♥ الجزء10 ♥ من واش طيبتي اليوم

[الأمنيات]

المشاركة الأصلية كتبت بواسطة أم ريمة*

اهلا ام نجم واش ريحتى شوية نعم انا بنتى لتتوحم وتسكن بعيدة على (فالعاصمة) وقالتلى بلى سخفت على الزفيطى غدوة اذا كتب ربى نديرولها فى كصرونة معنديش مهراس نشاء الله برك يجى مليح ا اذا امكن تحطيلى الرابط كما قتلكم منعرف والو فى هذا المجال وشكرا بنيتى على الوصفة وعلى المساعدة اصبرو على اعتبرونى مثل امكم

اختي ام ريمة ربي يسهل لبنتك ...............ديري لها على واش راها تتوحم ما تخليش في خاطرها ما كان غير الام الي حنينه على بنتها
ربي يخليك لها

[الأمنيات]

هاكي الرابط اختي ام ريمة
https://www.djelfa.info/vb/showthread...D2%DD%ED%D8%ED

[فايزة44]

الله يببببببببببببببببارك حبيبتي الهام كل شي يشهييييييييييييييييييييييي


ضرك انا ندي حقي ، وقلوب الجلجلان جاوك تحفة حتى انا راني جربتهم راهم في قسم التطبيقات

[ام بسومة]

المشاركة الأصلية كتبت بواسطة omnadjem.10

ماشاء الله اختى ام بسومه عشاك يشهي انا اعطيني غير الطعام نحبو بزاف وكتريلي من القورجات نحبها فيه مع الحمص يم يم يم

المشاركة الأصلية كتبت بواسطة إلهام07

الأمنيااااااااااااااات حلي عينيك مليح وشوفي :


كي كنت ندير فيه حكمتني الخلعة حتى ناظت المعدة تسطر بصح كي خلصتو وقطعتو ماصبرتش حطيتو في الثلاجة جا يهبببل يعطيك ماتتمناي وربي يجازيك ممممممممممممواح
ماتزعفيش غير نضحك معاك برك
راني تعبتك بزاف :d

الله يبارك عليك الهام
راكي شاطرة في كل شي ربي يحفظك ويعطيك ماتتمناي

[إلهام07]

المشاركة الأصلية كتبت بواسطة الأمنيات

اهام هداك الديكور تاع البيتزا كي درتيه
وعجبتني الارنوبه تاع السلاطة
انا راه جاي عندي خويا والوالين اليوم
انا جاي من انجلترا ويحب السلاطة بزاف
اذا راكم شايفين انواع سهله حطوا لي الروابط تعيشوا
تبارك الله الهام كل شيئ يشهي

انا مروحة راح عليا الحال
البيتزا بقاتلي عجين طرحتها مستطيل طوييييييييل وماشي عريض ( طرحتها الحلال ) وحطت كامومبير ونغطي بالعجين ونقطع مستطيلات ماشي طوال ونغلق مليح الحراف باش مايخرجش الجبن وحطيتهم بالمائل وخليت فراغات من بعد كي كابت تنفخت لصقو
السلطة نتاع الأرنب باينة ساهلة بدون شرح الأذنين والوجد بالأرز بالمول نتاع القاطو
باااااااااااي راح علي الحال

[ساندي 28]

المشاركة الأصلية كتبت بواسطة إلهام07

وهذا طيابي في اليومين اللي فاتو :
عيش حااااااااار يطير كي عوايدي نكثر الحار في لماكلة خخخخخ شرات ماما 3 جاجات كبار مالا شوفو واش درت بيهم :
الرقابي بننت بيهم العيش خخخخخخ :

الكبدة والجنحين درتهم مع شوية بطاطا في الكوكوط مع حميس وكسرة رخسيس وصفة الكسرة من المنتدى:

الصدور جاونا ضياف بالجمعة درناهم مع بطاطا روطي و شربة وحميس وسلطة :

هذو قلوب الجلجلان نتاع فلة كي شفت أم كوثر طبقتهم دارتلي ذبانة في راسي :

طبقت جبن كيري سخفتني أم إياد :

سلطة الأرنب :

ودرت هاذي البيتزا ماتتصروش واش جات كأنها بيتزا هات pizza hut اللي نشوفوها في التلفاز :
درت فيها جبن طبيعي + مرقاز+جبن أبيض + كومومبير + شيدار + زيتون شرائح + معدنوس + صلصة طماطم و الجوانب حشيتهم بالكومومبير ماتو عليها في دارنا بالاك اليوم نعاودها ، هاذي أول مرة نجرب الصينية هذي فعلا اللي ماعندوش كيفها كأنه عمرو لادار بيتزا في دارو :

يا الهام يا الهام واش هدا الفن كامل غير حتى علينا وعلمينا كلش بالطبع عجبتن يالسلطه رغم منكلهاش خلاص خاصه الارز منحبوش قبل ملي كنت نقرى نهار الي يديرولنا الروز يديروه بالصوص منكلوش نخلي لابار نتاعى لصاحبتي فكرتيني بيها خخخ
عجبني العيش نموت فيه بصح منطيبوش نهائيا لان عائلتي متحبوش خلاص راني محرومه منو غير ابعتيلي الصحن هداك
الكبده والجنحين نخليهملك منحبهمش خلاص
القاطو صح هاتي بصح حمرتيه بزاف جاك هايل علاش مدرتيهش في قسم التطبيقات
قوليلي على الجبن كيفاش بنتو كيما لافاش كيري
البتزا هايله حابه نديرها بنفس الوصفه بصح حتى نشري موتزاريلا باش تجي تتعلك
نتاعك هايله راكي مقلشاتيهم كيفاش ميعجبهم والو
راكي فحله ونص الله بارك واصلي

