الجزء 71 من واش طيبتي ليوم؟؟؟..مرحبا بيكم ياأحلى شلة - الصفحة 58

scorpionoir · 2014-04-28, 10:34

اقتباس:

المشاركة الأصلية كتبت بواسطة رياحين الجزائر

خسارة الهام احنا ابيعوهم عندنا في ساشي عادي ههههههه

ملال يبيعهم فيهم هههههههههه عودي اشري من عندو

رياحين الجزائر · 2014-04-28, 10:40

احنا واحد البياعة الخبز يعطيوهولك في يدك كون ماتريكلاميش

ام ايمان 11 · 2014-04-28, 10:43

صبااااااااااااااااااااااااااااح الانوار اخواتي كيف الحال نتمتى تكونوا كااااااااااااااامل لاباس
ومرحبا بالعضوات الجدد اقامة طيبة معنا ان شاء الله
حبيبتي رياحين اعدريني مانقدرش نجاوبك على الخاص مشاركاتي لم تصل العدد المطلوب كل ما نقدر نقللك وكلي ربي خير وكيل والله راني حاسا بيك و حسبي الله و نعم الوكيل في اطباء زي هادو ...............
بصحتكم كامل وش طيبتو و لي مازال ماطيبوا كيما انا ههههههههههه

رياحين الجزائر · 2014-04-28, 10:48

شكرا ليك اختي
غدايا كسرة رخسيس ولبن وتمر الدقلة اشكون اتجي عندي تتغدى

بشرى2008 · 2014-04-28, 10:50

حبوووووووووووووووووووووووووووباتي صباح الخييييييييييييييييييييييييييييييييييييييييييييييي يييييييير
راني من المتوسطة نتابع فييييييييييييييييييييييييييييييييييييييييييييييكم يا أحلى شللللللللللللللللللللللللللللللللللللللللللللللللل للللللة

scorpionoir · 2014-04-28, 10:54

رياحين راني نتخيل في كاس اللبن بارد وحبات دقلة صفرااااااااااا يمييييييييي بصحتك
بشرى عالسلامة وشراكي تقرعجي روحي لتلاميذك

lilouchaf · 2014-04-28, 11:01

صباح الخير بشرى واش راكي لاباس هادي غيبة وانتقلتي ولا ما زال للبلاصة الجديدة

رياحين الجزائر · 2014-04-28, 11:10

بشورة راكي من المتوسطة يا سلام شفتي ماعادش عندنا الصبر انكونيكتيو من اي بلاصة وخلاص المهم نتواصلو

ام هدولة · 2014-04-28, 11:16

ام رياض شكككرا ليك
ام يسرا ربي يعيشك على الدعوة الحلوة
دائمة الحمد انا ثاني نموت على الخبز ومن عيوني الوصفة
600غ سميد ممتاز (انا منكيلش ندير قيمة قرصة كبيرة والا 2صغار)-مغرف صغيرة ونصف خميرة-شوية سكر-ملح-ماء وزبدة طرية للتوريق
حطي السميد والملح والسكر ولمي بماء دافئ ثم الخميرة و اعجني وزيدي الماء حتان تولي طريية حطيها في كيس وخليها تخمر من بعد لميها بلطف و اقيميها الى 3 قرصات رشي السميد الخشين او المتوسط وحليها رقييقة 1ملموادهنيها كااامل بالزبدة بالبانسو اطوي القرصة على اثنين وادهني الزبدة مرة اخرى واطويها مثلث وزيدي ادهني الزبدة وهكا حتان تولي قرصة وكملي باقي القرصات بنفس الطريقة مرمديهم في السميد وخليهم نصف ساعة وعاودي حلي بالقرصة فوق السميد دائما و سخني طاجين الحديد وطيبي مهم جداا على نار هاااادئة والصور توضح اكثر

rosaa blanche · 2014-04-28, 11:24

ساعدووووووووووونيييي
نصبحكم بالخير حباباتي في الله ياخي قتلكم سمانة اللي فاتت عندي عرضة بالخميس مع انه ما تلقيتش تفاعل كبير حابة نصايحكم ماعنديش خبرة فالكوزينة والعرضات ضيافي اجيوني لعشية ويتعشاو و يباتو ويفطرو باالنسبة للعشا معولة لكتب ربي عل الرشتة الجاري البوراك طاجين لحلو اللحم في اكياس الشواء والمعقودة وماسيدوان
المهم انا ام لزوج اولاد صغار واحد عندو عامين ونص الاخر رضيع ثلث اشهر ربي يحفضهم
السؤال واش نقدر نوجد قبل بنهار ولا زوج خاطر انا وحيدة مع شغل البيت والاولاد مانلحقش

