الجزء 78 من واش طيبتي اليوم سموا بسم الله - الصفحة 58

omomnia15 · 2014-06-16, 18:03

سلام حبوبات وشراكم وصح قهوتكم
اولاديبصحتكم الكباب وشكرا على الوصفة عندنا الكباب هو الجاج بالصوص بيضا والبطاطا مقلية
فايزة الطبق
موناليز لتارت تهبللينا النقاش روعة كامل كيف كيف تقول بكاش طابع
ام التوام البوتيفور يشهو
زهرة الاطباقوالتحليات كلشي روعة
دائمة الحمد بصحتك الميناج واللحم بالبطاطا وبصحتهم الاصدقاء
حنان القاطو الله يبارك وبصحتها العروسة والعقوبة للي مزالو
ام رفيدة بصحتكم التمر والفريك والمشتريات
لــــــــــــــــــــــــــــــــــــــيــــــــــ ـــــــــــــــــــــــــزا الحبوبة طولت الغيبة نشالله الختانة تكون جازت مليحة

دائمة الحمد · 2014-06-16, 18:03

صيامك في ا لجنة عزيزتي والشوفلور ولي تارتولات يشهو تسلم الايادي وربي يشفيك حنونة ويسعدك مع عائلتك
اتفكري بنيتك اسينات بدعيوة خير

دائمة الحمد · 2014-06-16, 18:05

اهلين ام امنية واش راكي عزيزتي ساعدي روحك مازالت اشهر الحمل طويلة وسلام حار لالمازة

R I A D · 2014-06-16, 18:08

باذن الله حبيبة
ربي يسلكها بخير و على خير
و يفرحك بولي العهد و تهزيه في يديك و تصوريهولنا نبوسوه با: الويفي

اللهمّ انّا نسالك العفو و العافية

awladi · 2014-06-16, 18:11

رياض صيامك في الجنة بصحتكم الشفلور ولتارتولات راهم يشهو
دائمة الحمد بصحتهم لقاطو الضياف و ربي يعونك مع الميناج
ام امنية مساء الخيرات وخلي لبنات اطيبو العشاء والمازة عندها مدة مابنتش سلمي عليها
بصحتكم واش راح اطيبو
راه جاء ع نروح نحطلو القهوة
سلام من بعد ندخل

nihale89 · 2014-06-16, 18:11

مساااااا الانوااار حبيباتي
جاوني ضياف الغفلة للغدا
درت شخشوخة الظفر بالدجاج محمر وسلاطة وحميص
وديسار دلاع وموز وعصير
ودرت مع القهوة كيكة 14 جات هايلة هشوشة
الحمد لله جا كلش هايل

عطرالذهب · 2014-06-16, 18:12

سلام حبيباتي وصح قهوتكم
غير لعشية هاذي وين قعدت وحدي نظمت شوي البيت وقلت نطل عليكم واش راكم دايرين كانش جديد؟
حبيت نحط صور نجاح بنتي بالصح رياحين قالتلي خليهم للكوزينة الجديدة امالا كثرو الطيابات والتصاور باش نكملو الكوزينة هاذى ونحلو الجديدة

عازفة الناي · 2014-06-16, 18:19

الله يبارك وش نحكي واش نقول
منين نبدى واين انتهي
زهرة الاطباق يا سلام
ام رفيدا ماشاء الله
رياض صحى فطورك وربي يتقبل منك
ام التوام خموس عليك
وش حضرتو للعشاء؟؟؟؟؟؟؟
هههههههههههههههه

R I A D · 2014-06-16, 18:20

اولادي الله يسلمك حنونة

نهال بصحتكم الشخشوخة و الحميس

عطر بصحتك القعدة وحدك في دارك و الصور حطي لناوحدة و لا زوج

عازفة الناي الله يسلمك حنونة و يعيشك

استغفر الله العظيم و اتوب اليه

إكليل · 2014-06-16, 18:24

أمممممممممممممممم روعة سلمت يداك

R I A D · 2014-06-16, 18:28

روضة ديري حميس
و لا سلاطة مشكلة ...راهي تشبع

مرام 1987 · 2014-06-16, 18:29

أهلا عطورة ومبروك على بنيتك عقبال ما تشوفيها في مراتب عالللللية إن شاء الله
أهلا أم رياض واش راكي وصيامك في الجنة تفكرينا بدعوة في ظهر الغيب وصراحة سخفتيني بالشفلور هههههه ما نعرف واش ناضلي عليه هو والفلفل حلو والمنجتو
Awladi أنا كيف راني معاك في اقتراحك تاع فايزة تحط وصفاتها المشهية هكذا بالاك أنا نوض على رجليا للكوزينة ويسخن الدم تاعي باه نوض نطيب
دائمة الحمد بصحتك القهوة وما عليش قومي بصحاب راجلك راهم ضياااااف ويروحو
كيما يقولو الضيف ضيف ولو يقعد الشتا والصيف هههههههه
نهال بحتك الشخشوخة لاه انت من قسنطينة بويسك تاع الظفر يديروها غير تاع قسنطينة
أم أمنية على سلامتك وان شاء الله راكي مليحة اليوم وسايسي روحك يا الحنينة حتى تفوتي فترة الحمل
أستغفر الله أستغفر الله أستغفر الله

عطرالذهب · 2014-06-16, 18:29

راني نراجع بالصفحة
ام التوام بصحتك البوتيفور يشهي حطيلنا الوصفة
ام رفيدة بصحتك واش شريتي
زهرة طياباتك كاامل يشهو ماخليتي فينا والو يعطيك الصحة
ماكولات فايزة دائما في القمة يعطيك الصحة
دائمة الحمد بصحتك الميناج واذا على الكروكي على بالنا بيك فحلة وذخارة هاذاك واش يحبو عجايزنا هههههههه

أم التوأم · 2014-06-16, 18:31

اقتباس:

المشاركة الأصلية كتبت بواسطة دائمة الحمد

ام التوام حطي الوصفة عزيزتي راهو باين يهبل

شكرا أخواتي عويناتكم الشابين هذه الوصفة تطبيقي لأختي أم أماني البوتي فور جاني هايل كيما يقولو حوحو يشكر روحو
درتلو اضافة شوية عطر الفاني اممممممممم عطالو مذاق هايل وحمرتو شوية غير طبقوه والله هايل ربي يجازيها كل خير أم أماني
وهذا هو الرابط https://www.djelfa.info/vb/showthread.php?t=1551411
أختي ماري كيما قاتلك أختي أولادي ربي يخليها ويخليك يا العزيزة هذيك حبة بيض درتها فوق البربوشة ماشي بصلة

مرام 1987 · 2014-06-16, 18:31

عشانا ......... مودددددر ههههههه ما زال ما بان عليه حتى خبر