حلقات السيدة يعلى حصريا - الصفحة 6

mimi53 · 2012-03-18, 17:05

اختي امال بعد ادنك طبعا معليش نحط الوصفات هنا ليستفيد الجميع وانا منهم ادا كان مكانش عندك اي مانع طبعا وبالصور نتاوعك ادا موافقة قوليلي انا انتضر ردكي مشكورة

liliane24 · 2012-03-18, 17:52

شكرا لك أختي ميمي على الرد، و نتمنى من المشتركات الدقة في الوصفات حتى لا تتعرض السيدات اللي تجرب الوصفات لخسائر مادية لا ضرورة لها.

mimi53 · 2012-03-18, 19:16

موسكوتشو المقلوبة
2حبات برتقال تقشر وتقطع دوائر نطيبوهم في العسيلة (كيلة ماء+كيلة سكر) غليها غلية واحدة او 2 غليات
نحطوه في المول ونسقوهم بالكراميل تكون طايبة في الدار ولا مشرية ونخليهم من جهة يبردو
من جهة اخرى نحطو 6بيض+كاس سكر يطلع مليح يتضعف حجمو +2كيسان فرينة +1خميرة+قشور البرتقال في الاخير 2 ملاعق مارغرين تولي كي المسكوتشو نفرغها على المول الي فيه البرتقال والكراميل بعدما برد ونضعه في الفرن 25 د
بعدما يطيب ننزعه مباشرة قبل ما يبرد لانه لو برد راح يلسق البرتقال من الاسفل و ما يتنحش من المول وشهية طيبة
وهدا شكلها لمن لا يعرفها بعد ادن حبيبتي mina3
[/IMG]
[/IMG]

mimi53 · 2012-03-18, 19:20

IMG]https://][/IMG]

mimi53 · 2012-03-18, 20:04

كروكي السيدة يعلى
كاس و1/2 زيت -كاس و1/2سكر عادي -5بيض-كاس مايزينة- فاني -2خمارات نجمعها بالفرينة
وهدا تطبيقي للكروكي جا خفيف هايل جربوه وردولي لخبر

امال7 · 2012-03-18, 21:09

أختي تستطعين أن تضعى الوصفات لا يوجد أي مانع

aziza05 · 2012-03-18, 22:43

merci beaucoup pour les recettes

mimi53 · 2012-03-19, 09:50

ياغورت السيدة يعلى
500 لحظة بودرة- 16 ملعقة كبيرة سكر -2 ياغورت او 3من الافضل 3- 2ل ماء ساخن -1ل ماء بارد
نخلط الكل في قدر عادي ومنحطوش في النار نخلطو بعيد على النار
نقسمه الى قسمين
1 نضع فيه نكهات عطرية دوق بنان مثلا
2 نضع فيه نكهة عطرية دوق فراولة
نتركه يروب ودا نضعه في الثلاجة ويقدم

هده الوصفة ايضا لسيدة يعلى كانت قدمته اختي وحبيبتي امل 7
1 لتر حليب - 2 علب ياغورت ذوق الفراولة - 100 غ فراولة قطع صغيرة - 100 غ سكر عادي
ننظف الفراولة و نغسله .
نخلط الحليب بارد مع السكر ثم الياغورت و بعدها نضع الفراولة و نخلط بمغرفة .
نوزع الخليط فى طيسان des pots و نتركهم فى مكان دافىء مدة 12 ساعة
فى الغد نضعهم فى الثلاجة .

mimi53 · 2012-03-19, 09:55

بالنسبة للماء 1 نحلو فيه لحظة ولاخر نمزج به الكل وشكر

sisi 26 · 2012-03-21, 08:12

أنا اسفة على الغلطة ماهيش بتاعاني اسمحولي و إذا تحبو منزيدش نحطلكم باش منغلطكمش نورمال أختي أنا حبيت نفيدكم برك و الله ماهي بالعاني اسمحولي

liliane24 · 2012-03-21, 13:00

اقتباس:

المشاركة الأصلية كتبت بواسطة sisi 26

أنا اسفة على الغلطة ماهيش بتاعاني اسمحولي و إذا تحبو منزيدش نحطلكم باش منغلطكمش نورمال أختي أنا حبيت نفيدكم برك و الله ماهي بالعاني اسمحولي

اسمحيلي أختي ، ما كانش قصدي نقيسك بكلامي، راني آآآآآآآآآآآآآآآآآآآآآآآآآآآآسفة.
أنا فقط كنت حابة نبين أن خطأ صغير في أي وصفة و خاصة وصفة الحلويات رايحة تكلف السيدات خسائر، لأني أنا شخصيا قداه من مرة نجرب وصفة بمقادير خاطئة والنتيجة أني نمدها للقطط تأكلها.
آسفة للمرة الثانية و رانا فرحانين بمشاركاتك و الله رانا نستفاد منك بارك الله فيك

sisi 26 · 2012-03-21, 16:21

اقتباس:

