الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 58

omhadil · 2016-10-11, 08:40

صباحكم سعيد وصح صيامكم
انا تانى رانى صايمة مع راجلى
ربى يتقبل ان شاء الله

حياة نور الدين · 2016-10-11, 08:43

ام البنين صيامك في الجنة حنونة وربي يتقبل

امينة ربي يبارك فيك على الدعاء

ام هدول صباح النور وربي يتقبل من الصائمين وواش رايحة طيبي بصحتكم

فاتي يعطيك الصحة على القهوة بصحتهم الفاطرين ههههه

um alaa · 2016-10-11, 09:23

صباح الخيرات حبيباتي
بيبا شكرا على الفكرة
ام هدووول شكرا على كلامك العسل حبيبتي
ام نسرين بصحتك الشوفلوغ باين بنيبن
بيبا عمري ما كليت البركوكس بالحليب مي ديالك راهو باين بنين
بدلت التليفون راني نداوس مع مركز التحميل باش نكمل نحط واش درت للعرسان ههه راكي تسمعي روضة ههه

أ م ساجد وسيم · 2016-10-11, 10:10

صباح نووووور
الله يتقبل ص يامكم انا ماصمتش راني مريضة حالة بلاقريب والكحة خخخخ زعما درت دوا البارح كشما نبرا زدت كملت
بيبا عجبني البركوكس نقول لماما عليه هي تبغي صوالح لي يجو هكا ونتمنى تجربي المعقودة وتعجبك ويعطيك صحة كي جمعتي الوصفة بانت شابة هههههه
ام هدول ارواحي فطري عندي مرحبا بيك
ام الاء كيراكي ختي

أ م ساجد وسيم · 2016-10-11, 10:27

البنات تعيشو لي عندها وصفة البسبوسة بنواد كوكو بغيت نديرها راني نستنى فيكم ....

ام هدول · 2016-10-11, 10:42

بسبوسة بالنواد كوكو https://www.djelfa.info/vb/showthread.php?t=1197027

*توبــــة* · 2016-10-11, 10:48

صباحووووووووو غالياتي
دخوووووووول سريييييييع شفت سؤال ام وسيم.. ولي عودة ان شاء الله
هاي ليك الوصفة اللي عندي حبيبتي

وهذي وصفة ليدي ميليون

https://www.djelfa.info/vb/showthread...C7%E1%E5%E4%CF

ربي يشفيك حبيبتي

البحر الصافي · 2016-10-11, 10:50

اقتباس:

المشاركة الأصلية كتبت بواسطة صفحة بيضاء

اللهم صلي وسلم على سيدنا محمد

جازيا ام البنات · 2016-10-11, 10:51

اقتباس:

المشاركة الأصلية كتبت بواسطة أ م ساجد وسيم

البنات تعيشو لي عندها وصفة البسبوسة بنواد كوكو بغيت نديرها راني نستنى فيكم ....

صباح الانوار دخلت نصبح لقيت سؤالك تفضلي انا موالفة نعملها
1 كاس سكر
3 بيض
1كاس نوادكوكو
1كاس شابلور
1 خمارة حلوى
1/2 كاس زيت+قشور ليمون
السيرو او الشاربات نحتاج كاس سكر +2كيسان ماء+عصير الليمون
الطريقة
نخلط البيض+السكر ثم نضيف الزيت+قشور الليمون+نواد كوكو والشابلور والخمارة نفرع الخليط في مول مدهون والى الفرن لما تخرجيها سقيها بالشاربات تخلطي السكر مع الماء فوق النار خليه يغلي 5د من بعد نحيه وضيفي عصير ليمونة
بالصحة والراحه

البحر الصافي · 2016-10-11, 10:53

صباحكم سعيد وربي يتقبل صيام الصائمين ولي مقدرتش
معليهش لايكلف الله نفسا الا وسعها
غدا الاولاد شربة فريك باه تبقالي منها للفطور ونشوف واش نزيد
حسب الطلب وعلى الاغلب كسكس بمرق احمر

أ م ساجد وسيم · 2016-10-11, 10:58

[b] صحيتو لبنات ام هدول توبة وجازيا ربي يفرحكم [ ويعطيكم ماتتمناو وتوبة الله يسمع منك ..../b]

أم هبوبة · 2016-10-11, 11:00

صباح الانوار
واش الاحوال ان شاء الله تكونوا كامل بخير
الف شكر و تحية لكل وحدة رحبت بيا و سقسات عليا
ما شاء الله عليكم راكم قايمين بالكوزينة ربي يبارك ليكم
شي بيبا و الله غير سمحليلي سؤالك على سمية باش نرد عليك نسيت الزهايمر راه حكمني و الله ما راني نعقل شتى قريت و لا شتى شفت واش نقلك زادت اعاقتها أكثر و أكثر في هدا الوقت خلاص ما راهيش كامل تجمع لانها تعوجت من الظهر تقريبا جسمها دار كامل راه غير راقدة و لله الحمد .
الزهر ما عنديش شريت طابلات جديدة باش نشارك معاكم لكن كي ندخل المنتدى بها كامل الرموز ما يبانوش مجرد علامات استفهام ما قدرتش كيفاش نبعت الصور بها
صح غداكم و الصايمات اللله يتقبل منكم

