دورة خطواتي الواثقة لأصبح ربّة بيت متألّقة

[~اسيل ريحانتي~]

المشاركة الأصلية كتبت بواسطة loudjaine

السلام اختي العزيزة اي جسم غريب في الجسم لازم نبحثو عليه واش هو و في اسرع وقت
الولسيس هو رد فعل مناعي ما يقلقش يعني يا تكوني تمرضي بزاف بوذنيك يا قراجمك يا ضروسك .. ما يقلقش ما يضرش لكن ياخذ وقت طويل باش يتنحى يوصل لسنوات...
نصيحة روحي ل orl في اسرع وقت....

شكرا اختي انا سبق ودرت تحاليل قالولي مابانوش مليح مافهموش قالولي نحيهم وخلاص
بلاك لا كتب ربي ندير العملية في الكونجي ونحيهم نقطع الشك شكرا اختي ربي يحفظك

[mariamalak]

أَصْبَـحْـنا وَأَصْبَـحْ المُـلكُ للهِ رَبِّ العـالَمـين ، اللّهُـمَّ إِنِّـي أسْـأَلُـكَ خَـيْرَ هـذا الـيَوْم ، فَـتْحَهُ ، وَنَصْـرَهُ ، وَنـورَهُ وَبَـرَكَتَـهُ ، وَهُـداهُ ، وَأَعـوذُ بِـكَ مِـنْ شَـرِّ ما فـيهِ وَشَـرِّ ما بَعْـدَه.

[~اسيل ريحانتي~]

//////////////////////////////////////////////

[جهينة اليقين]

بالاكي تروحي غير لطبيب واحد راكي عارفة بلادنا روحي لثنين او ثلاثة هذي صحتك باش تتاكدي مليح واش عندك وما تتقلقيش على العملية

[mariamalak]

اسيل حنونة ان شاء الله ما يكون غير الخير علاش عليك قاع هذا الشي روحي لطبيب يطمنك و ما تتسرعيش و ديري عملية

[جهينة اليقين]

راني كي نضت الصباح نحيت الغلافات تاع المخاد ولا اوس باش ينغسلو مع الريدوات ماشي اليوم وبقالينخرج الماطلا ننفضها ونمسح الخشب ونمسح التاقة بدون ما نسيح الماء بزاف كيم قالت ملاك ومن بعد نشوف سلام

[~اسيل ريحانتي~]

شكرا فراشاتي ربي يخليكم

انا ليوم باذن الله راح نغسل ستائر غرفة النوم ولفراش تاع السرير والمخايد ونمسح الغبرة
ماريا ملاك عندك الحق لازم نشوف طبيب شكرا حبيبة
سلااااام

[mariamalak]

بالنسبة للاولاد اللي عندهم صعوبات القراءة
هوما من النوع اللي يصعب عليهم التركيز و ما يحبوش القراءة لانها تاخذ منهم مجهود و تلقايهم يقراو سطر و لا 2 و. يولي ينهج لذلك لازم نوفرولهم جو هادىء بعيد عن الصراخ و التلفاز ...و لازمهم متابعة مستمرة اي درس يديروه تعاوديهلو فالدار لانو يعتمد على الفهم اكثر من الحفظ و التمارين المنزلية مثلا درس في الرياضيات حول القسمةيريلو تمارين حتى تتاكدي بلي فهم مليح
بالنسبة للقراءة ما تخليهش يقرا وحدو يمل و ما يقراش مليح اقعدي معاه هو يقرا صفحة و انتي صفحة و مع الوقت يوالف و يولي يقرا وحدو
التاريخ لازم تقسميلو الدرس كل مرة يحفظ شوي ما تخليش الدروس يتراكمو عليه
القران اكتبيلو السورة في سبورة و لا لوحة غير يحفظ اية امسحيها و هكذا حتى يكمل قاع السورة
على الاشياء هذي تاخذ. وقت بصح اذا ما خدمتيش معاه صغير كي يكبر تزيد تصعاب عليه القراية و ما تقدري ديريلو والو
تتعبي معاه ديريلو لاباز و مبعد تشوفي كيفاش يتبدل و يتعلم يركز

[غزالة1]

السلام عليكم
اسيل ربي يشفيك و يعافيك اختي و كيما قالو الاخوات زيدي شوفي راي طبيب اخر و لا تلجئي للجراحة خليها اخر المطاف

[arwa alaa]

صباح الخير عليكم
اختي اسيل روحي ديري irm ومتبعيش حى واحد انتي اطلبيه تجيك في السوارد ومشي في صحتك وقطعي الشك باليقين هنا الطبة يستهزاو بزاف ويقولك مكان والو بلا ما يحوسو يفهمو

[arwa alaa]

جدول الطعام الاسبوع الاول
السبت سباقيتي بيتزا
الاحد عدس طاجين جاج
الاثنين تليتلي بطاطة شاورما وصفة اللهلوبة

الثلاثاء روز شباتي
الاربعاء غرايف طاجين السلق
الخميس جلبانة جاري وكسرة محشية
الجمعة كسكسي صوص حمراء عشاء وصفة جديدة
قهوة الاسبوع ندير صابلي ومعالك ويوم الخميس دايما تارتولات والجمعة نجىرب حاجة جديدة
راح نكمللكم الجدول مبعد ناضو البنات

[omelbanin]

السلام عليكم، حبيبتي أسيل ما يكون غير الخير، ان شاءالله.
ماريا ملاك، صحيتي ختي.
ام متين اليوم المدارس راهم في إضراب،ما قراوش الأولاد، ابروفيتي كاشما تخدمي. ههه.

انا اليوم، غسلت لي صوندولي، ووحد لفراش خفيف.
وراح نمسح النافذة، ونسرج جهة من الخزانة،
لفطور راهو يطيب، درت شربة فريك. ومبعد نزيد سلطة. وربي ورحمتو.

[omelbanin]

شكراً اروى، معليش براحتك كل مرة اكتبيلنا أسبوع.

[omelbanin]

عجبتني فكرة كل جمعة نجربو طبق جديد او حلوة جديد، وياريت نطبقو مع بعض هاذي النقطة بالذات، كل وحدة تجرب حاجة وتوريهالنا، تولي عندنا كل أسبوع جربنا طبق جديييد.
واش رايكم.

[أم فاطيمة]

صباح منور بذكر الرحمان واش راكم فراشات
شكرا للباركولي بالعرس
اسيل ما تستهونيش كل حاجة راهي تتسبب شوفي طبيب
اروى يعطيك الصحة على الجدول بصح انا ما نجربش بالويكاند
باش اذا فسدت لا من شاف ولا من دري ههههههه
انا ليوم نضت على 6 و نص غسلت و رطبت لماكياج ما نحبوش ب اف
وجدت لفطور و نوضت لولاد ارزوج فطرو و خرجو غسلت ماعين لفطور
معولة على سباقيتي
خملت لبيوت جيت نفوت نشاف دخلت بنتي حثلته فيها و انا طويت لقش
لي غسلته البارح اليوم نهار مغيم و بارد و مغبر ما نغسل والو
عندي دوش و نحضر بعض القش و لعشا ناوية على دوبارة يموتو عليها