المشاركة الأصلية كتبت بواسطة liliane24

اسمحيلي أختي ، ما كانش قصدي نقيسك بكلامي، راني آآآآآآآآآآآآآآآآآآآآآآآآآآآآسفة.
أنا فقط كنت حابة نبين أن خطأ صغير في أي وصفة و خاصة وصفة الحلويات رايحة تكلف السيدات خسائر، لأني أنا شخصيا قداه من مرة نجرب وصفة بمقادير خاطئة والنتيجة أني نمدها للقطط تأكلها.
آسفة للمرة الثانية و رانا فرحانين بمشاركاتك و الله رانا نستفاد منك بارك الله فيك

عندك الحق أختي بلاك ماكنتش مركزة خلاص ضرك نولي نركز مليح أنا والله غير نحب هذا المنتدى و هو الوحيد اللي جذبني باش نسجل فيه و سيرتو طريقة المعاملة زعفت شوية مي نورمال و الحق معاك شكرا لك

mimi53 · 2012-03-20, 16:14

اليوم جبتلكم وصفة لكروم بطريقة جديدة

نأخذ رأس كروم متوسط و ندخله فى ماء سخون يغلي و مملح و ننزع بالورقة و كلما نرجع الرأس الى الماء حتى نكمل كل الأوراق.
نحضر الحشو نضع 300 غ لحم مرحي مع 3 سنات ثوم مرحي مع حبة بصل مقطع رقيق و نضيف معدنوس مقطع صغير و ملح و فلفل أكحل و فى الأخير حبة بيض
نخلط كل المواد مع بعض .
نأ قطعة قماش نظيفة نأخذ 4 ورقات من الكروم اللون الاخضر الغامق و نضع فوقه قليل من اللحم المرحي
ثم نضع الطبقة الثانية يكون لونها افتح شوية و نغير اتجاه الأوراق و نضع فى الوسط اللحم المرحي
ثم الطبقة الثالثة و يكون اللوت للأوراق فاتح و نض الاوراق ثم اللحم المرحي
نقفل الاوراق و نضغط بالقماش جيدا ليأخذ شكل رأس الكروم
نضع السرة فى ماء يغلي مملح و فيه أوراق من الرند و سنات ثوم و نترك السرة تغلي مدة 54دقيقة أو أكثر شوية
ثم نأخذ صينية الفرن و ندهنها بالزبدة و ننزع القماش و نتركه يتحمر

mimi53 · 2012-03-20, 16:20

حلوى الشيكولا سهلة و لذيذة
المقادير
250غ منغرين طرية - كأس سكر ناعم - 3 صفار البيض - علبة شيكولا سوداء ذائبة أنا استعملت شيكولا الحليب لأن السوداء كانت غير موجودة عندي - كيس خميرة الكيمائية - الفرينة
للحشو شيكولا مقطعة قطع صغيرة
للتزيين معجون المشمش - قوفريط مرحي
التحضير نخلط المنغرين مع السكر الناعم ثم نضيف صفار البيض بالحبة و نذوب علبة الشيكولا السوداء و نتركها تبرد قليلا يجب أن تكون خاثرة و نضيف الخميرة و نجمع العجينة بالفرينة
نشكل كويرات صغيرة و نحشي كل كويرة بقطعة شيكولا و نكور و نضع فى صينية و ندخلها للفرن . لما تطيب نغمس الكويرة فى المعجون ثم فى القوفريط المرحي .

وهده الوصفة كانت ايضا وضعتها اختي امال 7 فشكرا لها وعلى تطبيقها الرائع

sisi 26 · 2012-03-22, 20:32

اقتباس:

المشاركة الأصلية كتبت بواسطة mimi53

حلوى الشيكولا سهلة و لذيذة
المقادير
250غ منغرين طرية - كأس سكر ناعم - 3 صفار البيض - علبة شيكولا سوداء ذائبة أنا استعملت شيكولا الحليب لأن السوداء كانت غير موجودة عندي - كيس خميرة الكيمائية - الفرينة
للحشو شيكولا مقطعة قطع صغيرة
للتزيين معجون المشمش - قوفريط مرحي
التحضير نخلط المنغرين مع السكر الناعم ثم نضيف صفار البيض بالحبة و نذوب علبة الشيكولا السوداء و نتركها تبرد قليلا يجب أن تكون خاثرة و نضيف الخميرة و نجمع العجينة بالفرينة
نشكل كويرات صغيرة و نحشي كل كويرة بقطعة شيكولا و نكور و نضع فى صينية و ندخلها للفرن . لما تطيب نغمس الكويرة فى المعجون ثم فى القوفريط المرحي .

وهده الوصفة كانت ايضا وضعتها اختي امال 7 فشكرا لها وعلى تطبيقها الرائع

شكرا لكما راها تبان بنينة