دورة خطواتي الواثقة لأصبح ربّة بيت متألّقة

[فراشات العمر]

السلام عليكم
اسيل ما يكون شر والشيء لي جابو ربي فيه خير أنا بنت خالي تخصص اورام دائما تفلنا ما تخلطوش بزاف حتى وهي حبة صغيرة تولي حاجة اخرى وزيد الوسواس يثبت المرض انتي كبيرة وتعرفي صلاحك ديري واش يمليه عليك قلبك باه تتهناي
لجين يا أختي فكرتيني بالسدل كنت دايراتو بصح أنا ماكثة بالبيت انتي خدامة مايصلحلكش تديري وتنحي يا تديري يا تنحيه وربي يهدينا أنا نحاتولي طبيبة بحكم مرضي
ام راضية جلاباتك ما تديريليش دروس ريحة نتبعك في اكلات ام وليد كي عجبوك انتي
ماريا ملك طبقت لي قلتي على لقراية مع منتصر بصح معتصم غلبني وهبلني
أنا فمي معمر حمة خرجولي ربعة ما نقدر نضحك مانقدرش ناكل نضحك هوهوهوهوهو
اليوم بلاك نكمل برنامجي التنضيفي خلاص العب والرقاد
بالتوفيق للجميع

[جهينة اليقين]

ضحكتيني ام لينا على هةوهوهو كملت الحلقة الاولى من الشمبر نظفتها وبنتي سيقت كلش ريحتني شوي ودرت سباقيتي للفطور كيم ام فطيمة يا ريت تعطيني وصفة الدوبارة راني نشرب في قهيوة الله الله قدام النت ومن بعد ننوض ندير لاصوص والى الخياطة السجن تاعي وااااااااااااااااااااع نحس روحي مقيدة حتى للفطور اللهه يعاونني وكل الي يتعبو

[جهينة اليقين]

ضحكتيني ام لينا على هوهوهو راني كملت الحلقة الثانية من الشمبرة وبنتي سيقت كلش ريحتني شوي وانا غليت سباقيتي كيم ام فطيمة يا ريت تعطيني وصفة الدوبارة راني نشرب في قهيوة الله اللهه قدام النت وضرك ننوض ندير لاصوص ونوجد سلطة والى الخياطة سجني نحس روحي مقيدة وخصوصا كي يقلقوني اصحاب لعراس الله يعاونني ويعاون قاع الي يتعبو

[خوخة02]

سلااااااااااااااام عليكم واش راكم
اسيل ماتخافيش عاودي شوفي طبيب وخلاص مايكون والو ان شاء الله انا الوسواس قاتلني كثر منك اي وجع صغير نقول هداك المرض الله يعافينا
اليوم نضت صباح غسلت ورطبت
ودرت سفنج جا راجلي من الخدمة شرب القهوة ورضعت ولدي
وعدلت الدار وعجنت الكسرة و شويت الفلفل باه ندير شكشوكة

[حياتي كلها امل]

السلام عليكم اليوم اعمال يومية غسل الاواني و الملابس تيسياق غسل المرحاض والحمام جيدا بالجافيل الفطور عملت شربة فغميسال وعصير التفاح
اسيل حبيبتي الشفاء عليك ومايكون غير الخير ام لينا ربي يجيبلك الشفاء وقيل هذو لي زافت جاوك كي مرضتي من القراجم شلي ببيكربونات
ام راضية ربي يعينك كون جينا قدامك تخيطينا كامل جبة جبة راني متخيلاتك تقيسيلنا بالواحدة هههههه

[حياتي كلها امل]

اما الشمبرا انا عندي المشكل الكل الخزانة كي نتهنا منها خلاص اليوم خملت نص منها مللللللللح وخرجت ملابس الشتاء للشمس وغدا اكمل
ام صفصف غاءبة غير الخير

[ام تينة]

صلااااااااااااااااااااااااااااااااة الضحى ياااااااااااااااااااااااا احلى اخواااااااااااااااااااااااات اهدي لنفسك 360 حسنة واكسبي رضا ربك

[ام شمسو محمد]

