***زيتون مرقد من مطبخي***

[ام حمزة22]

السلام عليكم ورحمة الله تعالى وبركاته
ان شاء الله تكونوا كامل بالف خير

اليوم وبعد ما طاب الزيتون حبيت نقدملكم طريقتي في ترقيد الزيتون


فالاول ناخد الحبة نتاع الزيتون وندقها او نكسرها شوية بمطرقة او حلال العجينة انا استعملت الرخامة لي نستعملها لخبز فطير

ناخد بلارة او بدون كبير ونحط فيه الزيتون ونعمر البيدون بالماء ونخليها لمدة اسبوع ونبدل الماء كل يوم لتفادي تراكم البكتيريا وينضج الزيتون في نفس الوقت
بعد ما يفوت اسبوع نصفي الزيتون من الما ونغسلو مليح ونحضر بعض الخضار لي تزيد بنة على بنة لزيتون
الخضار لي استعملتها هي جزر وبسباس وضفت القارص ورند وتحبي حتى ضيفي بصل وتقدري تستغني على الخضار وتستعملي غير الرند
في بلارة من الاحسن تكون زجاج انا ستعملت لي متوفرة عندي وهي بلارة بلاستيك
نضع في الاول وريقا ت من الرند وابراج قارس و بسباس وجزر ثم نضيف كمية نتاع الزيتون ونزيد نضيف المواد لي درتها فالاول ونضيف كمية نتاع الزيتون وفي الاخير نضيف ابراج القارص ونضيف عليه الملح و كاس خل الماء وندوق نشوف الا قيسو الملح او نضيفلو
بعد طبقت القارص نضيف ملعقة او 2 زيت عادي او زيت زيتو ن راح يحمي الزيتون من التعفن
بعد غلق البلارة ما نفتحهاش حتى يمر اسبوع ونشوف الزيتون الا اكتمل نضجه
والصور توضح المراحل

تحياتي للجميع