متبخلونيش رايكم يهمني وبصحتكم طياباتكم

دائمة الحمد · 2014-04-28, 11:28

رياحين بصحتك الرخساس والدقلة واللبن نموت عليهم الله غالب ولادي يحبو غير الطايب
ام هدولة شكرا على الوصفة راح نديها لقسم الحراير
بشرى واش احوالك وواش قصتك وليتي تظهري كي لهلال نشوفوك من الشهر للشهر

kaouka · 2014-04-28, 11:30

سلام عليكم لبنت واشتغديتو درت شورم

lilouchaf · 2014-04-28, 11:34

اقتباس:

المشاركة الأصلية كتبت بواسطة rosaa blanche

ساعدووووووووووونيييي
نصبحكم بالخير حباباتي في الله ياخي قتلكم سمانة اللي فاتت عندي عرضة بالخميس مع انه ما تلقيتش تفاعل كبير حابة نصايحكم ماعنديش خبرة فالكوزينة والعرضات ضيافي اجيوني لعشية ويتعشاو و يباتو ويفطرو باالنسبة للعشا معولة لكتب ربي عل الرشتة الجاري البوراك طاجين لحلو اللحم في اكياس الشواء والمعقودة
المهم انا ام لزوج اولاد صغار واحد عندو عامين ونص الاخر رضيع ثلث اشهر ربي يحفضهم
السؤال واش نقدر نوجد قبل بنهار ولا زوج خاطر انا وحيدة مع شغل البيت والاولاد مانلحقش

حبيبتي ماشفت السؤال ديالك من قبل

لكن كما اللحم الحلو تقدري تطيبيه من قبل بيوم وكي يجو الضياف سخنيه
والجاري ارحي البصلوديريه في باطة مغلوقة وديري في التلاجة والحشيش اغسليه وخليه ينشف من بعد قطعيه في بورت مونجي يتغلق مليح وخبيه في التلاجة
واللحم وجدي المورصوات ووجديهم من قبل
والجاج اغسليه وقطعي المولرصوات ووجديهم

كلشي غطيه مليح باه ما يريحوش بالتلاجة

الخضرة تع الرشتة قشريها في الليلو قطعيها وخليها في اكياس داخل التلاجة

الحمص شمخيه يوم من قبل واغسليه والى التلاجة

السلاطة اغسليها الصباح باه ما تتلونش

البوراك وجديه بيوم من قبل وروليه وديريه في دي بوات في التلاجة غدوة في وقت العشا اقليه برك

المواعن اجبديهم بيوم نظفيهم ووجدي الصحون الملاعق سنيوات لي سوسيار صحون التسربية الكيسان وردي بالك تنساي حاجة تسحقيها

طيبي الجاري والرشتة الصباح وفي الليل تبقالك اللحم في اكياس الشواء وتقلي البوراك وتوجدي المعقودة

اللحم الحلو واجد تسخنيه برك

scorpionoir · 2014-04-28, 11:38

هذا غدايا

R I A D · 2014-04-28, 11:38

اني جيت نطل عليكم
صحة غداكم
درت لي باط بالتونة للاولاد
و ليا نقلي اسكالوب

و راني نطبق في الاكحل اه قصدي النيقرو و يا ربي يصلح ان شاء الله

صحة غداكم كامل

رياحين الله يكون في العون حبيبة
و بصحتكم الرخسيس و اللبن و الدقلة

بشرى هلّت الانواار حبيبتي ...كيف حالك ؟... طلة كيما هكا خير من ماكاش...

كوكة بصحتك الشورما

سلاااام نكمل شغلي .......الى المساء ان شاء الله

اللهمّ صلّ و سلّم على سيّدنا محمد