المشاركة الأصلية كتبت بواسطة mariamalak

بالنسبة للاولاد اللي عندهم صعوبات القراءة
هوما من النوع اللي يصعب عليهم التركيز و ما يحبوش القراءة لانها تاخذ منهم مجهود و تلقايهم يقراو سطر و لا 2 و. يولي ينهج لذلك لازم نوفرولهم جو هادىء بعيد عن الصراخ و التلفاز ...و لازمهم متابعة مستمرة اي درس يديروه تعاوديهلو فالدار لانو يعتمد على الفهم اكثر من الحفظ و التمارين المنزلية مثلا درس في الرياضيات حول القسمةيريلو تمارين حتى تتاكدي بلي فهم مليح
بالنسبة للقراءة ما تخليهش يقرا وحدو يمل و ما يقراش مليح اقعدي معاه هو يقرا صفحة و انتي صفحة و مع الوقت يوالف و يولي يقرا وحدو
التاريخ لازم تقسميلو الدرس كل مرة يحفظ شوي ما تخليش الدروس يتراكمو عليه
القران اكتبيلو السورة في سبورة و لا لوحة غير يحفظ اية امسحيها و هكذا حتى يكمل قاع السورة
على الاشياء هذي تاخذ. وقت بصح اذا ما خدمتيش معاه صغير كي يكبر تزيد تصعاب عليه القراية و ما تقدري ديريلو والو
تتعبي معاه ديريلو لاباز و مبعد تشوفي كيفاش يتبدل و يتعلم يركز

بارك الله فيك اختي مارياملك على الافادة ،الحق انو كثير من مشاكل التمدرس عند الابناء سببها اخطاء الاهل في التلقين ،يعني مكانش نسق واحد ،كل طفل راهو حالة تعامل بشكل خاص،مش كي يعجز الطفل نزيدو عليه بالصراخ والاهانة.
وكاين مشاكل ايضا عند التلميذ الذكي ،بحيث يعود اتكالي في مراجعتو كي تخليه وحدو ما يعرفش منين يبدا و تدهور نتائجو
احسن طريقة لتدريس ابناءنا هي اعطاءهم منهج يعتمدو عليه في المراجعة وفق حالتهم الذهنية

[ام شمسو محمد]

مرياملك اسمحيلي نقترح عليك تاطري الدورة في ظل الغياب المبرر للغالية ام تغاريد ،انطلاقا من الالتزام الاخلاقي تجاه المجموعة و بالنظر للارتباك اللي راهو حاصل ولغياب خطة عمل معتمدة ،اجد فيك حبيبتي مقومات القيادة لفئة ربات البيوت المثقفات بامتلاكك لادوات المعرفة المختلفة ،التقنية،التربوية،مهارات واضحة في ادارة المنزل،بالاضافة لاقامتك في بلد متقدم ، وانفتاحك في تقديم تفاصيل مثيرة و مثرية
دون ان انسى طبعا رصيدك من المشاركات القيمة

[ام شمسو محمد]

المشاركة الأصلية كتبت بواسطة loudjaine

سؤال الله يجازيكم ... انا متجلببة و نخمم في الستار واش رايكم ... زوجي غير متحمس للفكرة... بصح لو اصر ما راحش يمنعني واش قلتو

نهنيك لجين في سعيك للكمال ،و صفة صيدلية متجلببة تشعرني بالسعادة للتكريم الحاصل باضافة المتدينة للتعليم الرفيع
سؤالك تلقاي اجابتو عند العلماء مع الاستنباط اللي يناسب ظرفك

[arwa alaa]

روتين الصباح تم والحمد لله
تجملي تم كاين تحسن
اعمال الاسبوع غسل كويزينيار والفريجيدار وحشاكم سلة المهملات
غرفة النوم فرز القجورة نتاع الخزانة والتسريحة

[arwa alaa]

ام لينا على سلامتك حنونة
جهينة وام البنين نسيتوني راح نزعف وين راهم لقنادر

[arwa alaa]

لوجين حنونة خممي مليح في قرارك واتخذي القرار حسب ظروفك

[arwa alaa]

مريا ملاك انا وليدي من هذا النوع وانا معتمدة معاه نفس الطريقة لانو ميحبش يحفظ وانا من نفس النوع نعتمد على الفهامة ومكنتش نحفظ

[جهينة اليقين]

اروى اظن انك شفتي القنادر فالصيف غير هوم الي راهم عند ام هارون