الأخت yarasmin. 26 ترد على تساؤلاتكم هنا - الصفحة 58

nadia19 · 2012-06-10, 15:07

شكرا اختي على الإجابة هل استطيع استعمال الفوندان في مكان عجينة اللوز ربما هو يبقى طري و لو بعد عدة ايام ربي يحفظك
راني جد سعيدة لأن هناك من يجب علىالأسئلة بهذه السرعة ربي يعطيك ماتتمناي

yarasmin.26 · 2012-06-10, 15:25

[QUOTE=nadia19;10363701]شكرا اختي على الإجابة هل استطيع استعمال الفوندان في مكان عجينة اللوز ربما هو يبقى طري و لو بعد عدة ايام ربي يحفظك
راني جد سعيدة لأن هناك من يجب علىالأسئلة بهذه السرعة ربي يعطيك ماتتمناي
لالا مديريش الفوندا لانه مصنوع بالسكر ولافورم تاع التزين تخسر وتذوب شوية دير عجينة اللوز الي تباع في المحلات تبقى طرية وشريها جديدة انظري تاريخ الصنع

sasafede · 2012-06-10, 17:12

[QUOTE=yarasmin.26;10362514]

اقتباس:

المشاركة الأصلية كتبت بواسطة sasafede

سلا م اختي كيفك انشاء الله ابخير
راني حبة تعطيني اي قاطو يكون ساهل وانت تحبيه
وربي يحفظك لينا ويخليك
يسعد مسائك الحمد الله في هذه الساعة انا قاع الحلوى انحبها قوليلي راكي تحوسي تاع قهوة عادي ولا تاع عرس لانه تاع القهوة راني رايحة دوك انرون قاتو رجلين القطة منيش عارفة اذا تعرفيه ولالالالا ولاتحبي نعطيك الوصفة انتاعو

اعطيهاني الي اجي منعندك كامل ايه

سمسووومة · 2012-06-10, 21:00

[QUOTE=yarasmin.26;10361310]

اقتباس:

المشاركة الأصلية كتبت بواسطة سمسووومة

سلام ختي صحيييييييييييييييييتي صحيتي اليوم جربت تاع نحيفات الي قوتلك على الوصفة تاعها وشربنا بيها القهوة ضوك سييتها باه فالعرسل نصنعها.........صحيتي ... وحبيت نسقسيك على المعقودة الي تتباع برا شحال من مرة نبغي نصنعها فدار مي ماجينيش كيما الي يبيعوها برا .. ندير فيها زعفران وثوم ومعدنوس وفلفل اسود وبيض وهاكا وماجينيش كيما الي تتباع برا ياريت تقولي كفاش والسر تاع الي يطيبوها برا وشكرا حبيبتي
]
المعقودة" 1 كلغ بطاطة+ ربطة معدنوس مقطع +زعفران+1 م ص كمون+فلفل الحار+1/2 حرور+ملح+زيت للقلي
عجينة القلي""""" 125 غ فرينة+1 م ك خميرة الخبز+1 م ك مايزينة+كاس ماء دافي +ملح +حرور+زعفران
وجدي الخليط وخليه يخمروتروكيه بجهة ثم غلي البطاطة مع الملح ثم اطحنيهم بالرحيوة ثم امرسيها بالفرشيطة ثم اضيفي المعدنوس مقطع+ باق المقادير ثم شكلي خبيزات واغطسيهم في خليط العجينة ثم زيت القلي ساخن واحسن تكون المقلة غامقة وشهية طيبة

واش نقولك يا ختي ان شاء الله تروحي تحجي وان شاء الله راكي منورة دنيا وأخرة ربي يحفضك ويبارك فيك

zomord · 2012-06-10, 21:58

[QUOTE=yarasmin.26;10360065]

اقتباس:

المشاركة الأصلية كتبت بواسطة zomord

سلام اختي الفاضلة...شكري الموصول لك لانه سبق لك و ان ساعدتني..واتبعت نصيحتك و كانت ناجحة 100%...اريد ان اعرف الطريقة الصحيحة لتحضير حلوى (المشكلة)...انا حضرتها عدة مرات...لكن بعد الطهي ارى انها تتفتت ما تحكمش اللافورم...و خاصة وريدات العجينة التي اصنعها من نفس العجينة كي ازين بها الحلوى...كيفاش ندير باش تجيني...يابسة و حاكمة اللافورم...و صحيح انني يجب ان اتركالحلوى بعد التحضير حتى تجف تماما اي بعد اكثر من ساعتين ثم ادخلها الفرن....ارجو المساعدة و جزاك الله كل خير ان شاء الله...و لي ثقة كبيرة في نصائحك لانني اتبعتها و نجحت
... المشكلة: العجينة انتاعها الحقيقية هي 3 كيلات فرينة +1/2 كيلة زبدة مورقة قطع صغيرة+رشة ملح+ملون غذائي ابيض+ ماء+ ماء الزهر وخليها ترتاح
العقدة:3 كيلات لوز بالقشرةومطحون+كيلة و1/2 سكر قلاصي يمكن استغناء عن 1/2 اذا وجدتها حلوة بزاف+لفاني+ البيض ايكون مضرب ثم لميها وهذه الوصفة تصلح المشكلة +قرن الغزال+الفراشة+ اللوزية

