دورة خطواتي الواثقة لأصبح ربّة بيت متألّقة

[~اسيل ريحانتي~]

سلاااام فراشااات
ليوم كيما قلتلكم نحيت ستائر غرفة النوم مع تاع غرفة الاطفال والمخايد تاوعي وتاع الاولاد ودرتهم في الغسالة
ممبعد رحت غسلت الحيوط تاع شومبرا ومسحت الزاج تاع النافذة ومسحت خزانة الملابس والكوافيز ولي طابل دو نوي
ممبعد مسحت الرخامات تاع كوافيز وطابل دونوي وسيقتها مليح مليح والحمد لله غدا يبقالي غير نطبق ملابس خزانة وخلاص
تسما كملت مع شومبرا هههههه
بصح غشيت في الكوزينة مازال ماغسلت الكوزينيار حاكمني الثقل عليها ههههه

[~اسيل ريحانتي~]

اه نسيت غدا نخرج الماطلا للشمس والفراش ايضا

[arwa alaa]

ايه شفتهم في الصيف انا قلت كاين الجديد ونسيتوني
ام راضية شكرا

[omelbanin]

السلام عليكم، انا اليوم، جاتني خرجة طارئة خلطتلي البرامج،
غسلت كيما قلت الصباح لي صوندولي وشوية فراش، بسسس.
جيت عيانة ،مزية كنت مطيبة لفطور، سيقت برك وكنت فارزة الحالة.
أسيل برافوو، تهنيتي من غرفة النوم. بصح.... ناقص نقطة كي غشيتي. هههه.

[arwa alaa]

اسيل يعطيك الصحة وربي يعاونك

[omelbanin]

ههه اروى، كي يكون جديد ما ننساش ختي ان شاءالله.

[omelbanin]

راهو وحد الجو، السخانة والريح والسحاب، لفراش لي غسلتو الصباح مازالو غير الحواشي وينشف.

[~اسيل ريحانتي~]

هههههههه ام البنين ضحكتيني على ناقص نقطة بصح عندك الحق لاااازم نغسلها باه ندي نقطة كاملا ههه
اروى شكرا حبيبة ربي يعاونكم حتى نتوما فراشات

[~اسيل ريحانتي~]

ام البنين حتى حنا نفس الجو لحال سخون وشوية ريح

[ام ادم و اسيا]

اليوم كملت تصفح مافاتني منالدورة والله مشكورةصاحبة الفكرة و ساحول البداية معكن الاخت اسيل لا تتركي الوسواس يحيرك ما عليكي سوى استشارة طبيب او اتنين وان شاء الله خيرا اختي ماريا ماذا استعملتي لتنظيف ليزليمون وسشكرا

[جهينة اليقين]

مزية اليوم ما غسلتش لو كان بكيت واحد الغبرة والسخانة والحالة مغيمة ا كي ضربت الغبرة كنت الفوق قلت لزوجي اغلق التاقة تاع الشمبرة ما سمعنيش وانا اتكلت عليه وكي هودت وااااااااااااااااااااع يا لهوي تعبي راح باطل

[فراشات العمر]

هيا شكون تنوب على ام تغريد هيا الفحلة لي تمد النقط ولا لي تصورلنا ولا شكون
هيا بابا هيا ماما ردي بابا وجدي مودا ردي مودو ردي رديييي
مسحت المرايا غير تاع الكوزينة ضرحت عليهم وحصلت في لعشا وراني نكوناكتي

[ام شمسو محمد]

انا نوافقك الراي تماما اختي فراشات ،لازم تكون وحدة تحرك الحوار و تدير المراحل،هكذا راهي كل وحدة تهدر وحدها ،وين راه النشاط وين راهي الصور وين راه الزخم اللي جا مع ام تغاريد، وين راهي كراسة الروتينات كان المفروض نملاوها بالافكار والبرامج و المخططات ......
على الاقل وحدة توحد اهتمامنا ...انا ارشح mariamalak اذا وافقت.

[~اسيل ريحانتي~]

سلااااام راح نصورلكم روتيني للعناية الشخصية
اصبرو ههههه راني معاكم شكون تنورنا وتكون قائدة تاعنا

[~اسيل ريحانتي~]

وهدا جدول روتيني للعناية بنفسي

بالنسبة لروتين المسائي نورمالمو الاستحمام يجي ورا نزع الماكياج وغسل الوجه ممبعد عاد ندير التونر والباقي