بخصوص المدرسة العليا للأساتدة لولاية المسيلة - الصفحة 6

المسلمة الأصيلة · 2015-09-27, 11:06

السلام عليكم
انا غير كي وصلت كنت ثما
الأوضاع كانت عادية
المدرسة في طور البناء ما عندها لا باب لا والوا
بصح دخلونا في واحد المكان مخدوم وكامل
ورحب بينا واحد نضن المسؤول مع رئيس البلدية
قالولنا من اليوم الى 15 اكتوبر تلقاو الجديد على الموقع تاع جامعة مسيلة محمد بوضياف
يعني نلقاو موعد لي نروحو نسجلوا فيه الاقامة والمكان
واما بالنسبة لي مازال ما دفعش ملف المنحة والنقل يروح يدفعوا في مسيلة
وبعد من لخر قالولنا راكم معروضين عند الرئيس تاع البلدية لغدا مع اولياء تاوعنا ههههه بصح انا جيت وخليت غدايا ههههههه
ومن بعد كي خرجنا من هدي البلاصة لقينا واحد باتيمو قالوا هده هي الاقامة بصح غير وحدة ما عرف واش تهز المهم دخلتلها عجبتني جديدة بصح شوي ضيقين الشومبرات
زيدي كشما سؤال هاني هنا نجاوبك حسيت روحي حكيتلك كلش

said2808 · 2015-09-27, 16:50

والباتيما هادي كيما الباتيما\ت لي يسكنو فيهم؟؟؟ يعني فيه 2شمبرات وصالو ووووو ؟
يعني حتى 15 اكتوبر بش نروحو نسجلو ماكالاه نروح درك؟
ماذا عن النقل كاين حافلات للطلبة ولا مكاش؟
وكيفاش نروحو من المسيلة الى بوسعاده يعني حافلات عمومية؟
شكرا ليك اختي عاونتيني بززاف الله يحفظك

المسلمة الأصيلة · 2015-09-27, 20:39

اقتباس:

المشاركة الأصلية كتبت بواسطة said2808

والباتيما هادي كيما الباتيما\ت لي يسكنو فيهم؟؟؟ يعني فيه 2شمبرات وصالو ووووو ؟لالا باتيمات تاع لاالاقامة كما انتاع امسيلة فيها هول فيه 5 شنابر و2حمامات
يعني حتى 15 اكتوبر بش نروحو نسجلو ماكالاه نروح درك؟ايه ماكلا كاش جديد راكي تلقايه في السيت يعني مش شرط تكون 15 هوما يقولولنا ويكت في الموقع
ماذا عن النقل كاين حافلات للطلبة ولا مكاش؟قالوا كاين والله اعلم
وكيفاش نروحو من المسيلة الى بوسعاده يعني حافلات عمومية؟
شكرا ليك اختي عاونتيني بززاف الله يحفظك

عادي ما فيها والوا

نسرين البرايجية · 2015-09-28, 13:38

والله لبارح شفت عالم غير متوقع البداية لا يوجد باب عند المدخل طريق طين الاشغال غير منتهية لايوجد كهرباء لا غاز لا اسنيسمو
المطعم صغير وميكفيش الطلبة بالنسبة لسكن الاناث 16غرفة لاكثر من 250 طالبة يعني نتوقع في شمبرة حتى6 بنات الاقسام غير منتهية لايوجد محلات
لايوجد مدير للمدرسة يعني في الحقيقة ليست مدرسة العليا للاساتذة وانما هي المدرسة الوهمية للطلبة لانو الاشغال على الاقل متكملش على شهرين ولا اكثر لانو كارثة و من الضحية ؟
اكيد الطلبة :-( حنا :-( ربي يجيب الخير حتى ترونسفار خلاص

said2808 · 2015-09-28, 20:38

شكرا ليك اختي المسلمة

المسلمة الأصيلة · 2015-09-30, 12:24

الناس تدي فاكونس 3اشهر واحنا 4 اشهر وداخلين في الخامس

سليم.رحمون · 2015-09-30, 12:47

ايه عندك حق المسلمة الاصيلة حتا ونبداو في 15 اكتوبر الاساتذة معلابالناش اذا كاينين ولا لا

المسلمة الأصيلة · 2015-09-30, 14:28

اقتباس:

المشاركة الأصلية كتبت بواسطة سليم.رحمون

ايه عندك حق المسلمة الاصيلة حتا ونبداو في 15 اكتوبر الاساتذة معلابالناش اذا كاينين ولا لا

واش من تخصص راكي دايرة

said2808 · 2015-09-30, 15:12

سلام
شحال عدد الطلبة والطالبات؟
هانا رح نشتيو في الدار

المسلمة الأصيلة · 2015-09-30, 16:01

قالوا 200ولا300والله اعلم

said2808 · 2015-10-02, 20:38

سلام
الموقع تع المدرسة العليا هادا هوا نفسو تع جامعة المسيلة؟

salahkichene · 2015-10-02, 21:32

ربي يهديهم...

سليم.رحمون · 2015-10-02, 22:00

انا دايرة ابتدائي لغة عربية
بالنسبة للغرف تقول نسرين انه توجد 16 غرفة فقط لا انا كي دخلت ثما ف الاقامة نظن فيها 4طوابق وكل طابق فيه 10 غرف و لو افترضنا ان كل غرفة فيها 3طالبات اظن انها جيدة
اليس كذلك؟؟

المسلمة الأصيلة · 2015-10-03, 00:17

اقتباس:

المشاركة الأصلية كتبت بواسطة سليم.رحمون

انا دايرة ابتدائي لغة عربية
بالنسبة للغرف تقول نسرين انه توجد 16 غرفة فقط لا انا كي دخلت ثما ف الاقامة نظن فيها 4طوابق وكل طابق فيه 10 غرف و لو افترضنا ان كل غرفة فيها 3طالبات اظن انها جيدة
اليس كذلك؟؟

انا شفتهم بصح تبانلي ماكسيمون تهز زوج بنات صافي 80طفلة في العمارة كاملة

المسلمة الأصيلة · 2015-10-12, 15:29

ما الجديــــــــــــــد
أنا سمعت بلي راها مزالت في طور البناء
وكاين امكانية تحويلنا الى ولاية الاغواط لمدة