ الشطارة الله يبارك ربي يعينك على التعب ويفرحك بريحة النظافة وشكرا لأنك دائما تشجعينا وطلعيلنا المورال

& هبة الرحمن & · 2014-04-20, 17:47

خلطة طبيعية لتبييض الأسنان

كيف تصبح اسنانك بيضاء كالثلج في 4 ايام فقط؟ باستخدام العسل
الطريقة
فنجان عسل
نفس الكميه من معجون الاسنان من اي نوع لديكم
تخلط جيدا
وتغطى حتى لا ينشف المعجون
تستعمل بصورة يوميه
بفرشاة الاسنان
مرتين الى ثلاث مرات
لمدة 5 دقائق
قبل ان تضعي المعجون في الفم
قومي بوضع 4-6 قطرات عصير ليمون على الفرشاه
اواضغطي الفرشاه في نصف ليمونه واكتفي بالذي يعلق بها
سوف تلاحظي الفرق من اول يوم او يومين
جزى الله صاحبة الوصفة كل خير

ام عبودة · 2014-04-20, 18:20

يعطيكم الصحة راكم تنحو وجع القلب
شكرااااا على الوصفات
الله يعيننا على طاعتو

razane2013 · 2014-04-20, 20:17

مساء الأنوار حبيباتي :
أختي الكريمة سمراء الدنيا جزاك الله خيرا على هذه الصفحة الجديدة التي كنت سببا في فتحها بالنسبة لكل واحدة منا , أختي هذا التحدي الذي بعثتيه فينا غيَر الكثير من جمود أيامنا .......... صحيح نعمل كل يوم داخلا و خارجا لكن بدون رووووووووووووووووح ؟؟؟؟
أما الآن عزيزتي أصبحت الأيام بالألوان ..... لكل يوم لون مغاير ........... لكل يوم تحد جديد ؛ تحد مع الذات .
فبارك الله فيك و في كل من بذلت مجهودا لمساعدتنا .
أخواتي أنا عن نفسي حاولت البدء مبكرا لأنني عاملة ( أستاذة ) بدأت بالجانب التنظيفي خلال العطلة ( يعني نحيت الكثير )
أما فيما يخص الجانب الديني فأنا معكن قلبا و قالبا و ربي يوفقنا .

الجانب الجمالي معدوووووووووووووووووووووما تماما
بالتوفيق لكن جميعا أخواتي .

الأمنيات · 2014-04-20, 20:47

السلام عليكم وربي يباك فيكم نلشطات تبارك الله
التنظيف مازال ما نديره نسكن في الصحراء وهدا شهور موسم الرياح حتى تحبس شوي
لاني مهما نظفت الي نديره يرجع غدوة كي كان مغبر
المهم الجانب الديني عندي الورد صباح حزب ولا زوج مع اذكار الصباح
وصيام ايام الاثنين والخميس ان شاء الله ربي يقبل منا جميعا
عندي بنتي في الشهادة نحاول نراجع معاها ونقريها

نخله. · 2014-04-20, 20:51

الجانب التربوي بديت مع ولدي البكر مراجعة سور ونا سمعت البقره وحفت حصتي من سورة لطور وكتبت تسميعيولله الحمد

الجانب التنظيفي ب بعد الميناج اليومي طي وكي الملابس تقريبا يومي ايضا ........ديت بخزانة الاحذيه والمرايا للي عند المدخل بالممسحة و فرشاة الاسنان درتلهم تنظيف عميق ولحق وقت الغدا و تعبت..............هذي حصة اليوم

الجانب التجميلي.............الاستحمام قبل صلاة الظهر و استعمال زين جونسون للجسم وزيت اللوز للبطن ههههههه وديت غمضة

حابة نسأل الاخوات على خلطة طبيعيه للكلف او الدسه للي تجي للحامل؟؟؟؟

oum radja · 2014-04-20, 20:57

السلام عليكم
اليوم الصباح بديت في تطبيق البرنامج التنظيفي
اول حاجة غسلب الباب الخارجي بالصابون و الجافيل و شللته و نشفته باش ما يقعدوش لي طراس
و غسلت الكولوار الحيطان و السقف و قواطع الكهرباء
ومسحت المراة بالما و الخل و نشفتها بالجرنال
و سيقت الدار عادي اضافة الى الروتين اليومي
درت الغدا يطيب و طيبت لامونة و خليتها للعشية
الجانب الديني راني مقصرة فيه بالزاف نظرا لظروف منعتني من متابعة الحفظ
لكن الصلاة و الاذكار الحمد لله

oum radja · 2014-04-20, 21:06

اليوم جبت ليكم تدبيرة رااائعة تنفع العاملات و حتى الماكثات بالبيت و تسلك مع ضيوف الغفلة
كي تبغي ديري المسمن او الملوي كيما نقولو حنا
ديري كمية كبيرة و قرصيها عادي
جيبي الطاجين تاعك و طيبي فقط الكمية لي تحتاجيها
و الباقيين طيبيهم برك نص طياب يعني غير حساب ما تشد روحها من الجهتين بلا ما تحمار
وخليهم يبردو بعاد على بعضهم و جيبي صينية فرشيها بالبلاستيك و دخليها للمجمد حتى يجمدو في هاذ الوقت تقدري تحطيهم في ساشي وحدة و خليهم في المجمد نهار تحتاجيهم سخني الطاجين و طيبيهم يعني في الوقت لي يتفك التجميد يواصلو الطياب تاعهم هنا تكوني وفرتي وقت وتاكلي حاجة جديدة و بنينة
صدقون يجي خير من لي تكونجليه طايب
نتمنى نكون افدتكم بهاذ التدبيرة

نافلة · 2014-04-20, 23:44

اللهم صل و سلم على سيدنا محمد
اللهم صل و سلم على سيدنا محمد
اللهم صل و سلم على سيدنا محمد
كيراكم اليوم حبيباتي ان شاء الله تكونو بالف خير و سلامة
و ما ننساش نقولكم يعطيكم الصحة و ربي يباركلكم في صحتكم
و ما تنساوش بلي راكم ماجورين خاصة كي تنوو بلي اعمالكم كامل لوجه الله اولا و اخيرا