موضوع مميز كوزينة حراير المنتدى - الصفحة 59

RIMA.87 · 2018-10-01, 14:40

السلام عليكم ورحمة الله وبركاته
مساء الخير و الخمير اخواتي في الله ،
الحمد لله راني رجعت ليكم و اللمة الزينة برجوع النت
نحط فطوري لليوم و من بعد نرجع باذن الله لكل ما لذ و طاب من ايدين الفحلات .

سمك الدوراد في الفرن

و هادي درتها لبارح في خاطركم و خاصة مشرفتنا الغالية حيووووتة لي عطاتني اسم الشرفي ....خخخخخ

طبقت بسبوسة ام اماني جزاها الله خيرا لكن خذيت فكرة ملاك ربي يحفظها و درتها في الفرن ماشي في المقلة،وجات هايلة ما شاء الله و العايلة كامل عجبتهم و الحمد لله

و الحمد و الشكر لله على نعمه

RIMA.87 · 2018-10-01, 18:04

مسا الخير اخوات ،
بسم الله ما شاء الله عليكم ،شفت الخيرات و الاطباق و الخبابز و شهيوات مختلفة ،
ربي يحفظكم و يبارك لكم و لنا وفي الرزق ،

غاليتنا حيووووتة بصحتكم الفطور الصحي العدس و الخضار المفورة و جزاك الله خيرا. على الوصفات المصورة جعل الله مجهوداتك في ميزان حسناتك.

ام مهدي idem16 ما شاء عليك و على اطباقك كلها تحف مطبخية بامتياز على قول زيكا لي حطتلنا هاداك الكويس تاع الشاي لي لقيتو فارغ لاني جيت متاخرة هههههههه بصحتكم جميعا
لكن شهيتيني يا ام مهدي في المثوم من رمضان ما درتوش امممم

فاتي يا فاتي ربي يحفظك و يحفظلك الوالدة البسبوسة روووووعة لكن لونها بانلي بني حلل و ناقش ان امكن ،

ملاك ربي يحفظك على كلامك الزيين و تفضلي الصحن تاع الزيتون راهو ليك لكن قولي لاختك الصغنونة تبعثلي حقي او قسمتي كيما تقولو انتوما لان نقطة ضعفي طاجين الحلو اممم .بصحتكم اللمة و ربي يحفظلك كل عايلتك و يدوم الفرحة و البهجة في بيوت كل المسلمين،

ام ساجد وسيم طهورا ان شاء الله و في ميزان حسناتك.

بيان كل شيء مبروك و الحمد لله لي سلكتي بخير و ربي يرزقك الشفاء العاجل و ترجعي تشاركينا باطايبك .

ختيتو ياسمين ما شاء الله عليك و الارز جاك تحفة بصحتكم و تطبيقك لغراتان الهام يبان روووعة لكن تعرفيني لازم نتذوق ....ههههه

اختي آية نور اليقين الطبق يشهي بصحتكم و مرحبا بيك في اللمة الزينة،

RIMA.87 · 2018-10-01, 18:09

(اختي ام ياسمين )mosta limoges اهلين و سهليين ان شاء الله راكي بخير و كل العايلة و شاركينا باطباقك و خاصة التحليات الرائعة دياولك لي تعودنا عليها .

ان شاء الله ما نسست حتى اخت و لي نسيتها تسمحلي ،
عشانا دولمة ان شاء الله و الحمد و الشكر لله.

ملاك ملاكي · 2018-10-01, 21:32

سلاااام الله على الجميييع... كل نحولاتي حبيباتي... كالعادة داخلة بلا مراجعة جيست نحط صور غدايا وعشايا... وان شاء الله نحاول نراجع ونسلم على حبيباتي لي راني متوحشتهم واااايد واااايد هاهاهاهاها

تفضلوا صور غدايا ولي كان جلبانة بالسكالوب وحبة بطاطا هاهاهاهاها وعصرة قارص امممم مابنها هاهاهاها

والعشاء يااااعمري ياااعمري على حبيبات روزي هاهاهاها الكل يعرف مدى عشقي للروز هاهاهاها ماتلومونيش

وللسهرة ولعيونكم الحلوين.... بسبوسة ام اماني عتدمتها لانها بصراحة عجبتني وذوقها قنعني المرة هذه عملتها في بيراكس بالفعل تستحق انكم تجربوها والله روعة روعة

بسبوووس ياملكة البسابيسو هاهاهاها طلي عليا واعطيني رايك يا شاف ريمة الريمات قيميني....رايك يهمني شاف بسبوس هاهاهاها