شكرا جزيلا اختي...و لكن ما معنى الزبدة المورقة ...يعني ما اسمها

nokia111 · 2012-06-10, 22:42

السلام عليكم اختي يار ياسمين من فضلك اختي اريد كيفية مقروط الشهدة راني شفت صورتو وعجبني ربي يخليك اختي

english12 · 2012-06-11, 07:47

اختي يار يا سمين من فضلك اريد طريقة عمل بقلاوة لابات فيلو الجاهزة و ايضا البسكوي رولي الله يعيشك

yarasmin.26 · 2012-06-11, 10:17

[QUOTE=zomord;10370184][QUOTE=yarasmin.26;10360065]
شكرا جزيلا اختي...و لكن ما معنى الزبدة المورقة ...يعني ما اسمها
زبدة المورقة الي تستعمل في العجينة المورقة وتباع في سوبرماركة الي يصنعو بيها الكرواسون والغلاف انتاعها مصورة فيه حبة كرواسون

yarasmin.26 · 2012-06-11, 10:27

[QUOTE=sasafede;10365193][QUOTE=yarasmin.26;10362514]

اعطيهاني الي اجي منعندك كامل ايه

حلوة رجلين القطة

450غ فرينة+250 غ زبدة+125 غ سكر قلاصي+1 م ص خمارة الحلوى+لفاني+2 صفار بيض+معجون المشماش
قلاصاج الشكولاطة" ذوبي 200غ شكولاطة قلاصي الي تباع في العلبة+3 م ك حليب+1 م ص زبدة على حمام مائي
ضربي الزبدة +سكر حتى تولي كريمة+صفار+لفاني+وبقي تضربي بالباتوغ منبعد الفرينة+الخمارة ولميها بيدك وشكلي كريات صغيرة ومرسيها بالفرشيطة من جهة وضعيها في الفرن على درجة الحرارة180 مدة 20د منبعدلصقيهم بالمعجون ثم اغطسي1/2 بالشكولاطة الذائبة وشهية طيبة

yarasmin.26 · 2012-06-11, 10:31

[QUOTE=nokia111;10370939]السلام عليكم اختي يار ياسمين من فضلك اختي اريد كيفية مقروط الشهدة راني شفت صورتو وعجبني ربي يخليك اختي
[ انا معنديش الوصفة انتاعولانه منخدموش ولكن كاين عضوات راهم مقدمين الوصفة انتاعو شوفي في قسم الحلويات او قوقل كي تخرج الصورة اضغطي اعليها يخرج المربع ومن فوق تصيبي علمة+ اضغطي اعليها تخرجلك الوصفة

yarasmin.26 · 2012-06-11, 10:32

[QUOTE=english12;10372660]اختي يار يا سمين من فضلك اريد طريقة عمل بقلاوة لابات فيلو الجاهزة و ايضا البسكوي رولي الله كاين اخوات راهم مقدمين واش راكي تحوسي ابحثي اعليهالانه انا نخدم تاع الحلواني وتكلفك مجهود وتقنية

english12 · 2012-06-11, 12:52

اختي يارسمين اسمحيلي انا شريت لبات فيلو الجاهزة وبغيت نخدم بيها بقلاوة بصح ماعرفتش الطريقة حوست فالمنتديات و ملقيتش

yarasmin.26 · 2012-06-11, 13:23

اقتباس:

المشاركة الأصلية كتبت بواسطة english12

اختي يارسمين اسمحيلي انا شريت لبات فيلو الجاهزة وبغيت نخدم بيها بقلاوة بصح ماعرفتش الطريقة حوست فالمنتديات و ملقيتش

حليها عادي رقيقة وديريها طبقات عادية ودهني بين الطبقات بالسمن اذا كنت حابة اديري البقلاوة

sasafede · 2012-06-11, 13:25

صح ممكن طلب اخر ا منزيدش
اعطيني وصفة الميرانغ مع الاسرار الكل

sasafede · 2012-06-11, 13:26

https://imageshack.us/photo/my-images...000866pn3.jpg/