انا هي رزيقة · 2016-10-11, 12:14

السلام عليكم نهاركم خير يا وجوه الخير يا لهوي غبت يوم لقيتكم جريتو جريتو حتى قريب ملحقتكمش ..... بالشوية يا لبنات و الله الواحد ولى يتوه كي يدخل لهذ الركن الجميل لي كلو اطايب و حليوات ربي يباركلكم في الرزق و النعم يا رب و تقبل الله صيام الصائمات منكن و صح فطور الفاطرين و الفاطرات.
اختي ام هبوبة نهارك سعيد اختي و كان الله في عونك مع بنتك و الله مكنتش عارفة حبيبتي ربي يجازيك خير الدارين على رعايتها ويا عمري متقوليش معندكش الزهر على جال الطابلات اكيد فيها عطل تقني فقط اظن بلاك خصها الفلاشاج ديها عند لي يصلحو لي ديمو و الهواتف النقالة الحل عندهم ان شاء الله
ام ساجد وسيم عيني عليك باردة اليوم ايه دع يا فحلتي الجميلة راكي عمرتي الكوزنية وصفات و اطايب مشاء الله عليك فعلا المعقودة تبان تحففففة ترقبي تطبيقي في القريب العاجل جدا جدا راهي شهاتني تع الصح ..... خخخخخخ
بيبا الحبيبة حمدا لله على سلامتك شفت البركوكس بالحليب يا مامي بصحتكم اول مرة نتشرف بمعرفته بصح عجبني و الله دون مجاملة يشهي انا اصلا نمووت على هذ النوع من المؤكولات كامل ربي يحفظلك دوك اليدين حبيبتي
ام هدول مشاء الله على حبيبتي راكي تنافسي في البابيشات و تديري جرانن..... خخخخخ يسلملي الحلو المعسل و الله راكي جبتيه كيما يحب الخاطر
و شفت تطبيقات المسمن تع ام البنين و اختها الفحلة ام هاجرر و فاتي الشاوية و الله تحفف مطبخية دون مجاملة بصحتكم
حقا فاتي الشاوية يسلمو اليدين لي دارو هذيك الشخشوخة تع الفريك على ما اظن ياي ثم ياي و نزيدلها ياي و الله تشهي تشهي تشهي ربي يباركلكم في نعمو اختي
هذا مشفيت لاني شفت خير بزاف بزاف الله ابارك .ايه خلاص بقات ثاني فيا سنية العرسان تع ام الاء ايد ده يا ام الاء حرام عليك غيرتينا غيرتينا حتى تمنينا كامل نجو عندك و تقلشينا كيفهم و الله يا مسعدهم بيك حبيبتي ..... باينة بنت جود و كرم تع الصح

فاتي 05 · 2016-10-11, 12:33

السلام عليكم و صح غدا الجميع بدون استثناء و صيام مقبول للصائمين امثالي ، لغدا اليوم جوز لوبيا بيضا و خبز و سلطة و الحمدلله.

Zika مشكوووووورة على كل كلمة حبيبتي و الله انت ااطباقك ما يتحدثوش فيها اثنين من روعتها و اكيد من لذتها بصحتكم .
بيبا البركوكس تاع البارح علامة و كلامك حلو كيما لعسسسسسسسسل شكرا.
و الطريقة تاعو كيما احنا 100ظھيعطيك الصحة فكرتينا فيه.
حيوتة و ام هديل و صفحة بيضا ربي يتقبل صيامنا و صيامكم يارب .
ام هدول بصحتك لغدا مطرح مايسر يمري يارب.
ام الاء هذيك الصينية هبلت الغاشي كامل ربي يعطيك العافية.
ام ساجد وسيم ربي يشفيك حبيبتي ، يعطيك الصحة على وصفة المعقودة.
ام هبوبة ربي يشفيلك سمية يا رب .
نهاركم سعيد انشاء الله

انا هي رزيقة · 2016-10-11, 12:34

اختي بيبا اليوم التطبيق لي حطيتيه جاني عالكيف و راح نحطلك اسرع تطبيق شفتيه على الاطلاق يعني بلاك كي كنتي تخممي فيه البارح انا طيبتو في هذيك اللحظة بالذات ....... خخخخخ التقديم مشي على الكيف لاني انا مكبتيتش مليح في واش كنتي تخممي في هذيك اللحظة عرفت برك بلي بورك و خلاص ....خخخخ اذا هاهو تطبيقي للبوراك مع سوب عدس كليناهم البارح و الحمد لله تحضيرا لصيام اليوم حنا هكذا في الدار غير نشمو ريحة رمضان تستبقو الحدث و نجيبو االبوراك و السوب ...... خخخخ تقبل الله منا و منكم ان شاء الله . ايه متنخلعوش من الكمية تعشينا و تصحرنا بوراك ... يا لهوي الراجل غير يشوفني ندير فيه يظل يوصي كثري و كثري ...... خخخخخ هذي تاعي نحبها كولونت اممممم