دورة الاستعداد لفصل الشّتاء بيتي مشرق كفصل الرّبيع

[ام متين]

السلام عليكم وصباح طيب مبارك هل من مرحبة

[أم تغاريد]

المشاركة الأصلية كتبت بواسطة أم نُسيبة العامرية

نساعدكم لكن بشرط تدعولي كامل بالذرية الصالحة
أولا قماش الكوزينة عندو ميزات يتميز بها
خاصة اذا كنَّا نحوسو في الخزانة على قطع قديمة
لازم يكون رقيق شوي ماشي خشين و نسيجو يكون مفتوح شويا قريب الى الشفاف قليلا

واذا لقيتي قطعة سانبل يعني لون واحد عليك غير تدبري كاش قطعة فيها فاكهة أو ورود و تقطعيهم و تلسقيهوملها

أو تصنعي ورود بالساتان أو بالخيط و تزينينه

اما اذا روحتي تشري فهناك من الخيارات التي تبكي العين و الجيب

اذا حبيتي ريدو مليح متوسط على الأقل 2 مترات أو أكثر

كل وحدا تعطينا اقتراح نتاع قماشها و راح بإذن الله نحاول نتعاونو ونخرجو موديلات جميلة

أم تغاريد نكملو في الريدوات هنا و لا تفتحيلنا موضوع مستقل

السّلام عليكم ورحمة الله وبركاته
يعطيك الصحة غاليتي أم نسيبة ربي يفرحك بالذرية الصالحة
ان تبانلي تفتحي موضوع جديد ونحط الرابط ديالو هنا باش يدخلو ليه الفراشات
ربي يفتح عليك

المشاركة الأصلية كتبت بواسطة الزوجة البارة

سلام الحراير
انا عييت ندير القلب قد منضف صح كيما قالت الخت ام تغاريد من برا الله الله بصح من داخل عارفة كاين فوضى
انا مشكلتي اني كراية مش داري يعني و زيد تحت البوطاجي مش مدايرين تاجار يعني نحط الحوايج فوق بعضاهم حتى نحب نهبل ملقيتش حل خاصة باطات حفظ المواد خفاف و الخف يتفرزعو
و زيد راني نخدم حبيت ندير برنامج للتنظيفات الايامات الي فاتو كنت تعبانة في الحمل تاعي قريب لرميت يعني تخيلو تقريبا 15 يوم و زوجي هو الي مستكلف و تعرفو خدمة الزوج نضت من نهارين من برا رجعتها تبرق لكن من داخل مزال
انا تاني عجبتني الحصالة تاع الكوزينة راح نديرها بربي و نشري قماش ستار بربي

وعليكم السلام ورحمة الله وبركاته
مرحبا بك بيننا اختي
الحمد لله على سلامتك وسلامة جنينك
انا نقولك ماتعبيش روحك وادا قدرتي تجيبي واحدة تعاونك باش تفرزي دارك بالعقل
روحي بالعقل برك
فكرة تخصيص سلات لترتيب العلب تحت البوتاجي راح تخلي الدنيا منظمة
بالنسبة للباطات ركزي عليهم خمليهم مليح بعد ذلك كل ما تستعملي حاجة رجعيها لمكانها ادا كانت الباطة تحتاج تنظيف اغسليها ونشفيها وخبيها هكدا مايعاودش يتخربو
ربي يعينك حاولي اديري نظام لي يناسبك ظروفك رايحة تشوفي نتيجة ايجابية ان شاء الله

المشاركة الأصلية كتبت بواسطة ام متين

السلام عليكم وصباح طيب مبارك هل من مرحبة

وعليكم السلام ورحمة الله وبركاته

نورتنا غاليتي ننتظر نشاااااطك
ادا احتجت اي توجيه اخواتك الفراشات جميعا في خدمتك

[أم تغاريد]

باقي الفراشات راااااني متبعتكم كملو بنشاطم اشحنو بطاريات الحيوية ماكاش كيما النظافة والترتيب
----
أم صابرين فرحتيني بزاف بيومك المميز خليتينا نعيشو معاك يوم مليء بالحيوية
كل شي منظم اللهم بارك
ان شاء الله تكوني درت القلب لباقي الفراشات باش يشاركونا
ربي يحفظك من كل سوء ويبارك لك في حياتك ووبيتك واولادك
دمتِ معطاءة

[طالبة الجامعة]

حبيت استشريكم بما انني طالبة جامعية تعلمت منكم بزاااااااااااااااااااااااف امور وقدرت نطبقها مازال جزء بسيط فقط عندي حصالة كل يوم نحط فيها مبلغ معين فياترى لما افتحها واش نقدر بالدراهم اللي لميتهم

[أم تغاريد]

أهلا بك أختي طالبة الجامعة يسعدنا تواجدك بيننا

أولا خصصي منها مبلغا للصّدقة

ثانيا : بما أنك في مقتبل العمر ادّخري مبلغا لشراء بعض لوازم العروس " بيجاما ، جوارب، أكسسوارات...."

ثالثا : استقطعي منها مبلغا للادّخار قد تحتاجينه في بعض الطّوارئ

[طالبة الجامعة]

مارايكن ان نضع حصالات في المنزل ليس شرطا للاطفال لتكون وسيلة مساعدة للاستفادة منها وما جمعناه فيها في بيوتنا كل واحدة حسب ظروفها
فانا مثلا منذ ان دخلت الجامعة تولدت لدي فكرة الادخار فمنها تعلمت الكثيييييييييييييييير من الامور كان اصرف ما احتاج اليه وكل ماتبقى واشتري به ما احتاجه كتب في شتى المجالات خاصة التنمية البشرية التي فطنتني لعديد الامور التي احتاجها

[طالبة الجامعة]

المشاركة الأصلية كتبت بواسطة أم تغاريد

أهلا بك أختي طالبة الجامعة يسعدنا تواجدك بيننا

أولا خصصي منها مبلغا للصّدقة

ثانيا : بما أنك في مقتبل العمر ادّخري مبلغا لشراء بعض لوازم العروس " بيجاما ، جوارب، أكسسوارات...."

