أبدوا رأيكم؟

[amina1989]

المشاركة الأصلية كتبت بواسطة أسيرة الأحزان

أختي أمينة أنا الحمد لله في أحسن حال
وبالنسبة للإنجليزية لازم تركزي على القواعد أكثر شيىء وحاولي تحلي مواضيع بكالوريا لعام اللي فات هي تقريبا نفس المواضيع تتعاود كل عام
وإن شاء الله نهار الإثنين كي تدخلي نراجعوها مليح وراح إن شاء الله تفهميها
سلام

إن شاء الله يا لحبيبة .ربي يخليك
ربيييييييييييي معانا كاااااااامل

[ام الوليد]

المشاركة الأصلية كتبت بواسطة عذراء الهضاب

السلام عليكم ورحمة الله تعالى وبركاته كيف الحال والاحوال ان شاء الله تكونوا بخير والمراجعة مليحة اختي اسيرة الافراح اتمنى انه كل ايامك تكون فرح وسرور والله لا أعرف ماذا اقول لك يعطيك الف صحة وعافية ربي يحفضك ويسترك يا الغالية والله راني نشوف انه ارادتك قوية وعزيمتك أقوى واصلي يا حنونتي وشجعي زميلاتك اكثر واكثر وانا متأكدة انك سوف تصلين الى مرادك وسوف تجزين حسنات يارب ربي يوفقك ولا يخيبك والله انت نعمة ارسلها ربي الى هذا المنتدى ربي يخليك يارب اما اختي ام وليد خلي ايمانك بربي قوي وارادتك للنجاح اقوى وعمرك ولا اليأس وما تقوليش الوقت فات الوقت مازال ولكن فقط اعرفي تستغليه وانا واثقة انك سوف تصلين الى مرادك وتحقيق مبتغاك وياك قتلك انه ابو ولليد واوليد واخوته كامل يستناو تفرحيهم ما تخليهمش يخيبوا لازم تكوني انت الدافع الاقوى لاولادك باه يثابروا ويجتاهدوا ويقولوا لازم نكونوا كيمن ماما عززي ثقتك بنفسك وانا واثقة انك ستصلين الى مرادك بريبي ان شاء اللله لازم تفرحي لولاد وابو وليد يقول انا جبت مرأة قراية تعرف تقرى وفي نفس الوقت طباخة ماهرة فرحيهم يفرحك ربي وربي يوفقك اما انت يا امينة لازم تدرسي وما تخيبيش في النهارات لخرين عمروا البكاء ولا حل القضايا عززي ثقتك بنفسك وانا واثقة انه عندكامكانيات واسعة فجريها ولا تثبطينها خاصة وانت راكي متغربة شفتي هما كامل قاريين وعنده شهادات علاه احنا مانكونوش كيفهم وكامل نميو بلادنا ونرفعوا راسها بين اليلدان انا العام الماضي كنت قاعدة غير نبكي ونقول ما لحقتش وافكاري كامل متشتتة ولكن لما لقيت ناس وقفوا الى جانبي ربي يذكرهم على خير عززوا ثقتي بنفسي كان النجاح قريب الي ولكن ما كتبتش وانت الحمد لله راهم امامك بنات رائعين خليك سطايفية نتاع الصح عمرية لما تقول كلمتها تقولها وكي تصر على حاجة توصللها ياك عندي الحق فرحينا فرحي كامل لي راه ينتظر فيك شهدي وستغفري وسمي بالله وكملي مراجعتك ونحن معك وربي يوفقك وان شاء الله نتلقاو في سطسف عند التسجيلات نتاع الباك ونكونوا ناجحين بمعدل فووووووووووور واش قلتي لازم نتلاقاو ونحن ناجحين شمري على ذرعيك وابدأي طولت عليكم يابنات كتبتلكم مقالة هههههههههه ربي يوفقكم وتنجحوا كامل يارب ولا يخيب اي واحد يارب استودعكم الله الذي لا تضيع ودائعه والسلام عليكم

بسم الله الرحمن الرحيم
وعليكم السلام ورحمة الله وبركاته أختي الكريمة عذراء الهضاب (العمرية)
والله لم أجد الكلمات المناسبة للتعبير بها عن الأحاسيس التي شعرت بها بعد قراءتي لرسالتكي وعجز لساني عن الكلام
حركتي فيا روح الارادة والعزيمة والاصرار على النجاح بووووركت أختي الغالية وجزاك الله كل خير ان شاء الله
أعدكي من هاته اللحظة لاوجود لليأس في حياتي وسأدرس بجد وسأنجح بإذن الله تعالى وسأبرهن لنفسي أولا ولوالديا وزوجي وأطفالي أني قادرة على شقاية ومنخيبهمش ان شاء الله
جزاكي الله كل خير يارب ....
وثبت خطاكي ....
وجعلكي من الناجحين في شهادة البكالوريا وبتفوق آمين يارب العلامين
وان شاء الله نتلقاو كامل في التسجيلات الجامعية 2009/2010
تمنياتي لكي بالتوفيق
لكي ودي

