معلومات عن المدرسة التطبيقية لمدفعية الميدان يوسعادة - الصفحة 6

جندع · 2013-03-16, 17:37

اقتباس:

المشاركة الأصلية كتبت بواسطة dalim13

السلام عليكم

خاوتي انا بعتوني لهاد المدرسة بصح رايح نديرو سورسي لكن كي نكمل القراية يعاود يرسلوني زعما لنفس المدرسة ولا لمكان اخر ؟

ليس شرط نفس المدرسة قادر تروح لمدارس اخرى واكيد راح يبدلولك المدرسة

bouda37 · 2013-03-16, 19:13

شكرا أخي جندع, بارك الله فيك.

جندع · 2013-03-16, 19:17

اقتباس:

المشاركة الأصلية كتبت بواسطة bouda37

شكرا أخي جندع, بارك الله فيك.

وفيك بارك الله لا شكر على واجب اقل ما نقدر ان اقدمو من معلومات اعرفها او عشتها

Brahim_barigou · 2013-03-17, 14:21

khoya ani rah n3agabha aspirent 22 mars bouaada hab nsaksik yla najam ngaji ? andi chance
w baraka allahou fik khona ?

كتالوني86 · 2013-03-17, 16:09

بعثولي لهذي المدرسة رتبة طالب صف ضابط احتياط ندخل مع لي سسبيرون ولا كاين نتاع سراجن واحدهم
معلومات اخري علي سراجن

ghimouz · 2013-03-18, 00:24

السلام عليكم خاوتي............ماهي الاشياء التي يمكننا اخدها معنا و ماهي الاشياء التي تسحب منا.......... الشامبو مثلا و الديودورون هل مسموح بهما؟ و شكرا

ft.fatah · 2013-03-18, 13:37

متى تغلق مدرسة مدفعية الميدان بوسعادة ابوابها؟
لان سمعت ان كل مدرسة و لها تاريخها ؟
يعني آخر اجل للإلتحاق؟
و إذا طولنا باه نروحو ،وكان عندنا امر إلتحاق ، هل يرجعوك او يبعتوك لمدرسة أخرى؟

جندع · 2013-03-18, 13:42

اقتباس:

المشاركة الأصلية كتبت بواسطة brahim_barigou

khoya ani rah n3agabha aspirent 22 mars bouaada hab nsaksik yla najam ngaji ? Andi chance
w baraka allahou fik khona ?

قصدك تفوت الخدمة العسكرية و تقاجي ( ماتقدرش على خاطر راح القانون هداك لي يفوت لارمي يقدرك يكمل يقاجي )

او تقاجي ديراكت ( ماتقدرش لان السن مايسمحلكش وزيد باه تدخل لشرشال لازم بباك جديد ماشي بلاليسونس )

جندع · 2013-03-18, 13:48

اقتباس:

المشاركة الأصلية كتبت بواسطة كتالوني86

بعثولي لهذي المدرسة رتبة طالب صف ضابط احتياط ندخل مع لي سسبيرون ولا كاين نتاع سراجن واحدهم
معلومات اخري علي سراجن

كاين الضباط الاحتياط تابعين لكتيبة الضباط
وضباط الصف الاحتياط تابعين لكتيبة ضباط الصف الاحتياط

كل كتيبة عندها قائد تعها وكل وحدة تدرب وحدها الضباط يحكموهم الضباط الاحتياط وضباط الصف يدريوهم سراجن متعاقدين او احتياط

السارجان في بوسعادة راك بعد السطاج تلقى روحك مسؤول يعني راك قائد قطعة : فوزديكا ولا هاون ولا د 30 بالاضافة الى مهام اخرى حسب المكان لي راح تكمل فيه الخدمة تاعك كي تروح تعرفهم

جندع · 2013-03-18, 13:52

اقتباس:

المشاركة الأصلية كتبت بواسطة ft.fatah

متى تغلق مدرسة مدفعية الميدان بوسعادة ابوابها؟
لان سمعت ان كل مدرسة و لها تاريخها ؟
يعني آخر اجل للإلتحاق؟
و إذا طولنا باه نروحو ،وكان عندنا امر إلتحاق ، هل يرجعوك او يبعتوك لمدرسة أخرى؟

يغلقو ابوابهم كي يفرزو كلش يعنى عنداما توضع قوائم النهائية للناس لي راح تفوت السطاج في بوسعادة التاريخ بالضبط لا اعتقد المهم مارس وافريل كي تروح في ماي واش يديروبيك يكون السطاج بدا (45 يوم انطلقت)

مايمدولك والو ملباب بعد يقلك روح تروح العام للجاي ارجع كان جاك الاستدعاء لهذه المدرسة

ft.fatah · 2013-03-18, 13:57

ههههههههه ، هاذي مليحة يقولك روح تروح ، ارواح العام الجاي
اهلا جندع ،شكرا على إهتمامك بإنشغالاتنا
يعني اسبوع تأخر ، 28 او 27 مارس ، عادي؟

جندع · 2013-03-18, 14:01

اقتباس:

المشاركة الأصلية كتبت بواسطة ghimouz

السلام عليكم خاوتي............ماهي الاشياء التي يمكننا اخدها معنا و ماهي الاشياء التي تسحب منا.......... الشامبو مثلا و الديودورون هل مسموح بهما؟ و شكرا

ادي معاك بورطفاي لي يتعلق في الرقبة باه تحط فيه النقود والوثائق تاعك وتكون هازو معاك ديما
ادي معاك كلش : كتب - زرية تاع صلاة - مصحف - قواميس فرنسية عربية انجليزية ثقف روحك

مواد التنظيف دونتيفريس صابون ريحة شامبوا دييودورون كل مواد النظافة

ادي معاك لومو باه تغسل قشك في البداية مايمدوش حتى ينطلق السطاج

ادي معاك كادنة باه تقفل لارموار تاعك

ادي معاك زيت زيتون كان تشربو
ادي معاك عسل حرة اونكا تحتاجها
ادي معاك دوليبران ولا براسيطاموول اونكا وجعك راسك
ا
ادي معاك قاطو هههههههه تعقب بيهم الوقت قبل مايبدا السطاج

المواد التي ستسحب منك في الباب : المرآة المقص - ريزوار - جوطابل كاين لي نحاوهملهم كاين لي منحاوهمش المواد الحادة ستسحب منك في الدخلة - سكين ولا فرشات

الخواتم ولي قورمات و السناسل تاع الفضة عندكم ينحيوهملكم الجنود لي يفتشوكم يقلك ممنوعو ولا حاجة ام يديوهم ليهم اتولهو راني حذرتكم