موضوع مميز حصري على منتديات الجلفة: تجربتي معَ، خاص بتجارب الاعضاء - الصفحة 6

ام خديجة1 · 2012-02-23, 15:03

لي عودة حبيبتي ميميشة بارك الله فيك موضوع مميز ومفيد

wafa.wafa · 2012-02-23, 16:46

تجربتي مع حساسية الجيوب الانفية استعملت أزهار البابونج نضع كمشة بابونج في الماء و نتركها تغلي بضع دقائق ثم نبخر بيها في الليل وفي الصباح نتيجة رائعة هذه الوصفة أخذتها من هذا المنتدى وجربتها شخصيا

غنوشة · 2012-02-28, 10:00

هذه إسمها المُرة .تحطي حب صغيرة في كأس ماء وتخليه يوم كامل تذوب .وبعدين مضمضي بها فمك .كل إلتهاب الفم راح يروح .مجرة وسريعة المفعول
وتقدري حتى تمضمضي بها الحلق .لأنها تقتل جمع الجرثيم

على فكرة طعمها مر وإذا ملقيتهاش في الجزائر رح تلقوها في مكة

my lamis · 2012-02-29, 23:07

بارك الله فيك ختي على الموضوع القيم و حبيت نشارك
الزكام نديرو الزعتر نغلوه نديرو نبخروه و نشربو كاس سخون و نتغطاو مليح حتى نعرقو
وا لسعلة نديرو العسل الحر + السانوج المرحي + زيت الزيتون نسخنوه و نشربوه فالليل و ملزمش تشربي موراه الماء
و للقراجم ثان نديرو العسل الحر + التالغودا هذي تشبه الزنجبيل ندقوها فالمهراز حتى تولي رطبة و هذي ضربة وحدة للقراجم إلا اللي ميروحوش منو قاع غير بالطبيب
و الحرق باش يبرا و تروح المارة ديري الشمع ذوبيهم مع زيت قبايل و خلطي مليح يولو كيما البوماد و كي يبرد إطلي الحرق
و باش تكون مفيدة أكثر ديري الشمع تاع شهد النحل
و اللي عندو الكلى يدير الشعير يغليه و يشرب ماه و ثان عندنا ولي صالح إسمو سيدي أحمد الأكحل حنا إختصار الإسم (سيدي حمد لكحل)
عندو عين من الأرض يخرج منها الماء هاذاك ضربة بضربة للكلى يبقى المريض يشرب فيه حتى يصيب روحو باري
و الله هو الشافي
كاش متفكرت راني نرجع

راني صبت التالغودا في دارنا و صورتها هذي هي
[IMG][/IMG]

my lamis · 2012-02-29, 23:14

راني تفكرت الطفل الرضيع كي يمرض بالزكام أنا وحدة نخاف دوا الطبيب
ديري إطلي قاع البيبي بصابون الحجرة مليح رغويهلو حتى يبياض قاع ثم بالشاش أو قطعة القماطة تاعو لفيه بيها و غطيه و خليه بيها حتى ينشف الصابون هذي درتها لبنتي وناجحة
ثان نيفها كي يتبلع و الله دوا الطبيب منفعش معاها بصح ندير نغطس صبعي فزيت قبايل و نيرو فالأنف تاعها بالخف يتسرحلها
كاينة حشيشة يسموها النوخة حنا منعرفوهاش بصح تنبت عندنا بكثرة واحد صديق الوالد من الشرق قالو عليها مليحة للسطر البطن و للمعدة في وقت الربيع نحوها و نيبسوها و نرحوها و نسيروها
تحبي تغليها ولا تشربيها غبرة بالماء و هذي عن تجربة و الله كي تضرني المعدة ندير ناكل ملعقة صغيرة بالماء نقعد مانبا نصف ساعة و يروح السطر
بالاك كاين اللي يعرفها بكاش إسم هي تجي ريحتها قاطعة
هذي هي النوخة يابسة
[IMG][/IMG]

و هذي هنا مرحية مليح
[IMG][/IMG]

lindou · 2012-03-01, 15:04

merci merci pour tous

my lamis · 2012-03-02, 14:46

العفو أخي ابن القيم هذا من واجبنا
و الشكر لك على قراءة مشاركتي
و نشالله كاش منزيد نتفكر راني نفيد الجميع
الحمد لله المنطقة تاعنا فيها أنواع بزاف من الأعشاب كاين اللي حنا و منعرفوهمش فالإسم
و منعرفوش الفائدة تاعهم

nadiem · 2012-03-08, 09:00

nhawes 3la 3ilaj assadafia wl'kolon (lmasran) idha ta3arfou
w merci 3al maodho3

my lamis · 2012-03-12, 14:20

اقتباس:

المشاركة الأصلية كتبت بواسطة nadiem

nhawes 3la 3ilaj assadafia wl'kolon (lmasran) idha ta3arfou
w merci 3al maodho3

ختي الغالية سقسيت الوالدة و قاتلي كاينة حشيشة يسموها خياط لجراح تغليه و تشربي الماء تاعو
و هذا ثان مليح اللي عندو المعدة
و الله الشافي

my lamis · 2012-03-12, 14:22

اللي عندو سطر فالركبة تاعو يدير قشور الهندي ينحي منو الشوك و يفورو و ديريه
قاع على الركبة و يربطها بشاش
و كي يكون سطر فكاش منطقة ديري إطليها قاع بمرهم خاص لللألم من بعد سخني ذيك المنطقة بالسيشوار
مع الماساج يعني السيشوار شاعل و نتي ديري مساج لذيك المنطقة حتى تشوفيها تكالمات مالسطر
هذي عن تجربة و الله الشافي

*ابو محمد الجزائري* · 2012-03-12, 14:27

اقتباس:

المشاركة الأصلية كتبت بواسطة my lamis

ختي الغالية سقسيت الوالدة و قاتلي كاينة حشيشة يسموها خياط لجراح تغليه و تشربي الماء تاعو
و هذا ثان مليح اللي عندو المعدة
و الله الشافي

اقتباس:

المشاركة الأصلية كتبت بواسطة my lamis

اللي عندو سطر فالركبة تاعو يدير قشور الهندي ينحي منو الشوك و يفورو و ديريه
قاع على الركبة و يربطها بشاش
و كي يكون سطر فكاش منطقة ديري إطليها قاع بمرهم خاص لللألم من بعد سخني ذيك المنطقة بالسيشوار
مع الماساج يعني السيشوار شاعل و نتي ديري مساج لذيك المنطقة حتى تشوفيها تكالمات مالسطر
هذي عن تجربة و الله الشافي

جزاك الله خيرا على المساهمة القيمة