أحترت في هذا الجيل

[hydraulique51]

[quote=محمد جديدي التبسي;8860779]

المشاركة الأصلية كتبت بواسطة amal2000

آمين يا رب
أخت آمال أعتذر عن عدم الرد على مشاركتك لأن ثقل الصفحات أمس كان كبيرا وكنت منشغلا في العمل
آسف جدا
سوف أرد على ما تذكرته بعد قراءتي لمشاركتك أمس:

فيما يخص سؤالك عن سبب صبر صديقي على أهل زوجته
فهو بحكم أنهم أقارب وأهل خطيبته يسكنون في قرية
وتفكير والديها تعرفين متعصب وما زال يؤمن ببعض التقاليد البالية
كما أنه متعلق بالفتاة ولا يكاد يجد فرصة للتكلم معها لأن والديها يرفضون ذلك
وصديقي عندو خط خاص لموبيليس لكن لا يستطيع الحديث معها إلا خفية عن أهلها (لدقائق قليلة) لأنهم مازالو يؤمنون بالتقاليد وأنا معهم في هذا الجانب
رغم أنو عاقد ربما لا أدري

فيما يخص أنك تعرفين الشخص إذا كان راجل ولا لا من خلال شروطه
فأتفق معك، فمن يتساهل ولا يبدي حزما في بعض الشروط خاصة أمور الدين
فرجولته ناقصة فعلا

فيما يخص والدتك وأنها لا تهتم بعد أخلاق الخاطب بشيء آخر مادي فهذا أمر رائع
ونتمنى أن نراه دائما في الأمهات
هذا ما تذكرته وآسف مرة أخرى لأن أحوال النت عندي لم تكن أبدا على ما يرام وكذا صعوبة ولوج الموقع
بارك الله فيك ووفقك لكل خير

شكرا للتوضيح
كل واحد يعامل حسب مبادئه وتقاليده
لكن لا ينبغي ان تطغى العادات والتقاليد التي ليست من شيم الاسلام والمسلمين

[محمد جديدي التبسي]

المشكلة أن قضية العروش والقبلية ما زالها
يعني المقايس عندهم أمر لا نقاش فيه وزيد أمها نكصت والنساء راك تعرفيهم
علابالك صديقي هذا مرض خلاص ساعات يبيبيلي على الثلاثة ولا الساعتين تاع الليل
النوم طار من عينيه هههههه
هو إنسان زوالي وخاطيه المشاكل وناس ملاح خلاص وما يقدرش يسلف هو راه يخلص في الذهب بالشوية حتى يفرّج ربي
وحقيقة الرجال اللي يسلفوا الدراهم في وقتنا راهم قلال
ربما الكذبة البيضاء حل خاصة إذا تفاهم مع الفتاة بالصح ما نظنش تقبل راهي خوافة كبيرة من والديها وعندها الحق والله أعلم
ربما هو يخمم إنو ما يخرجش مديان بعد العرس وراني معاه في هذا
يصبر شوية وما يرقدش أيامات وربي يجيب الخير

بارك الله فيك أختي آمال على الرد وربي يعطيك ما تتمني
جزاك الله خيرا وبارك الله فيك

[محمد جديدي التبسي]

لا لا ما نظنش إنو حرام تحكي معاه

والديها ما همش فاهمين إن الهدرة بين العاقدين جائزة شرعا

راهو زوجها شرعا وقانونا يعني يحكي كيما يحب وهو مادام متعلق بالفتاة يحكي براحتو

مع إني ضد هذا شخصيا لأن الهاتف يجلب كثير من المشاكل وكم من ناس فسد عليهم حياتهم وطلقوا قبل الزفاف

والهاتف حقيقة يُذهب هيبة الرجل وتزول الكلفة بينه وبين زوجته قبل أن تفهم كل جوانب حياته

ونشوف إنو الأحسن الواحد يقلل من الحديث قدر المستطاع وإلا ما يحكيش خلاص إلا في المناسبات والله أعلم

[فتـ حييةـاة]

ربي يفرج عليهم ان شاء الله بصح 5سنين بزااااااف يعني لوكان تزوجو لوكان راه عندهم ولد عنده 4سنين مش خير من التلماد وتخلاص الذهب
جارتنا بنت عائلة لاباس بيها خطبها واحد يخدم في .....في اطار عقد لمدة سنيتن وشهريتو قليلة نهار خطبها اهلها وافقو وشرطو عليه سلسلة وخاتم ومسيبعات نهار الحنة جابو اهل العريس الذهب سلسلة رقيقة بزااااااف وخاتم ومسيبعات خفااااااااف اهلها ماعجبهمش الذهب وخواتاتها قالولها واش هاذ السلسة وواش هذا الذهب قالتلهم انا رايحة نديرها هاذيك السلة وعجبتني وخواتاتها متزوجين وحدين خداميتن ولاباس بيهم قالولها علاش قبلتي المهم تزوجت بيه وبعد يومين من العرس جاه استدعاء من الشرطة بانه نجح الامتحان الكتابي وبقاله الشفوي كي راح يفوت ربح ودخل شرطي والان راه عندها ماشاء الله 3اولاد معاه وكي نتلاقو في مناسبة صدقني عندها ذهب كثر من خواتاتها علاش؟؟؟لان زوجها وقفة معاه في وقت الشدة و كل مايخلص يعطيها باش تعربن حاجة تاع ذهب

[ام رحوقة]

هو الكمال لله تعالى
لكن فيه رجال ماشاء الله رجال وعليهم تتكل في كل شيء
والنساء ثان مرات تلقى امرأة بالف راجل وعليها الكلام

