الأخت yarasmin. 26 ترد على تساؤلاتكم هنا - الصفحة 57

zomord · 2012-06-09, 11:22

سلام اختي الفاضلة...شكري الموصول لك لانه سبق لك و ان ساعدتني..واتبعت نصيحتك و كانت ناجحة 100%...اريد ان اعرف الطريقة الصحيحة لتحضير حلوى (المشكلة)...انا حضرتها عدة مرات...لكن بعد الطهي ارى انها تتفتت ما تحكمش اللافورم...و خاصة وريدات العجينة التي اصنعها من نفس العجينة كي ازين بها الحلوى...كيفاش ندير باش تجيني...يابسة و حاكمة اللافورم...و صحيح انني يجب ان اتركالحلوى بعد التحضير حتى تجف تماما اي بعد اكثر من ساعتين ثم ادخلها الفرن....ارجو المساعدة و جزاك الله كل خير ان شاء الله...و لي ثقة كبيرة في نصائحك لانني اتبعتها و نجحت...

yarasmin.26 · 2012-06-09, 11:22

[quote=كريمة 118;10334412]سلام اختي ياراسمين احنا في الشلف نديروا مقروظ المقلة مانديروش تاع الكوشة وفيما يخص حلوة تاع الشكولا راني حابة هاديك الي جي مربع وتتلصع بالمربى وتترمد بالشكولا ......اكيد نعرضك شرف ليا ومرحبا بيك .....اختي انت من اي ولاية ’ شكرا على مجهوداتك الله يحقق الي تتمناي .
سلام
مقروط المقلة "3 عبار سميد خشين +1 عبر فرينة+ عبر زبدة وسمن +1 م ص ملح +عبر ماء + ماء الزهر
العقدة " 3عبار لوز محمر +عبر سكر +قرصة قرفة +ماء الزهر
في جفنة السميد+ الفرينة+ليدام+ملح اخدميه بأطراف الاصابع لفترة منبعد روشيه بماء وماء الزهر على شكل فتيل وديره في كيس وضعيه في الثلاجة ايبات منبعد حليه بأطراف الاصابع وزيدي روشيه بماء +ماء الزهر وشكليه حربوش وضعي العقدة ولميه وقطعيه مقروطات واقليه على نار هادية والمقلة تكون غامقة لازم غامقة منبعد عسليه عسل +ماء الزهر
التشاراك المطلــــــــــــــــــــــــي
المقادير" 500 غ مارغرين+ كاس زيت+ سكر قلاصي+ كاس حليب+كاس مايزينة+1 خمارة +لفاني ولمي العجينة بالفرينة
الطريقة 2" 3 عبار فرينة +1 عبر زبدة وشوية زيت +لفاني+ ماء +ماء الزهر
العقدة "3 عبار كوكاو او لوز+كاس سكر +لفاني+ شوية زبدة ذايبة ولمي العقدة
الطلاء"2 بياض البيض مضرب +سكر قلاصي مصير مليح+ عصير 1/2 ليمونة +ماء الزهر+ ملون+معطر

البقلاوة" 3 عبار فرينة+1 عبر زبدة التوريق او زبدة عادية+ رشة ملح +لفاني +ماء وماء الزهر لميها وخليها سعات في الثلاجة ومنبعد حليها في اخدميها في الالة رقم الاخير وحليها من قبل بمايزينة واو الرقم ماقبل الاخير وديري الطبقات واطلي بين كل طبقة بالسمن وفيه قليل من لفاني+ خمارة الحلوى باه اجيك خفيفة ومورقة والعقدة" الكوكاو مطحون شوية رقيق ويكون لونه ذهبي +لفاني +سكر قلاصي+ مبشور الليمون +شوية قرفة+ ماء الزهر وروشيه على شكل فتيل فقط متكونش جارية ولا يابسة وكملي كل الطبقات 7 من التحت و 5 من الفوق والعجينة تكون رقيقة وزيدي زينها وفرغي اعليها السمن وضعيها في فرن ساخن من قبل على درجة الحرارة 180 درجة 45 د من التحت ثم اشعل اعليها من الفوق حتى تولي ذهبية ثم عسليها العسل وماء الزهر
حلوة الي راكي تحوسي اعليها هى عجينة صابلي عادية اي عجينة تفي بالغرض وقطعيها مربعات وشكليها كيما تحبي هذا ماركي تحوسي

