دخول اهل الزوج بيتي في غيابي

[مومي23]

صراحة تصرف خاطئ
ادا كان زوجك موجود و ياتون للزيارة و لا يجدوك ليست مشكلة
اما يتصرفون في البيت من ورائك هدا خط و يصحح بالتي هي احسن

[Amouna.DZ]

سكر باب دارك و لا تسرق جارك

مافيها والو أغلقي بابك واذا كانت عجوزتك ثقة وتخاف ربي أعطيها المفتاح وقوليها كاش ماتسحقي دار و ليدك مفتوحة

انسان واحدوخور ما عندو حتى ادنى حق يدخلها يحب الي يحب و يزعف الي حب الزعاف المهم راحة بالي

[siham bsm]

اذا راكي تقصدي بالبيت هي غرفة نومك لا لا متجيش يدخلوها كل واحد عنده خصوصياته

[سيرين 5]

المشاركة الأصلية كتبت بواسطة nesrinwarda

السلام عليكم ورحمة الله وبركاته
ياأختي ديري النية هذه دار وليدهم، normalement يدخلو كيما يحب مافهتش علاش هذه العقليه، تديرو من الحاجة عاديه حكايه و روايه،و تضيعو أوقاتكم و تحرقو أعصابكم في والو. رب يهديكم

لعقوبة ليك تجربيها ان شاء الله و رجعيلنا بالخبر

[سيرين 5]

المشاركة الأصلية كتبت بواسطة زهرة القدس 05

وهل تقبلي دخول اهلك الى بيتك في غيابك
ادا تقبلي يدخلو ماليك نتي يعني تقبلي يدخلو ماليه
ماتكونوش يا لبنات حقودات نورمال وش فيه

أهل الزوجة يحتارمو نفسهم و ما يتقلوش على النسيب عكس مالين الراجل أحيانا يديروها عمدا زكارة في الزوجة بحجة وليدهم أو خوهم ...
أنا دارنا عمرنا ما زدمنا لدار اختي في غيابهم و ما نتصورش روحي نديروها ؟؟؟ نروحو زيارات لعندهم لكن في حضورهم و اعلامهم من قبل باش ما نقلقوهمش حتى لعند اخوتي الذكور ما نزدموش عليهم و نحتارمو الخصوصيات و نقعدو في الصالون كيما الضياف و أنا مرت خويا لوكان ما دخلنيش لبيتها ما ندخلش و الفريجيدار ما نحلوش لوكان ما تقوليش شوفي فيه ؟؟؟
يا ناس كاين خصوصية في كل دار لازم الاحترام و ما لازمش يتعداوها ، خليت زبل حاشاكم في الأرض و ما قدرتش نرفدو ؟؟؟ راح يعذروني ؟؟؟ ينساولك كامل يمات النقى و الشقى و يجبدو هذاك الزبل و يقولو معفونة ؟
أنا ما نحبش يشوفو زبلي ؟؟؟ بسيف يشوفوه ؟؟؟ المهم تطلعي للسماء تهبطي للأرض يهجبدولك غير العيوب و ما يجبدوش الحاجة لمليحة ، ارضاء الناس غاية لا تدرك ؟

[سماح 88]

دار وليدهم صح لكن يدخلوها لما تكون مولات الدار موجودة ثم من طلب منهم ينطف البيت ربما يحبوا يبنو لولدهم ان مرتك مش نقاينة مهمله ومش نظيفة انا منقبلش هذا التصرف الا اذا انا طلبت منهم ذلك او اكون موجودة

[نورالهدى بيولوجيست]

المشاركة الأصلية كتبت بواسطة سماح 88

دار وليدهم صح لكن يدخلوها لما تكون مولات الدار موجودة ثم من طلب منهم ينطف البيت ربما يحبوا يبنو لولدهم ان مرتك مش نقاينة مهمله ومش نظيفة انا منقبلش هذا التصرف الا اذا انا طلبت منهم ذلك او اكون موجودة

