السلام عليكم ورحمة الله وبركاته
صباح الخير على وجوه الخير
أسمحولي عل التأخير راني ماقعدتش خلاص و بديت نتعب خاصة من ظهري
لبنات و الله راني شفت كلش ماشاء الله عليكم حبيباتي
أم أيمن يعطيك الصحة على الأطباق لي حطيتيهم .. راكي قريب تهبطي للبلاد ربي يعينك
باتيلا ربي يعطيك وقفة ساهلة و تجي تبشرينا هذو اليومين
ليزا ربي يشفي بنت أختك يارب و تكون قد أصبحت بخير طمنينا عليها
ماري ربي يشفيك حنونة قلوبنا معكي
لادي مليون ربي ينولك واش راه في بالك و يسهلك كل صعيب نتي و طومة
بزاف أخواتراهم غايبات إن شاء الله يكونو بخير بروقة ساندي أم إبراهيم ..........
أم سهام بارك الله فيك على الرسالة ربي يرجعلك زوجك سالم غانم
لبنات لي سقساوني على المقروط راني صورتو كي نقعد فقط نحطو بالخطوات رايحة نوجد و نحدد قش زوجي مسافر للبلاد هاذو الأيام أسمحولي
هاني حملت الصور و نظن مفهومة جدا
الوصفة هي
3 كيلات دشيشة تاع مقروط + كيلة غير ربع فرينة +ملح +كيلة مخلطة سمن و زيت +زعفران مذوبتو في السمن+ نخلطهم مليح و نبسس و نخليه يبات ليلة
في الغد نعاود نفتح حبيبات السميد جيدا و نضيف شوية خميرة الحلوى و ملعقة فانيليا بودرة و نخلط مليح ثم نبدى نشمخ العجين بالشوية أي بكمية قليلة باش مانظطرش نزيد الماء كي ينشف
طبعا نشمخ بماء الزهر أولا ثم نضيف الماء و السر تاعي أني كي نعجن المقروط عمرو ماندلكو أو نكثرو العجن يعني نلمو فقط باش حبيبات السميد تقعد مبسبسة و نغطيه طبعا و في الصيف نعملو داخل كيس و نبدى نشكل
نروح لشغلي لي مايخلاصش واااااااع
أي سؤال حطوه هنا أوكي
ربي يعيني و يعينكم آآآآآآمييييين
( تقرير عن مشاركة سيئة )، و الموجودة أسفل كل مشاركة .
2014-06-07, 22:34
العرض العادي
