الى ام اسيد1 وكل وحدة حاصلة واش الطيب - الصفحة 6

ام حمزة22 · 2014-09-19, 09:29

السلام عليكم ويومكم سعيد
انا لليوم خداني تفنيين ما نتش بكري
با ه نربح الوقت خرجت الجاجة من المجمد لي كنت تبلتها ودهنتها بالزبدة ورشقتلها حبات الثوم في انحاء اطرافها وغيرها نحيتها من الساشي نتاع المجمد ونصيحتي لكل وحدة فيكم ما تستعملش الساشيات لي ملونين فيهم مادة تمرض نستعمل ساشي ابيض شفاف خاص للمجمد وهادا متوفر في كل المحلات
نولي للجاجة بعد ما نخرجها من المجمد نحطها في ساشي خاص بالفرن تاني راه متوفر هاد الساشي ديري فيه الجاج ولا اللحم ولا الحوت ولا الخضرة والفرن يقعد نضيف ما يتوسخش بقطرات الزيت كلش يقعد فالساشي
ما نطولش عليكم بالهدرة ونقدملكم الجاجة

نسيت نقللكم نزيدو شوية زيت في الساشي لي نديرو فيه الجاج باه تكون عندنا كمية معتبرة من الصوس خاصتا الا درنا الروز معاها
انا اليوم طيبت مع الجاجة فريت راني وجدت الباطاطا كي يلحق قريب الوقت للفطور نبدا نقلي فيها باه تقعد سخونة

وفي المساء باه مانزيتش ندخل للكوزينة راني نغلي شوية روز هههههههه
من بعد راني نكمللكم صورالطبق للجاهز

ام حمزة22 · 2014-09-19, 13:21

سلام
في المساء بادن الله نكمل تقديم الطبق
متاسفة اليوم الكوزينة داتلي وقتي مع ترتيب الخضر في التلاجة وتحضير حلوة هداك هو الحساب
اما الان سامحوني راني رايحة نزور اهلي ككل يوم جمعة
اترككم في رعاية الله وحفضه

ام آدم · 2014-09-19, 15:14

بارك الله فيك ام حمزة طيابك ساهل وبنين استفدت بزاف من خبرتك ,انا تاني نحب ندخل للكوزينة مرة وحدة في اليوم مي انا نخدل في المساء وندير عشا وغدا :d
شكرا على مجهوداتك و جزاك الله كل خير

crono · 2014-09-19, 15:58

سلام عليكم وجمعة مبارك كنت نحوس حت لقيت موضوعك هايل

بارك الله فيك اختي ام حمزة فكرة هايلة ولكن المشكلة عندي وليدي كل حاجة فيها المرق ما يكلهاش غيرقليان

اليوم طيبت مسفوف بالجلبنة حنا كليناه بالبن ولا وليدي بالرايب

أدورك نروح نواسيلهم المبسس نشربو بيه القهوى .

انتصار فاطنة · 2014-09-19, 17:59

الله يبارك ام حمزة 22 موضوعك في القمة وراه ينحي الغمة على كثير من السيدات

ام حمزة22 · 2014-09-19, 19:38

اقتباس:

المشاركة الأصلية كتبت بواسطة ام آدم

بارك الله فيك ام حمزة طيابك ساهل وبنين استفدت بزاف من خبرتك ,

انا تاني نحب ندخل للكوزينة مرة وحدة في اليوم مي انا نخدل في المساء وندير عشا وغدا :d
شكرا على مجهوداتك و جزاك الله كل خير

عفوا اختي شكرا على الرد مرورك اسعدني

اقتباس:

المشاركة الأصلية كتبت بواسطة crono

سلام عليكم وجمعة مبارك كنت نحوس حت لقيت موضوعك هايل

بارك الله فيك اختي ام حمزة فكرة هايلة ولكن المشكلة عندي وليدي كل حاجة فيها المرق ما يكلهاش غيرقليان

اليوم طيبت مسفوف بالجلبنة حنا كليناه بالبن ولا وليدي بالرايب

أدورك نروح نواسيلهم المبسس نشربو بيه القهوى .:d
وعليكم السلام اختي كرونو مرورك اسعدني
اما عن انواع للماكولات انا طعام ساعات ثان نديرو 2انواع واحد نديرلو مسفوف بالزبيب والاخر بالجلبانة دايما كاين اشكالات والفريت ما نحبش نديرو بزاف
بصحتكم المسفوف والمبسس
مشكوووووووووورة

اقتباس:

