[ بيع سلعة شخصية ] أعمالي كروشيه للبيع .................أطفال و نساء - الصفحة 6

jza2ria · 2012-07-19, 22:07

السلام عليكم اختي و صحة رمضانكم .... راني شفتهم يهبلو و لقيت واش راني حابة بصح كل قطعة من صورة وانتي لصقي هههههه نبعتهملك عند الاخت زمردة ...و معليش بعدرمضان و متأكدة لو تحطيهم في قسم العرائس بزاف الي يحبو يخدمو ... انا من زمان الفكرة في راسي و ربي جابك في طريقي . .

jza2ria · 2012-07-19, 22:22

تم ارسال الرسالة الى الاخت زمردة .. وما قلتيليش تحبي نفارسيلك ؟ عن طريق البريد؟ وفي اين منطقة انتي باش نشوف التسليم كيفاش .. انا رغاية.

أم معاذ أم معاذ · 2012-07-19, 22:31

بالنسبة للمال
خلي كي نتفاهمو خلاص و بعد رمضان كي نجي راح نخدمهولك درك نقولك تفرسيلي
و بالنسبة للتسليم
كيما تحبي تحبي بالبريد
يعني تزيدي ثمن مصاريف الشحن
أو عندي أخي يخدم في العاصمة إذا تقدري نبعثلك معاه تستلمي من عندو

أم معاذ أم معاذ · 2012-07-19, 22:32

في إنتظار وصول الرسالة
و راني حطيت الموضوع في قسم تجهيزات العرائس

jza2ria · 2012-07-19, 22:38

مشكورة و ربي يجازيك الجنة .. بعد رمضان ان شاء الله ... وكي تشوفي الصور ادا كاش ملاحظات قوليلي.

أم معاذ أم معاذ · 2012-07-19, 22:50

راهي وصلت الرسالة بالنسبة للون
ناقص شوية الخيط اللي راح نخدم بيه ما كانش فيه الألوان بكثرة
مؤخرا فقط جابو فيه الوردي و الأحمر و الأزرق السمواوي
و أكيد من قبل كاين الأبيض و الأسود و الباج
و كي نخرج نشري الخيط نزيد نشوف هل جابو فيه ألوان أخرى أو لا
رغم أنو اللون اللي إخترتيه صعيب شوية

أيضا الصدر كي نبدا نخدمهولك درك نشوف كيفاه راح تجي وش من قطعة اللي تليق
هل اللي مدايرة وردة دائرية أو وردة رباعية ؟
درك نرسلك الصورة اللي تشبه

jza2ria · 2012-07-19, 23:01

خلاص شفتها ..اخدمي كيما قلتي ديري الوردة و بدلي الشبيكة المهم تخرج حاجة شابة و نادرة واكيد مثيرة .. عندي نويزات في الاحمر و الوردي و الاسود و الابيض حبيت تنويع ... ادا ما صبتي والو ديريها في الازرق ... حقى لاطاي كيفاش؟ انا في العادة نلبس M بصح كي تتربط بالخيط نظن ما كانش مشكل .... ايضا اختي حبت تخدم واحدة بصح اختي سمينة كاش xxl في اللون الاسود هاد المودال

https://cs1.livemaster.ru/foto/large/4712246061n3416.jpg

كنوزنبراس · 2012-07-20, 17:24

سلام اختي ام معاد تعرفي مقدرتش نرد عليك في الخاص خطر حسب المشاركات
حبا نعرف وين انتي تسكني وكيفاه نرسلك الدراهم ويتوصلني سلعة يعني طريقة ولى نقولك تقدري تعطيلي تليفونك نتكلمو خير

كنوزنبراس · 2012-07-20, 17:30

وراني نحط ليك هنا الموديل لي يعجبني اوك

أم معاذ أم معاذ · 2012-07-20, 17:39

بالنسبة لإرسال المودال أرسليه مع واحدة من المشرفات أفضل , زمردة17

و بالنسبة ليا أنا نقدر نوصلك يدا بيد في بعض الولايات و نبعثلك الخدمة بالبريد
و سبق لي التعامل مع مرام بالبريد
شوفي تعليقها في الصفحة اللي قبل هاذي الصفحة 5

طريقة التعامل تنعتيلي المودال اللي عجبك و نتفاهمو على كل التفاصيل كي نجي راح نبدا نخدم فيه تفرسيلي الثمن تاعو + مصاريف الشحن أو على الأقل النصف
و من بعد نرسلهولك بالبريد
أو من أي ولاية أنت نشوف إذا نقدر نسلمك يدا بيد

**نعم أطيعك ياربي** · 2012-07-20, 18:17

بارك الله فيك حبيبتي راني نستنى

الطموحة دوما · 2012-07-20, 18:38

السلام عليكم أختي أم معاذ من أي ولاية أنت لدي طلبات عديدة لكن طريقة البريد لا تساعدني لدي أحد صدور الكروشي أرسل لكي صورة له هل تستطيعين صنعه لي والمدة أن امكن صح رمضانك

كنوزنبراس · 2012-07-20, 19:33

شوفي هنا دي مودال ملاح

هاهم اختي ام معاد

كنوزنبراس · 2012-07-20, 19:34

سمحيلي كنت فلكوزينة هدا وين جيت انا من ورقلة شوفي بعيدة عليك ولى قريبة انا حابة من يدي ليدك

أم معاذ أم معاذ · 2012-07-20, 20:27

التسليم يدا بيد يكون إما في العاصمة أو عنابة
- جيجل
- سوق أهراس
- تبسة
هذا الذي أستطيع التسليم يدا بيد
أما الباقي فبالبريد

و إنت و رأيك أختي
أنا أيضا أفضل التسليم يدا بيد لكن ما باليد حيلة
و البريد قلتلك راني إستعملتو و وصلت البضاعة في يوم واحد فقط