واش طيبتي اليوم ؟"الجزء 11" - الصفحة 58

إلهام07 · 2013-06-09, 12:15

أم إياد ديري راس كامل نتاع ثوم ماشي فص
قوليلي مالفة تخدمي الهريسة في الدار؟ لاخاطر راهي جي مداوية وكثيرة التوابل ريحتها هايلة
هريسة بروقة مختلفة لاخاطر اقتصادية وسهلة وسريعة الأخرى فيها تعبة شوية

SAMAH SAMAH · 2013-06-09, 12:16

السلام عليكم الهام ممكن رابط هريسة بروقة الى حكيتي عليها
بارك الله فيك

إلهام07 · 2013-06-09, 12:20

اقتباس:

المشاركة الأصلية كتبت بواسطة SAMAH SAMAH

السلام عليكم الهام ممكن رابط هريسة بروقة الى حكيتي عليها
بارك الله فيك

هاهي :
هريسة بروقة
الهريسة خدمتها تجي روعة مع المشاوي
حبة بصلة وراس ثوم وفلفل اخضر حار وحبتين طماطم وماء وملح في الميكسور
تترحى مليح حطيها فوق النار زيديها وحدة جومبو اختياري وكمون وكروية وزيت وفلفل احمر حار مرحي بودر ومغرف طماطم علب
تعقد مليح تنشف على الزيت وحطيها في بلارة والى الثلاجة
https://www.djelfa.info/vb/showthread...296728&page=12

بروقة أنا قاعدة نديرلك في الإعلانات وانت قاعدة تتفرجي كون غير درتيها موضوع وهنيتينا

SAMAH SAMAH · 2013-06-09, 12:26

عندك الحق غير لوكان موضوع
يعطيك الصحة اختي

فايزة44 · 2013-06-09, 12:29

السلام عليكم انشاء الله كامل بخير :

تغدينا برقروعصير والحمد لله على النعم

ساندي 28 · 2013-06-09, 12:38

اقتباس:

المشاركة الأصلية كتبت بواسطة إلهام07

هذا طيابي نتاع 3 أيام اللي فاتو كانو عندنا ضياف ماجاو يروحو حتى وليت ميتة من التعب :
هذي كيكة 14 ملعقة قلبتها تارت ، شوفي ام نجم ماشي غير أنت اللي تعرفي ديريها 2 طبقات وتتفنني فيها

:

جاو الضياف نتاع الغفلة هذو ماحبوش يحشمو كل ماندير تارت تقول يصوني عندهم جهاز إنذار يجيو ياكلوها نشةفها غير بالعين

:

سلطة صورتها بسرعة :

أرز بالدجاج داراتو ماما جا بنين يهببل

:

كي خلاصت التارت مالقيت واش نفطرهم البارح نظت على 5.00 نتاع الصباح تفكرت سفنج روزا قلت هذاك مايسلكها درتو وحطيتو ورحت نخدم ، شبعو بيه وحدهم وأنا رحت نخدم بلافطور

:

ودرت بيتزا كيما المرة اللي فاتت بالجبن الطري و المرقاز و camembert و الشيدار جات تهببببل

ماتو عليها الضياف :

وخلاصتلي هريسة بروقة ربي يرزقها الذرية الصالحة ماقدرتش نبقى بلا بيها 24ساعة ، عاودت درتها البارح راهي زاكية والريحة والبنة تحفة :

البارح لعشية رحت للخضار قتلو نسحق جريوات تكون كبييييييرة شوفي اميرة

:

درت دولمة جريوات نتاع ام ماجد بصح الحق ام ماجد نقولك الصح مانقدرش نرولي بالحبة بخرجلي الشيب في راسي

درت طبقة جريوات وطبقة مرقاز وطبقة جريوات وبيشاميل وجبن وشيدار وإلى الفرن كي كانت الطيب وحد الريحة تهببببببببل

:

قدمتو مع هريسة بروقة وليت مانستغناش عليها خلاص :

عجبهم بزاف قالولي المرة الجاية كثري ماشبعناهاش لحسو الصحون مابقى والو منها

أم ماجد هذي ثاني معجزة

دارت مرة أختي ( زعمة جاتها الفحالة ) حبت تعاند عليا شرات كتاب طبخ وجربت قراتان الجريوات اللي يذوقها يبصقها
كي جربت الوصفة نتاعك حكمتني الخلعة والحمد لله تمت المهمة بنجاح ربي يعيشك حبيبتي وربي يجازيك ممممواح

ديما ننسى نعرضكم كي نحط طيابي من دوخة تحميل الصور ، هاكو قدمو حبيباتي أم ماجد مانعرضكش انت مولات الدار ، أميرة قدمي يا مصيبة مالفة ماتخلي والو ، ام اجياد كيما تفكرتيني نتفكرك ، ام إياد قدمي كولي باش ترتاحي
الباقيين ماكانش راهم لاهيين مع غداهم

والله هايله التارت متبانش بلي نفسها سيرتو الاصفر

دار حاله عليها علابالي بيك تتفني بصح قوليلي برك انا شجعتك

باش تديريها لا

خخخخخخخخخخخخخخ

اكلات الباقيه كلها رائعه راكي مقلشه ضيافك مزالو يهجمو عليكم

كيما الجراد ههههههههه
كنت سالتيني على البيبي راه بخير شكرا حنونه موووووووووووووواح يا جميلة الجميلات

