مــــجلس **جوهرة رمضان** هنا ملتقانا اليومي - الصفحة 57

Maria dadi · 2014-07-18, 00:35

ام ايوش ربي يدوم لمحبة بيناتكم ويخليكم لبعضاكم اخت قولي آمين
واش راه وليدك وقوليلي لطاي نتاعك قداه
والله علبالي بلي جيك الروبة تهبل ياجميل

Maria dadi · 2014-07-18, 00:36

مزال ماحطوا والوا

نور الامل 12 · 2014-07-18, 01:13

صح فطوركم لبنات سطوفة فريولة ام اية موفقين في المسابقة والله سهراتكم تنحي على القلب الله غالب وين نقول نشاركم السهرية يجينا ضياف مليش في الطيب نصيب سطايفية دريلي بوقالة نشوف الزهر النتاعي الي راقدفي خاطري حبيبتي متحشمنيش عزيزتي باش غدوة كي نحل نتصبح عليها ربي يخليك لينا يانوارة المنتدى

fatma1977 · 2014-07-18, 01:28

ربى يخليك سطوف أم آية ماريا أم حمزة بسمة نور الامل عطر حتى ما بانتش رانى نقولكم صح فطوركم على بالى كى تدخل تبهدلنى هذيك عطورة الحبوبة أم كوكو واش بيك دورى غير فى صفحتكم ولا غالبك رمضان وكامل البنات الى متابعينا ولى يشوفو بصمت

رانى ندخل ما نلقى والو واش نفطر قبلكم وتسهرو قبلى ما فهمتش كيفاش السوايع نتاعكم سطوف الحنونة الغالية الحبوبة وين راه البوقالات ولا اليوم جبتى الصورة وغدوة باه نعقدو وننويو ههههههههه

OM AYA · 2014-07-18, 02:34

سلااااام

ام دادي وليدي رااااه بخير والحمد لله راه بدا يفتش وليوم ما حكماتوش الحمئ وختو راهي يومين بالسخانة ديتها ليوم للطبيبة قاتلي هوا وممكن تنعدئ وممكن لا ربي يجيب الشفاء ان شاء الله
وانا راني هاد ليامات ما نحكيلكش لاطاي هربت اقرب للاموات منها للاحياء ههه

OM AYA · 2014-07-18, 02:46

فطوووم حبيبتي حنا ياذن تقريب الثمانية وعشرين ثمانية وربع هكاك
ناكلو كلش على مرة من لحلو للشربة للطاجينوسلايطونختموهابالقازوز طبعا كي تكون الشهية مفتوحة الثمانية ونص نكونوا كملنا كلش السرعة القصوئ اللي ما صلاش المغرب يصلي وكاين يصلي بعد ما يكسر الصيام وياكل تم تم بعد اصلاتو
والسهرة ابدا بعد العشاء مباشرة بعد العشاء للي ما يروحش التراويح كي حالتي او بعد التراويح للناس اللي تروح وانا عن نفسي لا ااكل ايوااا حتى السحور اذا كثرت تاااي
يعني مش كي بعض المناطق يكسرو الصيام فقط وما ياكلوش حتى بعد التراويح حنا كون ما يوجدش كلش فالمغرب ياكلوك خضرة ههه
يعني التسعة الماعن مغسولين ممسوحين ومخبيين فقط لوازم السهرة فقط او كاين البعض توجد الطعام للسحور

قوليلي كاين فرق ?

بنت الطيب · 2014-07-18, 13:21

صباح الخير يا أحلى صحبة جمعة مباركة وبالتوفيييييييييييييييييييييق لكن متشوقة نشوف ابداعاتكن

أم ضياء عبد الرحيم · 2014-07-18, 13:44

جمعة مباركة سامحولي بنات عندي مدة ما دخلتش نطل عليكم
فريولة الحمد لله على سلامتك طهورا ان شاء الله
سطايفية و الله غير اديري جو الفرح في المنتدى انا كي نحب نضحك نطل على الردود اتاعك ربي يفرحك حبيبتي
ام اية ان شاء الله تكوني لباس
بالتوفيق للتحديات الي مزالو
سلام

OM AYA · 2014-07-18, 14:02

شكراااا بنت الطيب جيادا

بالتوفيق للجميع

fifiarch · 2014-07-18, 14:19

دعاء اليوم العشرين

أللّهُمَّ افْتَحْ لي فيهِ أبوابَ الجِنان ، وَ أغلِقْ عَنَّي فيهِ أبوابَ النِّيرانِ ، وَ وَفِّقْني فيهِ لِتِلاوَةِالقُرانِ يامُنْزِلَ السَّكينَةِ في قُلُوبِ المؤمنين .

جمعة مباركة للجميع

souheila dz · 2014-07-18, 15:18

جمعة مباركة ورمضان كريم بالتوفيق لبنات

بنت الطيب · 2014-07-18, 16:14

سطوف اليوم راني معاكم ديري حسابي للبوقاالة خيري على نيتك وخليهالي هنا منين ندخل نقراها ههههههههههه

نبض الفؤاد · 2014-07-18, 16:53

الله الله عليكم....ما شاء الله....عندك الحق يا جيادا ...كي تضيق ارواحنا ندخلو نقراو وش راهي كاتبة السطايفية....ولمتها.....

وقصرتهم ....للأسف وقت السهرة ...ما نكونش....ربي يقدركم ويقدرنا ....

ما تنساوش العشر الاواخر....كثرو الدعاء.....وربي ان شاء الله يستجيب......

OM AYA · 2014-07-18, 19:26

شكراااا فيفي عالادعية ربي يجازيك الخير
سهيلة بنت الطيب مرحبا
نبضو وش راكي ان شاء الله لاباس وش اخبارك واخبار العايلة توحشناك طلي مرة على مرز

Maria dadi · 2014-07-18, 19:48

ام ايوش واش راكي اخت واش رآهم أولادك ربي يجيبلهم الشفاء العاجل
وبعيد الشر عليك من الأموات وصح فطورك وصح فطوركم لبنات

من بعد الفطور انشاء الله