لي صابلي باشكال جديدة من مطبخ أم كوثر - الصفحة 6

*أم كوثر* · 2012-06-24, 08:57

السلام عليكم ورحمة الله وبركاته
ايضا درس لي صابلي راحو ا منه الصور
رراني عاودتو وبشكل جديد وحبيت تستفادو من الفكرة
مقادير العجينة
رطل زبدة طرية وننصح دايما ب لابال
كاس سكر قلاص
4 صفار بيض
فاننيلا و1 خميرة حلويات
وفرينة حسب الحاجة
نخدم الزبدة والسكر جيدا ومن بعد نضيف الصفاروالفانيلا ونواصل الخلط ومن بعد نضيف الفرينة والخميرة حتى نتحصل على عجينة طرية
انا هنا ضفت 3 مغارف كبار كاكاوو للعجينة اختياري
الطريقة معروفة ومن الاسهل الفرد على قطعة بلاستيك للحفاظ على الشكل
نطيبوهم ونلصقوا الحبات بخليط معجون المشماش وحاوة الترك
ونغلفوهم بالشوكولا
طريقة صنع الورود
نلون عجينة التزيين وحدة بالابيض والاخرة بالوردي
ونحط كرة بيضاء فوقها كرة وردي ونمررها على الملمع الغدائي الرقيق