yarasmin.26 · 2012-06-09, 11:24

[quote=غزالة الصّحراء;10334543]ارجوك يا اختي ياراسمين. حبيت أنسقسيك على سمك عجينة الكرواسون . راني طرحت السؤال على ام كوثر . ولكن يبدو انّها غائبة .إن شاء اللّه مايكون غير الخير.
بحثت في موضوع الأخت " أنا أمهم" فيما يخص صور مواضيع ام كوثر . لكن لم أجد. أجبيني من فضلك فالأمر مستعجل.
شكرا
ديريها رقيقة 2 ملم باه كي دوريها وتخمر اجيك هذيك هي في العبر
]

yarasmin.26 · 2012-06-09, 11:27

[QUOTE=سمسووومة;10337382][QUOTE=yarasmin.26;10332353]
ختي ماصوبتاهش انا روحت للباجة 4 تاع هاذ المواضيع الي راكي تردي عليهم لالا مشي في الصفحات انتاوعي في صفحات العضوات والاخت راهي مجربتها عدت مرات وشوفي كذالك في تطبيق الاخوات تصبيها

yarasmin.26 · 2012-06-09, 11:31

[QUOTE=manothebest;10341581][QUOTE=yarasmin.26;10332051]

نعم جربتوووووو روووووووووعة يذوب في الفم و درتو غير بالدقيق العادي و لكن مقروط المقلى هو المشكلة إذا تقدري صوريلي الكيس تاع السميد الأحسن للمقروط و متوسط أو خشين ؟؟؟ و الوصفة
ربي يخليك و يعطيلك ماتتمناي ختيتو

مقروط تاع المقلة راني قدمتو شوفي الصفحة الاخيرة اما السميد كل جهة من جيب السميد انتاعها ولله ولا الزرع دروك اجي مخدوع كاين الي يشرب وكاين لالا انت قوليلو اعطينى حاجة مليحة ]

nadia19 · 2012-06-09, 16:10

أختي الكريمة هل بامكانك توري لي كيفاش نخدم عحينة اللوز بش ما توليش قاسحة حابة نديرها كديكور فوق حلوة لكن خايفة تولي تيبس

هل هناك عجينة اخرى تقوم بنفس العمل ؟ شكرا جزيلا ربي يحفظك

سمسووومة · 2012-06-09, 18:41

سلام ختي صحيييييييييييييييييتي صحيتي اليوم جربت تاع نحيفات الي قوتلك على الوصفة تاعها وشربنا بيها القهوة ضوك سييتها باه فالعرسل نصنعها.........صحيتي ... وحبيت نسقسيك على المعقودة الي تتباع برا شحال من مرة نبغي نصنعها فدار مي ماجينيش كيما الي يبيعوها برا .. ندير فيها زعفران وثوم ومعدنوس وفلفل اسود وبيض وهاكا وماجينيش كيما الي تتباع برا ياريت تقولي كفاش والسر تاع الي يطيبوها برا وشكرا حبيبتي

wafa.wafa · 2012-06-09, 20:41

عجبتني البسبوسة نتاعك و حبيت نجربها بصح للاسف الخلاط الكهربائي راهو حابس هل نقدر نستعمل الباتور في بلاستو وشكرا مسبقا

yarasmin.26 · 2012-06-10, 11:06

[QUOTE=zomord;10345051]سلام اختي الفاضلة...شكري الموصول لك لانه سبق لك و ان ساعدتني..واتبعت نصيحتك و كانت ناجحة 100%...اريد ان اعرف الطريقة الصحيحة لتحضير حلوى (المشكلة)...انا حضرتها عدة مرات...لكن بعد الطهي ارى انها تتفتت ما تحكمش اللافورم...و خاصة وريدات العجينة التي اصنعها من نفس العجينة كي ازين بها الحلوى...كيفاش ندير باش تجيني...يابسة و حاكمة اللافورم...و صحيح انني يجب ان اتركالحلوى بعد التحضير حتى تجف تماما اي بعد اكثر من ساعتين ثم ادخلها الفرن....ارجو المساعدة و جزاك الله كل خير ان شاء الله...و لي ثقة كبيرة في نصائحك لانني اتبعتها و نجحت
... المشكلة: العجينة انتاعها الحقيقية هي 3 كيلات فرينة +1/2 كيلة زبدة مورقة قطع صغيرة+رشة ملح+ملون غذائي ابيض+ ماء+ ماء الزهر وخليها ترتاح
العقدة:3 كيلات لوز بالقشرةومطحون+كيلة و1/2 سكر قلاصي يمكن استغناء عن 1/2 اذا وجدتها حلوة بزاف+لفاني+ البيض ايكون مضرب ثم لميها وهذه الوصفة تصلح المشكلة +قرن الغزال+الفراشة+ اللوزية

yarasmin.26 · 2012-06-10, 12:27

[QUOTE=nadia19;10350235]أختي الكريمة هل بامكانك توري لي كيفاش نخدم عحينة اللوز بش ما توليش قاسحة حابة نديرها كديكور فوق حلوة لكن خايفة تولي تيبس