[محمد جديدي التبسي]

ما شاء الله حاجة تفرح فعلا وربي بارك فيك أخت آمال، هذا يدل على وعيك وإدراكك للأمور

صديقي هذا فوت العامين تاع لارمي وفي أثناء ذلك خطب وما حكوش فش الشروط باعتبار إنهم أقارب هو ظن بأن الأمور راح تكون بسيطة
يسمى راهم عيلة وحدة بعد ما كمّل الخدمة العسكرية نتاعو، ظهرت الشروط وهو كان بلا خدمة مدة معينة وبعد وجد خدمة والشهرية راك تعرفيها

يعني ربي يعاونو حقيقة راه يعاني

أنا من خلال تجربتو قلت مستحيل نقبل إنهم يفرضو عليا شروطهم إذا خطبت نحط كل النقاط على الحروف وما نخلي حتى حرف السكون "ْ" ما ننساهش هههههه

شكرا أخت آمال وربي يحفظك ويعطيك من كل خير

[فتـ حييةـاة]

عندك الحق اخي لازم تشكل كل الحروف من اول يوم واذا ماعجبهمش الحال امحي النص كله
ربي يفرج على صديقك ان شاء الله و ربي يكملك واش تتمنى اخي وربي يهنيك ان شاء الله

[فتـ حييةـاة]

ناس بشار اسمحولنا الموضوع راه رج عنوانه قصص حقيقية من واقع المجتمع وانتوما اللي طلبتو مني نحذف الشريط اللاصق كان داير مزية

[hydraulique51]

المشاركة الأصلية كتبت بواسطة amal2000

ربي يفرج عليهم ان شاء الله بصح 5سنين بزااااااف يعني لوكان تزوجو لوكان راه عندهم ولد عنده 4سنين مش خير من التلماد وتخلاص الذهب
جارتنا بنت عائلة لاباس بيها خطبها واحد يخدم في .....في اطار عقد لمدة سنيتن وشهريتو قليلة نهار خطبها اهلها وافقو وشرطو عليه سلسلة وخاتم ومسيبعات نهار الحنة جابو اهل العريس الذهب سلسلة رقيقة بزااااااف وخاتم ومسيبعات خفااااااااف اهلها ماعجبهمش الذهب وخواتاتها قالولها واش هاذ السلسة وواش هذا الذهب قالتلهم انا رايحة نديرها هاذيك السلة وعجبتني وخواتاتها متزوجين وحدين خداميتن ولاباس بيهم قالولها علاش قبلتي المهم تزوجت بيه وبعد يومين من العرس جاه استدعاء من الشرطة بانه نجح الامتحان الكتابي وبقاله الشفوي كي راح يفوت ربح ودخل شرطي والان راه عندها ماشاء الله 3اولاد معاه وكي نتلاقو في مناسبة صدقني عندها ذهب كثر من خواتاتها علاش؟؟؟لان زوجها وقفة معاه في وقت الشدة و كل مايخلص يعطيها باش تعربن حاجة تاع ذهب

والله مرات تحير في بعض الناس
همهم الوحيد هو الاشهار
انا مزال ما فهمتش المرأة لي يعنيها الامر راضية بالقليل ولي خاطيهم الشغل يشارجيو فيها
من المفروض هي لي غادية تعيش معاه وهي لي تقرر
وهوما يتبعوا في وسخ الدنيا سبحان الله
ربي خلق وفرق
ربي يلاقينا بوحدة قانعة
وراضية بالقليل

[hydraulique51]

المشاركة الأصلية كتبت بواسطة ام رحوقة

هو الكمال لله تعالى
لكن فيه رجال ماشاء الله رجال وعليهم تتكل في كل شيء
والنساء ثان مرات تلقى امرأة بالف راجل وعليها الكلام

كلامك صحيح مئة بالمئة
يعطيك الصحة

[hydraulique51]

المشاركة الأصلية كتبت بواسطة amal2000

ناس بشار اسمحولنا الموضوع راه رج عنوانه قصص حقيقية من واقع المجتمع وانتوما اللي طلبتو مني نحذف الشريط اللاصق كان داير مزية

ما عليش ونحمدوا ربي كي نحيتي الشريط اللاصف هدا باش نستافدوا منك مليح
راهي تبان عندك تجربة كبيرة في الحياة

[فتـ حييةـاة]

المشاركة الأصلية كتبت بواسطة hydraulique51

ما عليش ونحمدوا ربي كي نحيتي الشريط اللاصف هدا باش نستافدوا منك مليح
راهي تبان عندك تجربة كبيرة في الحياة

الله يسلمك اخي :d
نفيد ونستفيد

[hydraulique51]

ان شاء الله

[محمد جديدي التبسي]

بارك الله فيك
مليحة نتاع يمحي النص مرة وحدة هههههه
والله يعطيك الصحة وربي يرزقك على قد نيتك

أخي صاحب الموضوع بارك الله فيك وربي يحفظك وراك تعرف المثل عيش تشوف
ربي يفرّج على كل مسلم ويعطيك الزوجة الصالحة القانعة في أقرب وقت

[hydraulique51]

المشاركة الأصلية كتبت بواسطة محمد جديدي التبسي

بارك الله فيك
مليحة نتاع يمحي النص مرة وحدة هههههه
والله يعطيك الصحة وربي يرزقك على قد نيتك

أخي صاحب الموضوع بارك الله فيك وربي يحفظك وراك تعرف المثل عيش تشوف
ربي يفرّج على كل مسلم ويعطيك الزوجة الصالحة القانعة في أقرب وقت

ميرسي ان شاء الله ليا وليك ولكل من يرغب في الاستقرار