[بقـا ألم يا]

المشاركة الأصلية كتبت بواسطة amina1989

إن شاء الله يا لحبيبة .ربي يخليك
ربيييييييييييي معانا كاااااااامل

بلا مزية أختي أمينة
نهار الإثنين إن شاء الله على الثامنة إذا قدرتي
سلام

[amina1989]

المشاركة الأصلية كتبت بواسطة أسيرة الأحزان

بلا مزية أختي أمينة
نهار الإثنين إن شاء الله على الثامنة إذا قدرتي
سلام

و الله ما لقيت واش نقولك غدا هنا عندهم عطلة ،يوم وطني يعني واحد ما يخدم وواحد مايقري يعني ما نقدرش نُدخل
يوم الثلثاء إن شاء الله،ساااااااااامحيني يا ختي لعزيزة ،راني نحاول نراجع شوية إنجليزية كيما تفهمنا ونهار الثلثاء علي 8:00بربي إن شاء الله

[عذراء الهضاب]

السلام عليكم ورحمة الله تعالى وبركاته والله يا عزيزاتي اني ذرفت دموعا بكتاباتكم مشكورين وربي يجازيكم الف خير وهدفي في الحياة ان أدخل البسمة في قلوب من أعرف وان أراها بارزة في محياهم وأن أحفز كل من خاب ظنه وخرت قواه وربي معيني على ذاك تمنياتي لكم بالنجاح واصلوا على هذا المنوال ليكن هدفكم الأسمى ادخال الفرح والبهجة لقلوب من يعقد عليكم الامال في النجاح وتوكلوا على الله الذي لا يخيب من اتاه بقلب رحيم ولا يرد يدان ارتفعت اليه راجية لطفه .رحمته وعفوه ورضاه وتوفيقه وربي يكون معاكم ولقاءنا بحول الله تعالى وبقدرته وبتوفيقة يوم التسجيلات يارب أختي أم وليد أطلبي من الإمام"سرايش "ربي يحفظه ويطولنا في عمره الدعاء لنا إن كنت قريبة منه يا بنات شدوا الحيل والسلام عليكم

[بقـا ألم يا]

المشاركة الأصلية كتبت بواسطة amina1989

و الله ما لقيت واش نقولك غدا هنا عندهم عطلة ،يوم وطني يعني واحد ما يخدم وواحد مايقري يعني ما نقدرش نُدخل
يوم الثلثاء إن شاء الله،ساااااااااامحيني يا ختي لعزيزة ،راني نحاول نراجع شوية إنجليزية كيما تفهمنا ونهار الثلثاء علي 8:00بربي إن شاء الله

والله يا أمينة ماتبكي ما حتى حاجة رانا كيف كيف اليوم أنا تاني مدايرين علي حصار هه هه
سامحتك أختي ما عنديش إشكال
ok نهار الثلاثاء عـــــــــــــــــلى 8:00 إن شاء الله
bon courrage amina

[بقـا ألم يا]

السلام عليكم ورحمة الله تعالى وبركاته
كيف الحال يا بنوتات ؟ إن شاء الله بخير وعافية

[amina1989]

صباح الخير يا فرح من قبيل وانا نستني كنت عند تاع العلوم

[amina1989]

أيا واش نقراو

[بقـا ألم يا]

صباح الأنوار والفل والياسمين لأحلى أخت عرفتها
كيف الحال ليومأتمنى تكوني بخير وبصحة جيدة ؟؟

[amina1989]

فرح عندك *****

[amina1989]

المشاركة الأصلية كتبت بواسطة أسيرة الأحزان

صباح الأنوار والفل والياسمين لأحلى أخت عرفتها
كيف الحال ليومأتمنى تكوني بخير وبصحة جيدة ؟؟

الحمد لله يا ختي لعزيزة يالي قليل لي كيفها هاذو الأيام

[amina1989]

فرح عندي فيشي تاع الإنجليزية إذا حبيتي نعطيهولك

[amina1989]

ويييييينك؟؟؟؟؟؟؟؟؟؟؟؟؟؟؟؟؟

[بقـا ألم يا]

أمينة مانكذبش عليك ال***** ما عنديش وكل يوم نقول نحل واحد ومانقعدلوش
إن شاء الله ال***** هده الأيام نفتح واحد بإذن الله
إيه فكرتين قبل يومين بعثت لهزار إيميل وطلبت من عندها الإميل تاعك لليوم ماردتش علي