الجزء 67 من واش طيبتي اليوم مرحبا - الصفحة 58

x ام رحاب x · 2014-04-08, 10:22

بصحتك التحويسة رياحين
نخلة بصحتك كلش فوووووووووووووووور

نخله. · 2014-04-08, 10:24

جربيها بنينه وخير من البوراك السبع لبارح كان متغدي المشوي قلت ما تجيهش بنينه قالي رووووووووووووعه مع انو يشكر مررررررررررره فالعام

رياحين الجزائر · 2014-04-08, 10:25

علاه عندو طريقة نرحيو بيه ههههه ماعنديش رحاية نقدر اندقو بالمهراس ههههه نصدع شيخي ههههه

رياحين الجزائر · 2014-04-08, 10:28

الحمد لله كي يشكر مرة في العام اتااعي قدامي مايقولهاش كي نموت بصح نفهمو من الماكلة عندك انهار كي خرجتا قاعد ياكل واقولهم والله واحد لخردة اتهل هيا لا تطفر فيكم هههههه

نخله. · 2014-04-08, 10:29

صباح النوووووووووووووووور

ام رحاب لحقتني رسالتك وفرحتني بصح مانقدرش نرجع راني قريب نلحق 1000 مشاركة ونهبلكم بالرسايل ههههههههه

انا غدايا طعام جاني من عند اختي علابيها راني قاعده نقصر هههههههه

انا غدايا طعام

نخله. · 2014-04-08, 10:34

رياحين رحيتو بماشينه التوابل وغربلتو كنت نحسب ما ترحيهش حتى شرحتلنا ليدي ميليون

nihale89 · 2014-04-08, 10:51

ام ياسو تفضلي نيقرو جربيه والله ماتندمي روة مايتشبعش

وصفة لي ام مجمد تاج

النيقروووووووووو
250غ مارغارين - 5 مغارف كاكاو- 2 كيسان سكر عادي- 2 كيسان فرينة - 2 خميرة وكاس ماء و6 بيضات
حبيباتي في كاسرونة حطي الزبدة والسكر والكاكاو وكاس الماء وحطيهم فوق النار حتان يغليو كي يغلي نحي قيس كاس وحطيه على جنب ولي بقى في الكاسرونة نحيها من على النارو ضيفي صفار البيض وخبطي بالباتور باش مايطيبش البيض والفرينة ولخميرة
ومن جهة طلعي بياضالبيض مثل الثلج وضيفي برفق في خليط الفرينة وحطيه يطيب في مول مدهون بالزبدة والفرينة وكي يطيب قصيه في البلاطو مربعات واسقيه بالخليط التالي
شفتي هذاك الكاس لي نحيتيه رديه نلى النار وزيديلو باطة شيكولا واسقي بيه النيقرو تاعك وشهي طيبة حبيباتي وراهي وصفة تهبل تهبل تهبل

omhadil · 2014-04-08, 10:59

صباح الخير عليكم
انا غدايا بركوكس بالخضرة ودجاج محمر بقالى من البارح

أم ياسين الزهراء · 2014-04-08, 10:59

ساني سنة حلوة وربي يخليكم لبعضاكم يافحلى

نهال الله يحفظك ويخليك تعيشي حنونة وراح نوصيك حنونة صورك كبار ومايحبوش يخرجو ثم ثم تعيشي صغريهم باش نشبع تفارج

رياحين انا نشري الفرينة تاع 25 كيلغ خير وزيد العايلة كبيرة ونخدم بيها كلشيجي هايل ياخي تاع الباتيسيري يديرو بيه

الامنيات راح نستنى التطبيق نشوفو يعطيك الصحة الله يبارك فيك سيدة التطبيقات ربي يعينك

حقى بدلت الغداء رجعتو روز في الفور ههههههههههههههههه هكى يفرحو ولادي يكرهو البروكلو والحلو مازال مادرتش دوق نشوف واش ندير

awladi · 2014-04-08, 11:05

صباح الخير عليكم و صحة فطوركم كامل يعطيكم ابصحة واش حطيتو راكم ماخليتو لا حلو لا مالح لا قاطوات ههههههههه ربي يدومها نعمة على الجميع طيابتي تكاسلت نحطهم و المنتدى ماحبش ادخلني
سلاد دوفروي لام اسلام اية ان شاء اللله تكون بخير هايلة
جاري ابيض لليدي ذوقو هايل شكرا ليدي
لسوفلي لنينا انا درته على شكل كيش العجينة هايلة
المرقاز المخادع الله اهنيك ياالهام هكطا نولو ناكلو حاجة تاع الدار و نقية
درت به خبيزات المرقاز لدائمة الحمد و صفة رائعة الفكرة تاع المرقاز المخادع في خبز دائمة الحمد سرقتها من المازة على ماضن ههههه
طاجين السلق و البطاطا لام الاء الصغيرة الصراحة مازال ماذوقتوش و لاكن عجبو الزوج

omhadil · 2014-04-08, 11:09

اقتباس:

المشاركة الأصلية كتبت بواسطة awladi

صباح الخير عليكم و صحة فطوركم كامل يعطيكم ابصحة واش حطيتو راكم ماخليتو لا حلو لا مالح لا قاطوات ههههههههه ربي يدومها نعمة على الجميع طيابتي تكاسلت نحطهم و المنتدى ماحبش ادخلني
سلاد دوفروي لام اسلام اية ان شاء اللله تكون بخير هايلة
جاري ابيض لليدي ذوقو هايل شكرا ليدي
لسوفلي لنينا انا درته على شكل كيش العجينة هايلة
المرقاز المخادع الله اهنيك ياالهام هكطا نولو ناكلو حاجة تاع الدار و نقية
درت به خبيزات المرقاز لدائمة الحمد و صفة رائعة الفكرة تاع المرقاز المخادع في خبز دائمة الحمد سرقتها من المازة على ماضن ههههه
طاجين السلق و البطاطا لام الاء الصغيرة الصراحة مازال ماذوقتوش و لاكن عجبو الزوج

يعطيك الصحة اولادى اصباق ممتازة
وكلشى راه يشهى بصحتكم

شاوية حرة 05 · 2014-04-08, 11:11

صباح الخيراااااااااااااااااااااااات وبصحتكم واش طيبتو غدانا عدس ومطلوع

omhadil · 2014-04-08, 11:12

نهال صباح الخير
ام ياسين بصحتك الروز

الأمنيات · 2014-04-08, 11:12

هاهو عشايا تاع البارح ولا فطوري ههههه كنت صايمه
ام ياسين خبزاتك هايلين خسارة جاوني قلال ما شبعتش منهم ههههههههه

omhadil · 2014-04-08, 11:13

اختى الشاوية مرحبا بيك معانا وبصحتك العدس والمطلوع
بصح بلاكى تفيق بيك الهام ههههه