الجزء 31من واش طيبتي اليوم؟ - الصفحة 59

عطرالذهب · 2013-10-10, 08:36

صباحو يا المحترفة بعد الفتيل خلي اسمك لوحدة اخرى

nour inasse · 2013-10-10, 08:37

على سيرت بساط الريح والقاطوات هههههههه اليوم مانخدمش انشاء الله نخرج نشري شوي حوايج نتاع القاطو راني رايحة ندير شوي مقروض شريت طابع جديد وبساط الريح وصابلي النيستلي والنوتيلا وبالاك نزيد الكاستال خطراكش عندي البيض

أم محمد تاج · 2013-10-10, 08:38

حبيبتي عطر المبتدئة أم نور ههههههههه صباحو غالياتي
والله أجواء العيد رووووعة درت قاطو بساط الريح كيما شفتو ونشالله رايحة نزيد غريبية أم كوثر ونزيد كروكي للفطور وأكيد خبز الدار مع اللحم مممممم ووجدت لهرايس هههههه أنواع شي تاع بروووقة شي بوفجووووخ شي مرقد ياخي عمبالكم اللحم يمشي معاه لحرووووو وبلا ما ننسى ياخي مضيت سنيا هههههههههه ايه لماس وراني موجدة العدة نشالله ربي يهنينا ويباركلنا فيما رزقنا آمين اجمعين وانتوما واش هوما تحضيراتكم؟؟؟؟؟
هيا لبنات نحكيو على كل وحدة واش توجد نهار العيد واش رايكم؟؟؟ من أكلات من قاطوات والعادات والتقاليد تاع كل وحدة؟؟؟

عطرالذهب · 2013-10-10, 08:39

صباحوو ايناس وشنو شكلو طابع المقروض الجديد ماشي نتاع عش النحلة

عطرالذهب · 2013-10-10, 08:46

ام محمد انا كنت من العيد الصغير وانا مع الاعراس وقاطواتهم كملت غير السمانة اللي فاتت وليت السمانة اللي رانا فيها غسلت الكوزينة وحيوط الدار كامل وبدلت لفراشات والريدوات وغسلتهم (فحلة) وجبدت حوايج الذبح عاودت غسلتهم وطيبت سلاطة مشوية يمممممم وجابلي راجلي الطماطم حب طيبتها صوص طوماط ودرتها في ساشيات وللكونجيلاتور نطيب منها كلش والقاطو على ما مليت منو رايحة ندير المقروض برك

ساندي 28 · 2013-10-10, 08:47

صباح الخير راني فطرت بحاجه ماشي قاطو حزر فزر مايجيبها الا كولومبو
انا ضايق الحال عليا من التعب وضيق الوقت .......ان شاء الله ربي يقدرنا
ام تاج صباح الخير فكرة هايله ليا رجعه ااكيد

الأمنيات · 2013-10-10, 08:50

اللھﻤــ افْتحْ لي أبوابَ رحْمتِك، وارْزُقْني من حيثُ لا أحْتسِب ...

أنا وجميع المسلمين اللهمــ آميـــن يا رب العالميــــن

أَسْعَد الْلَّه صَبَاحُكُمـ بِكُل خَيْر

أم إناس · 2013-10-10, 08:50

نهار كم مبروك أخواتي حني ره عدنا المطر وبارد الحال اي جو مكتءب انا ليوم زوجي ميدخلش يتغدى صفي لبنات ندرلهم حج خفيف والقاطو مزال ماعولتش اخر نهار ان شاء الله ونهار العيد نروح عند عجوزتي مذبح عدها ويرح الرجال يذبح كل واحد ودلتو في الغد يطيب الكبد. مع ليبات مع جبن وفي العشاء يجملو أكل عند عجوزي يدير بزلوف او بكبوك

أم إناس · 2013-10-10, 08:53

اقتباس:

المشاركة الأصلية كتبت بواسطة الأمنيات

اللھمــ افْتحْ لي أبوابَ رحْمتِك، وارْزُقْني من حيثُ لا أحْتسِب ...

أنا وجميع المسلمين اللهمــ آميـــن يا رب العالميــــن

أَسْعَد الْلَّه صَبَاحُكُمـ بِكُل خَيْر

أمين يارب العالمين. بارك الله فيك كلك اماني

الأمنيات · 2013-10-10, 08:58

صباح الخير وجوه الخير
ام اناس واش راكي درتي غداك
ام نجم وعطر صباحووووووووووووو

إلهام07 · 2013-10-10, 09:00

أم أيناس سعطيك الصحة الكراب خرجو هايلين يا الفحلة والله ماحطيتك طبقيهم صح بسرعة وأول مرة يجيوك رووووعة كلي مالفة ديريهم
انا راني معقدة منهم خفت نجربهم مايصلحوليش ويلصقو في المقلاة

اقتباس:

المشاركة الأصلية كتبت بواسطة melissat

[FONT="Comic Sans MS"]اللهووووبة مرسي حبيبتي على النصائح ربي يخليك ليا
راني درته وطيبته فالقدرة خاطر الكوكوت راهي خاسرة

خليته ساعتين راه يبان مليح

بصح خزنته عليهم حتى نفطر نذوقه

ااااه ربي يبعد عليك العين راني سمعت طيحوك بعين
ام نجم على سلامت وليدك
ام تاجو ربي يشافيك وبساط الريح اممممممممممممم امممممممممممممممم