[أم ريمة*]

ماشاء الله ام بسومة بصحتكم الهام كى العادة مشاغبة لكن مرا ونص وخمسة وسبعين الله يفرحك بنيتى ممكن رابط حلوة امنيات لى على حواف البيتزا كاممبار ام نجم وراه الرابط لىقلتيلى عليه رانى نستنى

[فايزة44]

حبيبتي ام نجم ربي يشافي ابنك فهو الشافيييييييييييييييي ويسر مبتغاك

[oum anas 69]

المشاركة الأصلية كتبت بواسطة أم ريمة*

اين تطبيقاتك يا الهام خلينا نشفوهم وندعيولك بالزوج الصالح ممكن تفيدونى بطريقة سهلة لوضع الصور شكون تتطوع تفهم وتنور امهافى هذا المجال وانا على بالدعاء لها

هذا الشرح كنت حطيتو لوحدة ودارت و عرفت

أدخلي لموقع التحميل مثل هذ ا دريه في فافوغي نتاعك دائما تحتاجيه أفتحيه في صفحة جديدة وحدو
قلتلك أدخلي لمركز تحميل إضغطي على parcourir

https://www.gulfup.com/
رايحا تخرجلك لوحة إختيار الصور من الميكرو نتاعك أنتي خيري صورة لي تحوسي عليها ممبعد إضغطي على ouvrir راح يخرجلك الرابط في مركز التحميل ...إضغطي رفع الملفات وأستناي حتى تخلاص و ممبعد تظللي رابط الصورة المباشر و ديري كوبي ممبعد تروحي لصفحة الرد تضغطي على المربع الأصفر يخرج طابلو أمحي هاذيك الكتبة http و ديري كولي ممبعد لظي على ok تخرجلك الصورة في الرد .... تبعي بالخطوة وركزي رايحا تتعلمي موفقة

[ام بسومة]

المشاركة الأصلية كتبت بواسطة إلهام07

وهذا طيابي في اليومين اللي فاتو :
عيش حااااااااار يطير كي عوايدي نكثر الحار في لماكلة خخخخخ شرات ماما 3 جاجات كبار مالا شوفو واش درت بيهم :
الرقابي بننت بيهم العيش خخخخخخ :

الكبدة والجنحين درتهم مع شوية بطاطا في الكوكوط مع حميس وكسرة رخسيس وصفة الكسرة من المنتدى:

الصدور جاونا ضياف بالجمعة درناهم مع بطاطا روطي و شربة وحميس وسلطة :

هذو قلوب الجلجلان نتاع فلة كي شفت أم كوثر طبقتهم دارتلي ذبانة في راسي :

طبقت جبن كيري سخفتني أم إياد :

سلطة الأرنب :

ودرت هاذي البيتزا ماتتصروش واش جات كأنها بيتزا هات pizza hut اللي نشوفوها في التلفاز :
درت فيها جبن طبيعي + مرقاز+جبن أبيض + كومومبير + شيدار + زيتون شرائح + معدنوس + صلصة طماطم و الجوانب حشيتهم بالكومومبير ماتو عليها في دارنا بالاك اليوم نعاودها ، هاذي أول مرة نجرب الصينية هذي فعلا اللي ماعندوش كيفها كأنه عمرو لادار بيتزا في دارو :

الله على الابداع
يعطيك الصحة لهومة
انا اعطيني غير السلطة لانو مانحبش الحار
اما البيتزا ماعرفتش واش هو الكوممبر ؟؟؟
ياريت تنوروني وتصوروهلي

[أم ريمة*]

شكرا بنتى امنيات على الدعاء ليها وجميع المسلمات امييييييين فرحت كى شفتوا وبارك الله امنيات السينية مثقوبة ومن صنع فرنسى وثمنها هن فى البرج 95 الف بيتزا فيها روعة

[ام اجياد]

الله يبارك يا الهام ماشاء الله تبارك الله باه مانعاينوكش اولا اتحفتينا يا الهام مع انو لحوايج هنو كامل نعرفوهم بصح خدمتك متقونة ونظيفة تهبل ياو علاه ما زوجتيش ولا نجي نخطب الهام راني نوجد في طياباتي ولايمت مجموعة استناو نزيد شويةونحطهم كامل بصح اطباق متواضعة جدا اذا لقيت تشجيع منكم هاكم فرحتوني واذا مالقيتش تشجيع بالسلامة

[أم ريمة*]

شكرا ام انس انت انسانة طيبة بمعنى الكلمة الله يصلحلك اولادك ويمتعك بالصحة اميييين

[سعيدة8888]

المشاركة الأصلية كتبت بواسطة إلهام07

شوفي مالفة هاذو الحوايج اللي يخسرو بسرعة نخبيهم في الكونجيلاتور ونجبد بالشوية مايصرالو والو
أما الأطباق والتحليات باينين تقدري ديريه في القراتان يم يم ، المعجنات : بيتزا كوفار ، فوق البيتزا العادية ضرك شوية هكذا نحط البيتزا اللي درت البارح جات تهبل ، أما التحليات راهو يجي يهبل في التشيز كيك
تقدري تعوضي بيه الجين تقريبا في كل الوصفات خاصة التحليات اللي فيها جبن طري

شكرااااااااااااااااااااا حنونة
والله تطبيقاتك هايلة يعطيك الصحة يالفحلة

[ساندي 28]

ام ريمه ربي يشافيلك بنتك وتريح من الوحم ادا درتيلها الزفيطي صوريه وحيلي نشوفو عندك تنساي راكي فكرتيني بامي توحشتها بزاف