المشاركة الأصلية كتبت بواسطة الحزينة بجدارة

الله يبارك ام حمزة 22 موضوعك في القمة وراه ينحي الغمة على كثير من السيدات

الله يسلمك مرورك اسعدني وان شاء الله تكوني فرحانة بجدارة
مشكووووورة

ام حمزة22 · 2014-09-19, 20:27

مساء الانوار للجميع
نكمل واش بديت في السباح واعتدر مرة ثانية
هادا طبق اليوم
مع طبق الصباح و باش ما ندخلش للكوزينة لعشة غليت شوية روز مع الصوص لي تحصلنا عليها كي حمرنا الجاجة نزيدلها شوية ماء وملح وفلفل اكحل ونرجعها تغلي شوية من بعد نرحيها في الخلاط الكهربائي تصبحلنا صوس تقيلة وبنينة كي يغلي الروز نغسلو مليح بالماء باه يبرد وما يجيناش يتلاسق نخليه يقطر ونضيفلو حميصة كنت طيبتها من قبل وحطيتها في المجمد ونضيف لاصزص ونزيد شوية جاج هاكدا دربنا عصفرين بحجر واحد هههههه
نخليكم مع الصور وان شاء الله يكونو مفهومين

ام حمزة22 · 2014-09-19, 20:30

مساء الانوار للجميع
نكمل واش بديت في السباح واعتدر مرة ثانية
هادا طبق اليوم
مع طبق الصباح و باش ما ندخلش للكوزينة لعشة غليت شوية روز مع الصوص لي تحصلنا عليها كي حمرنا الجاجة نزيدلها شوية ماء وملح وفلفل اكحل ونرجعها تغلي شوية من بعد نرحيها في الخلاط الكهربائي تصبحلنا صوس تقيلة وبنينة كي يغلي الروز نغسلو مليح بالماء باه يبرد وما يجيناش يتلاسق نخليه يقطر ونضيفلو حميصة كنت طيبتها من قبل وحطيتها في المجمد ونضيف لاصزص ونزيد شوية جاج هاكدا دربنا عصفرين بحجر واحد هههههه
نخليكم مع الصور وان شاء الله يكونو مفهومين

فاطمة1987 · 2014-09-19, 21:59

ماااااااااااااااااااااااااااشاء الله عليك موضوعك اكثر من رائع ربي يبارك فيك راني متابعة معاك

فاطمة1987 · 2014-09-19, 22:05

سؤال اختي علاش نقلعو الزريعة من الطماطم علاش زعما

ام هاديل وياسين · 2014-09-19, 22:39

الله يبارك فيكي ام حمزة انا كنت نتابعك غير فالخياطة اتاريكي

طباخة ومدبرة منزل ماشاء الله عليكي اختي

انا ولادي مايحبوش المرق تلقايني غير نخمم ونهار اللي ياكلو المرق هذاك نهار عندي عيد

مهبليني و باه ياكلولي حاجة فطروها ونزيد نحطهالهم في العشاء مستحيل

لازم نزيدلهم حاجة معاها وانا كرهت من الكوزينة زيدي عونينا بكاش افكار وربي يجازيك كل خير

ام امجد14 · 2014-09-20, 10:40

ربى يبارك فيك اختىىىىىىىىىى

أم ماجد · 2014-09-20, 10:55

موضوع رائع لو تتفضلي وتنورينا في الكوزينة واش قلت ؟

ام حمزة22 · 2014-09-20, 11:29

اقتباس:

المشاركة الأصلية كتبت بواسطة snds

ماااااااااااااااااااااااااااشاء الله عليك موضوعك اكثر من رائع ربي يبارك فيك راني متابعة معاك

الله يسلمك شكرا على المرور ربي يحفضك

اقتباس:

المشاركة الأصلية كتبت بواسطة snds

سؤال اختي علاش نقلعو الزريعة من الطماطم علاش زعما

زعما باش ما جيش قارصة الصوص

اقتباس:

المشاركة الأصلية كتبت بواسطة om hadil

الله يبارك فيكي ام حمزة انا كنت نتابعك غير فالخياطة اتاريكي

طباخة ومدبرة منزل ماشاء الله عليكي اختي

انا ولادي مايحبوش المرق تلقايني غير نخمم ونهار اللي ياكلو المرق هذاك نهار عندي عيد

مهبليني و باه ياكلولي حاجة
لازم نزيدلهم حاجة معاها وانا كرهت من الكوزينة زيدي عونينا بكاش افكار وربي يجازيك كل خير

شكرا ليك ام هديل انا من يوم مسابقة جوهرة رمضان وليت مدمنة قسم الطبخ
ولادي تاني ما يكلوش المراقية بصح كي نطيب ما نديرش لاصوص بزاف في الطنجرة وكي نسقيلهم نحاول ما نسقيلهمش المرقة
ولادي ياكلو غير بالفرشيطة ههههههه

اقتباس:

المشاركة الأصلية كتبت بواسطة ام امجد14

ربى يبارك فيك اختىىىىىىىىىى

الله يسلمك اختي بارك الله فيك

اقتباس:

المشاركة الأصلية كتبت بواسطة أم ماجد

موضوع رائع لو تتفضلي وتنورينا في الكوزينة واش قلت ؟

شكرا ام امجد واش مالكوزينة حبيبتي

ام حمزة22 · 2014-09-20, 11:33

عندي نصف ساعة وانا نحاول نحمل الصور ما حبوش يطلعولي
ساحاول مرة تانية وان شاء الله تصدقلي هاد المرة