غدايا اليوم خفيف درت فريت وشرائح اسكالوب والكسرة والديسار برقوق دلاع اممممممممممممم
والللللللللللللللللللللللللللللللللبن صنع منززززززززززززززززززززليييييييييييييييييي

ساندي 28 · 2013-06-09, 12:40

بنات شكون الي تفيدني بوصفه تصبير المشمش باش نديرو في الحلو لشهر رمضان ان شاء الله
او وصفات اخرى بالمشمش تكون مجربه شكرا حبيباتي

إلهام07 · 2013-06-09, 12:50

أم نجم ربي يعيشك حبيبتي
ماما راهي بنت نقاوس يعني بنت المشماش ، شوفي عندنا قداه ماصبرناهش حنا في دارنا الفاكهة الوحيدة اللي ماتتشراش هي المشمش مانحبوهش لاخاطر جدي + جدي من نقاوس كل صيف يجيونا صنادق نتاع المشمش حتى كرهناه
ماما ديرو معجون بانواعه و عصير و ديرو ثاني مصبر
المصبر طيب سيرو (سكر وماء كيلة بكيلة ) ومن بعد تحط في المشمش وتخليه يترقد شوية ومن بعد تفرغو في علب صغيرة وتخبيه في المجمد وكي تحب في رمضان دير سلطة فواكه تخلطو مع الفواكه بصح حنا نعاودو نفرزوه ونرميوه ماناكلوهش ولات ماديروش :d

إلهام07 · 2013-06-09, 12:51

إيه نسيت نقلك المشماش كي تصبريه وتخبيه في المجمد كي تنحيه مايجيش كيما نتاع العلب لاخاطر كان مجمد يولي يطلق روحو مايجيش مليح من الأحسن تحتفظي بيه في الثلاجة بصح لمدة ماشي طويلة.

staifia · 2013-06-09, 12:58

اقتباس:

المشاركة الأصلية كتبت بواسطة إلهام07

staifia فات 6 جوان طفرت فيك خخخخخخخخخخخخخخ

sidali سنة حلوة يا جميل ........سنة حلوة سنة حلوة يا جميل ..........قداه ولا عمرك

( هههههههه سؤال محرج )

أم إياد هاهي الوصفة :
هريسة بروقة
الهريسة خدمتها تجي روعة مع المشاوي
حبة بصلة وراس ثوم وفلفل اخضر حار وحبتين طماطم وماء وملح في الميكسور
تترحى مليح حطيها فوق النار زيديها وحدة جومبو اختياري وكمون وكروية وزيت وفلفل احمر حار مرحي بودر ومغرف طماطم علب
تعقد مليح تنشف على الزيت وحطيها في بلارة والى الثلاجة
https://www.djelfa.info/vb/showthread...296728&page=12

مزال مزال مافاتش عندها يومين برك ولا عمري 21

..... البارح البارح كان في عمري عشريييييييييييييين ههههههههههه

تحوسي تهربي باش ماتجيبيليش الكادو فقتلك ,, طيحي بيه ضرك هههههههههههههههه

إلهام07 · 2013-06-09, 13:04

اقتباس:

المشاركة الأصلية كتبت بواسطة staifia

مزال مزال مافاتش عندها يومين برك ولا عمري 21

..... البارح البارح كان في عمري عشريييييييييييييين ههههههههههه

تحوسي تهربي باش ماتجيبيليش الكادو فقتلك ,, طيحي بيه ضرك هههههههههههههههه

يا ربي حصلة واش نقوللها هذي أنا نقول راهو فات وهي تقول مازال

حبسي قداه في عمرك 21

لالا بنتي روحي تلعبي مع نتاجك كاين قسم الأولاد

اللي قدك أنا مانلعبش مع الأولاد

ساندي 28 · 2013-06-09, 13:04

شكرا لهومتى راني درت كلش بيه عصير ومعجون وحابه نديرو كيما الي نشروه بالكيلو يكون مصبر وناشف يعنى متل الفواكه المجففه كيما السوريز وغيرو

staifia · 2013-06-09, 13:11

اقتباس:

المشاركة الأصلية كتبت بواسطة إلهام07

يا ربي حصلة واش نقوللها هذي أنا نقول راهو فات وهي تقول مازال

حبسي قداه في عمرك 21

لالا بنتي روحي تلعبي مع نتاجك كاين قسم الأولاد

اللي قدك أنا مانلعبش مع الأولاد

ههههههههههههههه حصلة ولا ماشي حصلة الكادو تجيبيه تجيبيه ,,, ديريلي تارت كيما لي درتي تاع 14 ملعقة هههههههههههههههه

ايه 21 سنة الله يبارك علاه بنتلك صغيرة بزاف

ايه مزالني صغيرة بمبونة ههههههههههههههه ,,, بصح راني قدها هههههههههه

صار هكدا الهام تزعكي فيا ولا انتو تاني تقولو تحاوزي ههههههههههههههههههههه

staifia · 2013-06-09, 13:15

هادي المسكوتة درتها البارح و كلاوها غير الضياف ,,,,
جات تهبل خير من تارت تاع الهام هههههههههههههههههههههههه
لوكان نعطيلكم الوصفة تاعها علابالي جامي ذقتوها ,,,,, هههههههههههههههههههههه

أم ماجد · 2013-06-09, 13:18

لبنات غدايا اليوم تفضلوا مرحبا عندي

https://www.djelfa.info/vb/showthread...post1053002058