انا قريت التعليقات و الله خلعت في المثالية الزايدة

رايك هذا مليح ختي سماح وش معناها يدخلو داري وانا مش فيها؟ و زيد ينقوها؟

علاه لقاوني مش نقية؟

انا صراحة مانقبلش هذا التصرف و من البداية نحط النقاط على الحروف مانخليهاش حتى تتطفر

ربي يكون في عونك وخيتي

[hibata]

كيفكيف سراتلي انا و لوستي تجي زعما تسيق بسح تشوف واش شريت وكبعد تقول لزوجي وعلاش هذي هكا وهذي هاك دوك الحمد لله راني نغلق كلش زوجي هو لي قالي يحرشوه مع العلم وقتي كل مع يماهم سوالحي كلهم نقديهم في الليل و انا خدامة

[islameaya]

المشاركة الأصلية كتبت بواسطة الألماسة

كاين مشكل علاش تقولو ماكنش مشكل
ربي سبحانه قال"لا تدخلوا بيوتا غير بيوتكم حتى تستانسوا و تسلموا على اهلها ،فان لم تجدوا فيها احدا فلا تدخلوها حتى يؤذن لكم"صدق الله العظيم
و علاش ما يروحوش عندها كي تكون في بيتها؟
علاش يوصلو ينظموا حوايج زوجها؟
اختي ننصحك غرفة نومك اغلقيها عجبهم الحال و لا ما عجبهمش

هدا هو الصح
الا ادا كانو هم في بيتك
وامت مثلا اخرجت اكيييد تخليلهوم دارك عادي يعني الابواب مفتووووحة
لكن كفاش انت تخرجي وهم يدخلووووووووووو
والله عيييييييييييب اين هي الخصوصية

[لجين وفاء]

أنا الحمد لله أهل زوجي كاعندهومش هدي العقلية وهناك رد تاع واحد السيد نقولو إذا جاء ت ن سيبتك من وراك وبنتها ماكانش والله والله مايعجبك الحال
أنا عندي خصوصياتي وكان حب حتى واحد يشوفها حتى إذا كانت النية سليمة

[AMINA.Z]

الاصل انهم ما يدخلوهاش لانو بيتك و ليس بيت ابنهم ..حتى و لو كان باسمه ...فالمراة هي من تهتم بالبيت و تعتني به
و هو ملكية خاااااااصة و ليست عامة
و العيب انهم يفتحو الخزانة بحجة الترتيب

هذا تصرف معيب ان يدخلو البيت و صاحبته غائبة ..حتى و لو كانت نيتهم سليمة
من الصعب على زوجك ان يقول لامه ما تزيديش تجي لداري ...انتي كي تشوفيهم قوليلهم بظرافة بزاف عليكم ما كالاه تنظفولي داري كي نحي نستكلف بيها و يعطبكم الصحة ..و ان شاء الله ما يفهموهاش فهامة نقص.

[بهجة الربيع]

عادي يا اختي راهم يساعدو فيك اذا كانو ناس ملاح معاك ومداسرينك وينها مشكلة

[عبدالقادرفقير]

اين هي المشكلة اعتقد ان الموضوع تافه جدا

[sidra2014]

ربي يهديهم انشالله ختي المهم ما تربحيش العيب وخلاص عودي نضفيه وحدك تتعبي بصح تنحي عليك هاد المشكل

[رحمةز]

المشاركة الأصلية كتبت بواسطة الألماسة

كاين مشكل علاش تقولو ماكنش مشكل
ربي سبحانه قال"لا تدخلوا بيوتا غير بيوتكم حتى تستانسوا و تسلموا على اهلها ،فان لم تجدوا فيها احدا فلا تدخلوها حتى يؤذن لكم"صدق الله العظيم
و علاش ما يروحوش عندها كي تكون في بيتها؟
علاش يوصلو ينظموا حوايج زوجها؟
اختي ننصحك غرفة نومك اغلقيها عجبهم الحال و لا ما عجبهمش

يعطيك الصحة
واللي يلعبها والا تلعبها مثالية نقوللها رب يخليك تعيشي هذ الموقف اللي عاجبك ونشوفو