يالا نخليكم حاليا... نروح نحدد شوي قش غدوا عندي خرجة ملاكي الصغير يعمل الفاكسان أن شاء الله ونزنقق شوي هاهاهاهاها.
نحاول نرجع نراجع مافاتني من مالذى وطاااابة من تحت ايدياتكم نحولاتي😘😘😘😘

idem16a · 2018-10-01, 21:43

اهلين وسهلين الحبايب قلبي.ان شاء الله كامل راك بخير يا رب.اسكتو برك راني نكتب وعيني تتفرج على سبيكتور طاهر.نموت عليه خخخخ.اكيد راكم تتفرج
حياة ربي يعطيك ما تتمناي على إدراج الصور.يا ودي حلقة فيا ويلا يخرجوا على المباشر
وكالعادة العيد يمى يمى ديما تشهيني فيه مع السلطة تحفة.وشكرا على الوصفات المصورة.واكيد نجرب الباتيسري

فاتي البسبوسة توووب.راهي تشهي.ربي يحفظ الوالدة
ملاكي اطباقك ديما تشهي والصور تعبر وحدها.وكي تزيدي تروحي لعراس إديني معاك حطيني في جيبك برك.ما نشرطش خخخخ توحشت لعراس
اختي اية نور اليقين طبق ممممم والله يشهي
ريمة الحوت تاعك يقققققتل.مممم روعة.والبسبوسة قمة

idem16a · 2018-10-01, 21:51

وهاذي تطبيقي الكيكة فاني والكاكاو لام اماني...قالك بدل اللوك يحبوك.هاهاها....الكرام شونتيي ما دارت فيا..حطيت حكايتها في قسم الاطباق المجربة

ملاك ملاكي · 2018-10-01, 21:52

حيوتى حبيبتي... تفضلي تطبيقي لمادلان حبيبتنا الغالية ام اماني... وعدتك اني نطبقه... والحمد لله بالفعل هااايل هااايل.... حطيته في قسم التطبيقات... وحبيت نحطه هنا باه تشوفيه في كوزينتك اااا نحولتي... اتفضلي

ان شاء الله كل نحولاتي يجربوها لانها هاااايلة واقتصادية وسهلة سريعة والنتيجة والله روعة روعة.... والله العظيم انا اول مرة نعمل مادلان والنتيجة كانت مبهرة بالنسبة ليا وعجبتني روحي يبالي درت البقلاوة هاهاهاها

idem16a · 2018-10-01, 22:03

هاذي وصفة الفوقاز.والله توووب.انا فقط ما كثرتش الطماطم..

RIMA.87 · 2018-10-01, 22:11

السلام عليكم ورحمة الله وبركاته
اهلين و سهلين ملاك و ام مهدي صح عشاكم ،

ملاك يا ملاك ضحكت بالصووت يا نحوولة على البسابيسو هههههه ،
صراحة ابدعتي و خرجتلك تحفة مطبخية بامتياز ما شاء الله لا قوة الا بالله ،

و بصحتكم الجلبانة و الارز و المادلان منعني من تجريبه انو ماعنديش ليكيسات و كل مرة ننسى نشريهم لكن باذن الله غدا نجربهم و نستمتع باحلى مادلان .

ام مهدي راني شفت الكيكة في قسم التطبيقات ما شاء الله لقيتي الحل و ربي يخلف عليك و بصحتكم و مشكوورة على كلامك المشجع.

idem16a · 2018-10-02, 12:01

اقتباس:

المشاركة الأصلية كتبت بواسطة ملاك ملاكي

حيوتى حبيبتي... تفضلي تطبيقي لمادلان حبيبتنا الغالية ام اماني... وعدتك اني نطبقه... والحمد لله بالفعل هااايل هااايل.... حطيته في قسم التطبيقات... وحبيت نحطه هنا باه تشوفيه في كوزينتك اااا نحولتي... اتفضلي

ان شاء الله كل نحولاتي يجربوها لانها هاااايلة واقتصادية وسهلة سريعة والنتيجة والله روعة روعة.... والله العظيم انا اول مرة نعمل مادلان والنتيجة كانت مبهرة بالنسبة ليا وعجبتني روحي يبالي درت البقلاوة هاهاهاها

ملاك حبيبتي.كالعادة صورك تعبر..جاك المادلان تحفة حقيقة. كل ما نوصي راجلي باه يشريلي لي كيسات ينسى. لانو يدخل حتى لا ليل.لظروف عمله..باذن الله نطبقها..مع العلم ما نحبش المادلانبزاف..نحب فقط مادلان اله اسمهان بالتمر.اللي عندي مدة وانا نديرو. يعطيك الصحة مرة اخرى

idem16a · 2018-10-02, 12:05

فطوري اليوم.تطبيقي للماقرون fumé بالباذنجال لحياة.بنة ولا اروع صراحة .حطيتها في قسم الاطباق المجربة

آية نور اليقين · 2018-10-02, 14:40

جبت لكم ترتولات بالمكسرات

آية نور اليقين · 2018-10-02, 14:43

آية نور اليقين · 2018-10-02, 14:47

موسكوتشو بطلاء الليمون

آية نور اليقين · 2018-10-02, 15:13

ميني ترتولات بالليمون