روز ساهل ماهل وبنين - الصفحة 6

البحر الصافي · 2015-10-20, 13:53

بسم الله
هدا الروز بدون لحم وبدون كثرة مواعين وينفع وقت الحصلة
للامانة راهو من اختراعي وما نقلتو على حتى وحدة
المقادير والطريقة
اي خضر تكون عندك في الدار قصيها مربعات صغار
حبة زرودية 1 قرعة1 بطاطا قليل من الجلبانة خضراء
انا كانت عندي في المجمد حبة بصل كرافس ومعدنوس
مقطعين رقيق ادا معندكش مش مشكل لكنهم يديرو بنة
عود قرفة وهدا السر نتاع الطبخة كي مايكونش تجي
ناقصة شوي الكل في الكوكوط مع شوي ملح وفلفل
اسود وحوالي نص فنجان زيت
من ناحية اخرى اغسلي الروز تاعك وغليه في الماء والملح
استعملت لمفور
قلي الخضر قليل فقط مع التقليب وكي يغلي الروز نص طياب
صفيه ولوحيه مباشرة في الكوكوط فوق الروز لازم ثم
ثم وما تحركيش سويه من فوق برك واغلقي عليه الكوكوط
ونقصيلو النار خلاص وديريلو الصفارة باش يطيب بالبخار
بعد ربع ساعة او 20 د راح تشمي رائحة ممممممم طفي
عليه وبالصحة والراحة