اهلا وسهلا في كوزينتكم كوزينة الجميع كوزينة112 بسم الله - الصفحة 6

lyzzabel · 2015-01-21, 13:48

صح فطوووووركم حبيباتي و مأكول الهناااا
داءمة الحمد و عطووورتييي و قمر و زيييينب و رنييييم يعطييييكم الصحة غالياتي أكلمك يشهي يشهييييي ممممممممممم

عطووورتي خليتلك رد لهييييه ههههه انشالله لي في بالك و بالي ينقضى بيسر و تتهني يا الحبيبة تستاهلي كل خييييير امييييين
سكرتي الحللللوة بصحتهم ضياااافك يا سلاااام نجي نعاونك و ندي دعوة الخيييير ههههه راكي غيرتييييني بالقعدة الحلوة المبرووووكة سلااااامي ليهم
مين بغيت نحمل الصور أعلنت ثقيييييلة حتى من بعد انشالله نعاود احاول
يادراااا مولات الكوزينة واااش راهي تحضضضرررر للقهوة. ؟؟؟؟؟ هههههه
حقى مياسم لوكان غير حطيتي التطبيقات من قبل الفواكه لي كانو باقيين لي قضينا عليهم فالفطور بقاتلي حبة برتقال وحدة ههههههه
و شفت بلي حطيتي غير الحلو ماكانش أطباق مالحة ؟؟؟؟؟؟

هالة اسماء · 2015-01-21, 13:58

الففففففففففففففف مبروك الاخت مياسم افتتاح اكوزينة و الباروك من النت هاذا ما نبغي الشوكولا
فطوري اليوم لوبيا وسلاطة و برتقال و الحمد لله

النرجووسة · 2015-01-21, 14:04

لبنات مساء النوار لقيت كوزينة جديدة تفتحت وانا يومين وانا على الظلمة راح الترسنتي فحومتنا ومن زهري لما رجع انا و جارتي مسكينة الخطات تقطعو وقعدنا نعيطو لسنلغاز هبلولنا باش جاو سقمهلنا حتى راجلي دخل عند المدير نتاع سنلغاز هدا الصبحية ايا جاو سقموه
لهدا مدخلت ومشركتش فكزينة كاتي المهم الخطرة الجاية ليمات ربي
مياسم مبروك الكوزينة كلشي بربح هدو لكنو فالبرطابل هاكب تفضلي حاجة بسيطة

هدا خبز الشعير امممممممم

النرجووسة · 2015-01-21, 14:06

لبنات انا دركا ران داخلة لدوش مدام الضوء كاين ولدي راقد ونجي ندير مراجعة عامة دمتم في رعاية الله وحفضه

oum radja · 2015-01-21, 14:06

السلام عليكم
الف مبروك الكوزينة الجديدة مياسم

ام خالد اسلام · 2015-01-21, 14:07

[/IMG]اختي مياسيم الف الف مبروك الكوزيتة
هذا باروكيليجواز ام انس ربي يشفي بنتها ويحفظهالها

تارت الماجور والفلون لام اماني اممممممممممممممممم
[IMG][/IMG]
[IMG][/IMG]

عطرالذهب · 2015-01-21, 14:14

شكرا اختي مياسم بارك الله فيك على الدعاء في ميزان حسناتك ولكي بالمثل
نرجوسة مبروك عليكم التريسيتي ومرحبا بيك
ام رجاء اممممم الكيكة راح تنطق ربي يباركلك في يدياتك
ام خالد واسلام ماخليتيش فيا راني زعمى مطبقة ريجيم بالصح كي نشوف الحلويات نستسلممممممم قلبي فعلا لا يحتمل
مياسم لكعابر راهم كفتة مقلية بالدجاج

oum radja · 2015-01-21, 14:25

شكرا عطورة وزينب وميسم عويناتكم لي شابين
انا راني غير هنا ندور ماعندي وين نروح بالصح بلا صور مانبغيش ندخل

عطرالذهب · 2015-01-21, 14:25

زينب باذن الله نجرب وصفتك وراني نتبع فيكم في الخفاء في موضوع الريجيم بالصح قتلني الشر سيرتو الصباح ههههههه
انا نروح نتكى شوي تعبت لعشية ان شاءالله نتلاقو

دائمة الشكر · 2015-01-21, 14:32

:d:d:dمساء سعيد اخواتي الله يبارك على الاطباق اللي راكم تحطو فيها أطباق تشهي سلمت ايديكم خليونا نديروا رجيم راكم تعذبو فينا:d:d:d

مياسم75 · 2015-01-21, 15:23

لبنات نخليكم في أمان الله وقت العصر والقهيوة والحليب عندي بسيسة اممم بعثتهالي جارتي نديرهالم والعشا بإذن الله سوب الخضر ونزيدلهم غراتان ام رامي زادو طلبوه
زينب بصحتكم البريوش 444444هذا وين شفتو
البنات طلو على التطبيقات وقوليلي واش يساعدكم سلااااااااام

om kamilia · 2015-01-21, 16:08

مبروووووك عليكم الكوزينة ان شاء الله عامرةبالخيرات ميسم ونربحو عليها آمين
جيت جبت لك بغرير وكيكة ماجيك درتها في قالب فردية وبريوش ام سهام دون بيض جا راع كليتو وحدي

مياسم75 · 2015-01-21, 19:58

شكرا كاميليا يعطيك الصحة ريحتي اختي شوية

اقتباس:

المشاركة الأصلية كتبت بواسطة om kamilia

مبروووووك عليكم الكوزينة ان شاء الله عامرةبالخيرات ميسم ونربحو عليها آمين
جيت جبت لك بغرير وكيكة ماجيك درتها في قالب فردية وبريوش ام سهام دون بيض جا راع كليتو وحدي

SAMAH SAMAH · 2015-01-21, 14:38

السلام عليكم
ممكن استفسار tulle اهذا تحت القاطو اين اجده وهل هو نفسو الي يحطو فيه dragee

مياسم75 · 2015-01-21, 14:46

اختي سماح تقصدي هاذو يتباعو بالباكي عند مول الحوائج نتاع القاتو الاحجام والألوان الي تحبي