ثالثا : استقطعي منها مبلغا للادّخار قد تحتاجينه في بعض الطّوارئ

ان شاء الله شكرا

[وفاء الياسمين]

سأحاول بإذن الله
وفقكن الله غالياتي
أم تغاريد بالتوفيق

[طالبة الجامعة]

انا نخليكم نروح نصلي ولي رجعة ان شاء الله

[ام متين]

اثلجت صدري بردك الجميل اختي ام تغاريد وساكون معكن انشاء الله في هذه اللمة المباركة ادام الله الصحة والعافية والهداية للجميع

[أم تغاريد]

فراشاتي نعطيكم حاجة استفدتها نقصي قاع واش تقدري من الشغل في الليل
لانو كاين طوارئ
مثلا انا البارح اليوم كلو وانا نجبد حطيت جهة من المطبخ داتلي وقت كبير وزدت درت محاجب ومسمن
ومارقدتش بكري حتى قريب الواحدة اليوم نضت صليت درت فطور الصباح تكيت شوية داتني عيني مانضتش حتى للعاشرة والنصف ومع القهوة قولي حتى 11 ونص باش بديت نخدم في شغلي " طبعا هذه حادثة والا برنامجي النهوض بااااااكرا"

المهم سلافاتي زوج جاو لي على الظهر تصورو اني ماكنتش خدمت شغلي في الليل رايحة تكون الدنيا تبهدل ونحس روحي مرتبكة

بنت سلفتي كانت تحبي في الارض ويماها تشوف وانا نقول
الحمـــــــــــــــــــد لله الحمد لله اني سيقت في الليل!

أنا من النوع لي معنوياتو تحبط في الارض كون يجي ليا كاش واحد ويشوف كاش حاجة ماشي في مكانها
ونقعد شحال وانا نلوم في روحي
لذا انا بحاجة الى هذه الدورة كثيرااااا

[oum sabrin]

السلام عليكم حبيباتي الفراشات

المشاركة الأصلية كتبت بواسطة zara08

زدتي فيا الحماس بارك الله فيك و اخليلك اولادك

ربي يحفظك حبيبتي زارا

المشاركة الأصلية كتبت بواسطة ام متين

السلام عليكم وصباح طيب مبارك هل من مرحبة

اهلا بك اختي ام متين في بستان الفراشات

المشاركة الأصلية كتبت بواسطة طالبة الجامعة

مارايكن ان نضع حصالات في المنزل ليس شرطا للاطفال لتكون وسيلة مساعدة للاستفادة منها وما جمعناه فيها في بيوتنا كل واحدة حسب ظروفها
فانا مثلا منذ ان دخلت الجامعة تولدت لدي فكرة الادخار فمنها تعلمت الكثيييييييييييييييير من الامور كان اصرف ما احتاج اليه وكل ماتبقى واشتري به ما احتاجه كتب في شتى المجالات خاصة التنمية البشرية التي فطنتني لعديد الامور التي احتاجها

شكرا لك اختي طالبة الجامعة على الفكرة فبالشيء القليل نفعل المعجزات

[oum sabrin]

المشاركة الأصلية كتبت بواسطة أم تغاريد

باقي الفراشات راااااني متبعتكم كملو بنشاطم اشحنو بطاريات الحيوية ماكاش كيما النظافة والترتيب
----
أم صابرين فرحتيني بزاف بيومك المميز خليتينا نعيشو معاك يوم مليء بالحيوية
كل شي منظم اللهم بارك
ان شاء الله تكوني درت القلب لباقي الفراشات باش يشاركونا
ربي يحفظك من كل سوء ويبارك لك في حياتك ووبيتك واولادك
دمتِ معطاءة

ربي يفرحك حبيبتي ام تغاريد
انا ايضا اتمنى ان يساهم تقريري في بعث الهمة و النشاط في حياة الفراشات و كل واحدة تحكيلنا كيف قضت يوم من ايامها فكلما كانت البساطة و التلقائية كلما استمتعنا استقفدنا معها
اتمى ان يكون تجاوب من حبيباتنا الفراشات
الى الأمام سر
بالمناسبة حبيبتي ام تغاريد راني كملت المطبخ و لي عودة ان شاء الله بالتقرير
ما هي المحطة القادمة ان شاء الله

[om wassim]

مساء الخير
ماشاء الله عليكم مزيد من النشاط و الحيوية ربي يباركلكم في صحتك
انا للأسف هد الأيام نفسيتي تعبانة عندي مشاكل لذا مارانيش نقدر نكتب
المطبخ كملتو و
بعض التطبيقات مازالني محافظة عليها لكن المورال رآه كارثة
دعواتكن

[zara08]

السلام عليكم
فكرة مليحة يا أختي أم تغاريد بارك الله فيك
أنا اليوم انهيت المطبخ بنسبة 90%الحمد لله بقالي غير فايونص، مسحت تحت البوطاجي فرزت الأواني الي نحتاجها خليتها قريبة ليا و الثلاجة اليوم رديتها تشعل
التطبيقات راني مواظبة عليها وسلام