هل هناك عجينة اخرى تقوم بنفس العمل ؟ شكرا جزيلا ربي يحفظك

اذا راكي تحوسي اعلى عجينة اللوز مصنوعة في المحلات استعملي ماركة مـــــــــــــــوكا احسن جودة او ماتخفيش انه الصيف متيبسش فيه تبق طرية ولا راكي تحوسي كيفاه يصنعو عجينة اللوز باللوز الي هي 250 غ لوزمنقي +200 غ سكر عادي اطحنيهم حتى يصبحو غبرة+ بياض البيض مضربولميهم بشوية ماء الزهر+1 م ك غلكوز يباع عند المحلات الحلويات او مسكة الحرة تباع عند العقار+ قليل من سكر القلاصي حتى تصبح عجينة طرية اتروكيها ترتاح ثم لونيها +معطرثم شكليها كيما تحبي

yarasmin.26 · 2012-06-10, 12:36

[quote=سمسووومة;10352721]سلام ختي صحيييييييييييييييييتي صحيتي اليوم جربت تاع نحيفات الي قوتلك على الوصفة تاعها وشربنا بيها القهوة ضوك سييتها باه فالعرسل نصنعها.........صحيتي ... وحبيت نسقسيك على المعقودة الي تتباع برا شحال من مرة نبغي نصنعها فدار مي ماجينيش كيما الي يبيعوها برا .. ندير فيها زعفران وثوم ومعدنوس وفلفل اسود وبيض وهاكا وماجينيش كيما الي تتباع برا ياريت تقولي كفاش والسر تاع الي يطيبوها برا وشكرا حبيبتي
]
المعقودة" 1 كلغ بطاطة+ ربطة معدنوس مقطع +زعفران+1 م ص كمون+فلفل الحار+1/2 حرور+ملح+زيت للقلي
عجينة القلي""""" 125 غ فرينة+1 م ك خميرة الخبز+1 م ك مايزينة+كاس ماء دافي +ملح +حرور+زعفران
وجدي الخليط وخليه يخمروتروكيه بجهة ثم غلي البطاطة مع الملح ثم اطحنيهم بالرحيوة ثم امرسيها بالفرشيطة ثم اضيفي المعدنوس مقطع+ باق المقادير ثم شكلي خبيزات واغطسيهم في خليط العجينة ثم زيت القلي ساخن واحسن تكون المقلة غامقة وشهية طيبة

yarasmin.26 · 2012-06-10, 12:38

[QUOTE=wafa.wafa;10354992]عجبتني البسبوسة نتاعك و حبيت نجربها بصح للاسف الخلاط الكهربائي راهو حابس هل نقدر نستعمل الباتور في بلاستو وشكرا مسبق
تق وهي كذالك استعملي الباتوغ وجيك شابة انشاء الله [

sasafede · 2012-06-10, 13:08

سلا م اختي كيفك انشاء الله ابخير
راني حبة تعطيني اي قاطو يكون ساهل وانت تحبيه
وربي يحفظك لينا ويخليك

yarasmin.26 · 2012-06-10, 13:47

[QUOTE=sasafede;10361822]سلا م اختي كيفك انشاء الله ابخير
راني حبة تعطيني اي قاطو يكون ساهل وانت تحبيه
وربي يحفظك لينا ويخليك
يسعد مسائك الحمد الله في هذه الساعة انا قاع الحلوى انحبها قوليلي راكي تحوسي تاع قهوة عادي ولا تاع عرس لانه تاع القهوة راني رايحة دوك انرون قاتو رجلين القطة منيش عارفة اذا تعرفيه ولالالالا ولاتحبي نعطيك الوصفة انتاعو

wafa.wafa · 2012-06-10, 15:03

شكرا لك اختي يارا ياسمين