مممممممممممم بصحتكم

خليتيلي شوية ؟

إيناس روووووووعة هذيك التحلية خلاتني مانشوفش الشخشوخة هههههههههههههه
يعطيك الصحة تهبل تهبل
حقة بصحتكم الشخشوخة اليتيمة هههههههههههههههه

أم رامي كي العادة طياب متألق وتقديم راقي

يعطيك الصحة مالقيت على واش نعلق كالش يء قمة مممممم

سخفانة تعرضيني كاش نهار

حقة أنا ثاني عديتي بالحار والهريسة ههههههههههه ديما شاويتهم في الدار خخخخخخخخخخخخ

الأدب العربي حتى أنا شكيت فيه تشيز كيك بصح خفت نقول خخخخخخخخخخخخخخخخ
ياخي نتاع ام اماني77؟
جا يهبل يقققققققققتل

طوكيو يا موصيبة سخفتينا بهذيك التحلية مممممممممم رووووووووعة
حقة قوليلي كيفاش جاتك المقرونة بالخضر قري الصح

اقتباس:

المشاركة الأصلية كتبت بواسطة فتاة الدعوة

سلالام يا لبنات عشايا راه بطاطا بالفرماج قودا وسلاطة وعنب

ممممممممممممممممممممم تسخخخخخخخخف انا عندي مدة مادرتش القراتان بانواعو

بصحتكم

اقتباس:

المشاركة الأصلية كتبت بواسطة yacine1970

سلااااااااااام راني نكتب بعضوية زوجي حبيت نشكركم بزاااااااااااف على واش تقدمو و راني متبعتكم من الكواليس الكل اللهلوبة و ليدي و اختها طومة بلاما ننسى ام انس سارة ام كوثر و ام رامي ام ابراهيم بشرى توتة دادو ام اية ماري ام لقمان و ام ماجد و ايسون و فايزة و صديقتي و اختي الصغيرة لي معاكم منال 1977 و تعليقاتها ماشي تطبيقاتها مع انها راهي طبق بالفور بصح ماعندهاش باه تصور المهم اسمحولي ادا نسيت اي واحدة منكن يا الشاطرات

أهلا بيك حبوبة ساعة على ساعة وطلي ياخي ياسين عاقل مايقولش ههههههههه

اقتباس:

المشاركة الأصلية كتبت بواسطة أم محمد تاج

هيا لبنات نحكيو على كل وحدة واش توجد نهار العيد واش رايكم؟؟؟ من أكلات من قاطوات والعادات والتقاليد تاع كل وحدة؟؟؟

أصبحي علينا واش نحكيو الواحد مازالو عينيه منفخين من الرقاد

انا مالفة انا اللي نديرلهم جو العيد بالسيف العام هذا غلبتني ماما

مالفة نقلب الدينا بالميناج نغسل الحيوط الكوزينة نفليها النوافذ الزجاج ندير فوضى العام هذا قاتلي والله ماغسلتي حاجة الدنيا نظيفة

وحتى القاطو راني ندير فيه بالسيف عليها

اقتباس:

المشاركة الأصلية كتبت بواسطة omnadjem.10

صباح الخير راني فطرت بحاجه

ماشي قاطو حزر فزر مايجيبها الا كولومبو

انا ضايق الحال عليا من التعب وضيق الوقت .......ان شاء الله ربي يقدرنا
ام تاج صباح الخير فكرة هايله ليا رجعه ااكيد

أوووووووووووووو كولومبو هذا تعبتوه غلب ملي تنوضو وأنتوما حزر فزر

بطلت مانيش لاعبة

[/FONT]

عطرالذهب · 2013-10-10, 09:01

صباحو امنيات واش ناوية للغدا والا صايمة

الأمنيات · 2013-10-10, 09:04

البارح درت تحلية تاعي راني حاطتها موضوع
خرجت فووووووووووور
جبت حق الهام ما تدوهش لها الباقي تقاسموه
ذوقها جاهايل لاني غطست القاطو في بيبسي ههههههههههه

عطرالذهب · 2013-10-10, 09:04

الهاااااااااااام واش بيك ما شفتينيش ايا صباح الخير على الزيين والعييييييين

إلهام07 · 2013-10-10, 09:04

صباح الخيرات والليرات على احلى عسولات فحلات

انا البارح طلقت المطر عليا في الطريق وكملها الحجر ماجيت نروح " فيلم ميسيون أمبوسيبل mission impossible "
والله غير تقول يتورنيو في فيلم سمعت ماتو 2 البارح في قرية أولاد تبان ربي يستر
من نهار خلقت والله عمري لاشفت مطر كيما نتاع لبارح في دقائق هزتنا الحملة وحتى السيارات والحافلات حبسو ماقدروش يمشيو كارثة وقالو تبقى 3 أيم ربي يستر
المهم وصلت كلي على بعضي ماء * ماء*ماء كل شيء يقطر البورتابل في الصاك قريب تحرق والساعة فسدت نرميها وقشي كأنني كنت نعوم في البحر انا نمشي والماء يقطر مني والله تقول فيلم رعب ماشي صح

المهم باش مانخرجش من الموضوع :

درت للعشاء البارح : كوكا ( كانت عندي عجين مورقة ) وزدت معاها 2 باكيات "اندومي " ههههههههه استحليتها هههههههه حتى هوما قالو بنينة هههههههههههههههه