الجزء 94 من واش طيبتي اليوم - الصفحة 57

أم محمد تاج · 2014-10-23, 08:42

عشايا تاع البارح

ام رحاب حنونتي الله يشافيك ويعافيك يارب وراه مرض العصر
اماني السلالالالام يعطيك الصحة فكرتيني على المحقن والله زهايمر ضرك نكتبهولك حالا بالا

دائمة الحمد · 2014-10-23, 08:44

شوفي ام رحاب عمل ريجيم تاع السكر والدواء لانو قالو الطبيب راه كاين نوع تاع سكر يكون عابر يدخل على غش او فجعة يخرج مع الدواء والريجيم انت داوي والعمال على ربي
وزيدي شوفي طبيب اخر لان اعراض السكر راهي تتشابه مع اعراض عدة امراض اخرى وربي يشيك حنونة

أم فاطيمة · 2014-10-23, 08:45

ام التاج بصحتك البركلي و ربي يرجع زوجك بالسلامة و يعطيك الصحة على عشا لبارح
اماني السلام يعطيك الصحة على البركوكس راه يشهي
زهرة30 بصحتكم كلشي فوووووووووور
ام رحاب لباس عليك ربي يشفي كل مريض
حنين يعطيك الصحة خرجلك هايييييل
ام ماجد صباح الخير لباس على صلاة و ربي يحفظك من العين طهورا انشاء الله

zahra30 · 2014-10-23, 08:45

صباااااح الخيييير على الملتحقات
ام محمد تاجووو بصحتكم اعلبالي بيك خخخخخخ ربي يقبل عليك هذا ما تربحي في دنيتك وبصحتكم البروكلو والتمخمييخ
دائمة الحمد يعطيك الصحة على الضيافة وشكرا على الدعوة
ام رحاااب ربي يشفيك حبيبتي ربما حالة وتروح يعني ربما قلقتي تبعي برك وان شاء الله ترتاحي عاجلا غير اجل وما تحزني مالو استغفري ربي حنين رحيم
واماني السلام اممممم بصحتكم العيش والبربوشة والفطيير مسبقا
ماريا م ان شاء الله سباقيتي بطلب من بنتي حبوبتي هههه اليوم عيد ميلادها هي وباباها نفس التاريخ
فاطيمة بصحتكم الشورما مسبقااا

ام مجووود هههههه باين باللي يموووت عليك على هذيك يبغيك فيالدار ربي يشفيك

x ام رحاب x · 2014-10-23, 08:45

ام تاجو ربي يخليك وايبعد عليك هاد المرض راني عارفة بلي مرض العصر بصح ماقدرتش نتقبلو الله غالب او مانيش سمينة نوزن 57كيلو مانعرف كيفاه حكمني

دائمة الحمد · 2014-10-23, 08:45

اقتباس:

المشاركة الأصلية كتبت بواسطة أم محمد تاج

احلى صباح دائمة الحمد حنونتي والله جيت في سيرتك دخلتي الله يخليك لينا يارب وفكرتيني في زيراوي نضيفو للقائمة لي راح نطيبها لمرت خويا تتوحم وبديت بالعيش بعثتلها قلت نزيدلها لغرايف وزيراوي ومحجوووبة وشخشوووخة وهي تموت على بربوشتي
صباحووو ماريا والملتحقات الآن
حنييييين القريوش حطة تسلمي
صباحووو ام نبييييل
نهارك مبروووووك ام رحاب حنونتي

ام تاجو ربي يبارك فيك يا ام الجود والكرم كون جيت قريبة نشهيها معاك واش نحب نشهي الموحمة والنافس

أم محمد تاج · 2014-10-23, 08:46

محقن ام تاجووووووووووو
5 بيضات كاس ونص سكر وفاني وبشور قارصة خبطي مليح حتان يطلع كي المايوناز ومبعد ضيفي كاس ونص زيت كي الخيط واستمري في التخباط ومبعط باكي خميرة على خاطر نحبو يحكم روحو ومايسيحليش بصح للكروكي ندير زوج باكيات خميرة ونلم بالفرينة والحمد لله

دائمة الحمد · 2014-10-23, 08:47

ام محمد عشاك يهبل امممممممممم
ام ماجد واش قالك الشيخ حتى عاينك قوليلي وما نقولش لام يس
راه ما يحسد المال الا صحابو

zahra30 · 2014-10-23, 08:48

ام محمد تاجوووو المحجووووبة امممممم ربي يدوم المحبة
لبنات كاشي خبر على ليزاااا
وام اناسوووو ربي يجيبلك وقفة ساهلة انتي وكل حامل وربي يرزق كل محروووم يااارب

x ام رحاب x · 2014-10-23, 08:49

شكرا ليكم ام فاطيمة وزهرة سامحوني قلقتكم واعولي بلاك ربي يرفد عليا هاد المرض قادر ياكريم
الله يعطيك ماتتمناي دائمة الحمد شكرا ليك

أم محمد تاج · 2014-10-23, 08:50

ههههههههههه يسلم فمك دتئمة الحمد حنونتي هيا ام الجووووود علاش فقست فيييييك ????? خخخخخخخخخخخخخ
ام رحاب ضرك نراسلك ونقولك المرض لي عندي هو لي يجيب الامراض اكل الله يسترنا ويشفينا ويعافينا يارب

دائمة الحمد · 2014-10-23, 08:50

امين يا ام رحاب لينا وليك ولجميع المومنين

ماريا.م · 2014-10-23, 08:51

مشكورة اماني السلام ربي يجازيك اختي
اختي ام رحاب لاباس عليك انشاءالله
دائمة الحمد ميرسي على الوصفة
ودرك دبرو علينا الفطور راهي تالفة

x ام رحاب x · 2014-10-23, 08:52

زهرة عندي نهارات بعتلها رسالة ماحبتش تعقب مانيش عارفة علاه بلاك تعود راحت لدارها الجديدة ولا البورتابل راه فاسد علاخاطرش نهار الي غابت قالتنا البرتابل تاعها طاحلها وان شاء الله تكون بخير يارب

أم فاطيمة · 2014-10-23, 08:54

شكرا ام محمد التاج على الوصفة راني رفدتها نجري بيها على وصفات لحراير