موضوع مميز ♥ الجزء10 ♥ من واش طيبتي اليوم - الصفحة 57

إلهام07 · 2013-06-01, 14:05

أم كوثر كي جبت انا تطبيقاتي راحو كامل لمن نحطهم أنا ضرك

الأمنيات · 2013-06-01, 14:12

السلام عليكم وصح غذاكم

أم ريمة* · 2013-06-01, 14:13

مساء الخير لكل الاخوات سبق وقلتلك اننى من الجيل القديم ومعلو ماتى فى الحاسوب ضعيفة جدا جدا انتهز الفرصة كى جى بنتى ضيفة تعلمنى شوية وبحكم السن انسى بسرعة لازم تعطينى دروص يا الهام لقد جربت رابط ام رامى وتوفقتش فيه فهت من بديل او طريقة سهلة للغاية اما بالنسبة للاكل فبكل فرح وسرور لك ولكل الاخوات والله غير نحبكم ونعتبركم الكل بمثابة بناتى واخوهتى الصغار والله شهيد

إلهام07 · 2013-06-01, 14:22

وعليكم السلام أختي الأمنيات راني زعفانة منك بالبزاف راني طبقت حلوة الطبقات نتاعك وماصلحتش
جات معجنة وماطابتش من داخل خلاص

أختي أم ريمة هي المسلألة بسيطة جدا كي تتعلمي تفهمي قداش ساااهلة ماااهلة ، ههههههه بصح أنت كيما ماما كي تقلي وريلي مانحبش لاخاطر العشية تعاود تنسى وتعاود تقلي وريلي نسيت ، أنتوما لازم نعاود نفلاشيكم من الأول خخخخخخخخخخخ

الأمنيات · 2013-06-01, 14:27

الهام قلت لك راني موالفه نديره وتصلح لي ديما حتى فيه اخوات الي جربوها
كيفاش تعجنت لك وما طابتش ؟؟؟؟؟؟؟؟؟؟؟؟؟؟؟؟؟؟؟؟؟

الدنيا · 2013-06-01, 14:29

مساء النور لبنات منورين الصفحة كي العادة
غذانا اليوم سباقيتي و كرانتيكا
[IMG][/IMG]

[IMG][/IMG]

ساندي 28 · 2013-06-01, 14:36

لهومه راني رجعت كنت عند الطبيب ديت البيبي عندو حساسيه من واحد السيرو كان يشرب فيه . راهي وصلتني رسالتك نجمو راهو غير مع اللعب وميحبش ياكل خلاص وزاد قباح بزاف معدتنش قادره عليه نهار كامل وانا نعيط عليه والله تعبني ادا حبيتي نبعتولك يعقب الصيف عندك خخخخخخخخ نتهنى منو شويه
الي قتلك عليها من بعد نبعتلك على الخاص خليني نرتاح شويه راني تعباااااااااااااااانه والحساسيه تاني محبتش تخطيني دركي نبعتلك الوصفه وقوليلي واش من مودلات خدمتيهم باش نعاندك قالك عاند ولا تحسد خخخخخخخخ وعجبوهم داركم ولا
اختى الامنيات كنت سالتك في موضوعك على حلوى الطبقات على اليؤورت الي خدمتى بيه طبيعي ولا الاخر

إلهام07 · 2013-06-01, 14:39

اقتباس:

المشاركة الأصلية كتبت بواسطة الدنيا

مساء النور لبنات منورين الصفحة كي العادة
غذانا اليوم سباقيتي و كرانتيكا
[IMG]

[/IMG]
يعطيك الصحة يا دنا بصح أسمحيلي بعدي شوية خليني رايحة نتهاوش مع الأمنيات ماتفكونيش

[IMG]

[/IMG]

اقتباس:

المشاركة الأصلية كتبت بواسطة الأمنيات

الهام قلت لك راني موالفه نديره وتصلح لي ديما حتى فيه اخوات الي جربوها
كيفاش تعجنت لك وما طابتش ؟؟؟؟؟؟؟؟؟؟؟؟؟؟؟؟؟؟؟؟؟

والله يا الامنيات طيبتها في المول الجديد اللي شريتو أوريجينال زعمة يهبل درت فيه التارت من قبل يطيب مليح هذاك المعجون كامل خرج على الجوانب وتحرق ولصق في المول
يسمى زاد فسدلي البلاطو جديد

الأمنيات · 2013-06-01, 14:41

اهلا ام نجم وربي يشافي ولدك
اليايورت راني رديت عليك اختي
درت طبيعي وممكن ديري دانون ريحته مليحة

أم ريمة* · 2013-06-01, 14:51

اين تطبيقاتك يا الهام خلينا نشفوهم وندعيولك بالزوج الصالح ممكن تفيدونى بطريقة سهلة لوضع الصور شكون تتطوع تفهم وتنور امهافى هذا المجال وانا على بالدعاء لها

ساندي 28 · 2013-06-01, 14:55

اقتباس:

المشاركة الأصلية كتبت بواسطة الأمنيات

اهلا ام نجم وربي يشافي ولدك
اليايورت راني رديت عليك اختي
درت طبيعي وممكن ديري دانون ريحته مليحة

اهلا بيك اختى الامنيات شكراليك راكي سهلتيها عليا نديرو بدانون احسن واسهل بالنسبه ليا
شكرا ليك ان شاء الله
حبيت نقولك عل ى حاجه بالنسبه لكيكه الشوكولا نتاعك لقيتها في قسم المنقول واحد المرة خخخخخخخخخ بصح درت رد وقتلهم بلي الا منيات عضوه معانا هنا في المنتدى

ساندي 28 · 2013-06-01, 14:58

اقتباس:

المشاركة الأصلية كتبت بواسطة أم ريمة*

اين تطبيقاتك يا الهام خلينا نشفوهم وندعيولك بالزوج الصالح ممكن تفيدونى بطريقة سهلة لوضع الصور شكون تتطوع تفهم وتنور امهافى هذا المجال وانا على بالدعاء لها

شوفي موضوع ام اياد هايل وموضح بالصور راه في قسم الطبخ والمؤكولات ابحتى عليه في الاسفل دركي ندير رد في موضوعها باش يطلع في بدايه الصفحه ادا فهتى ولا نجيبلك الرابط انتى الي بنتك تتوحم ولا راني غالطه

أم ريمة* · 2013-06-01, 15:01

الهام حلوة الطبقات لى قلت فسدت نضن بلى كثرتى المعجون درتها مرتين وصلحتلى لكن مهيش نفس الوصفة انا نستعمل عجينة الكروكى

ام بسومة · 2013-06-01, 15:03

مساااااء الخيرات والمسرات

بصحتكم كامل واش طيبتو
الله يبارك ام انس طيابك رووعة
فايزة الحلوى خرجتلك هايلة

اليوم تغديت محاجب امممممممم

وهذا عشايا تاع البارح

إلهام07 · 2013-06-01, 15:03

ههههههههههه ام نجم والتقرعيج خخخخخخخخ

أم نجم :
1/ أنا طبقت وصفة حلوة الطبقات نتاع الأخت الأمنيات البارح برك في الليل درت ياوورت عادي
2/ أبعثيلي نجمو باينة كي جبتي البيبي وليتي ماكيش لاتية بيه وتضربيه على بيها شيان راهي الغيرة شيناتو مسكين.
3/ التطبيقات ضرك نحطهم : درت البارح قلوب الجلجلان نتاع فلة وحلوة الطبقات نتاع الأمنيات

ام ريمة ، نعلم حبيبتي ، ماشي خسارة بصح المدير نتاعي من الصباح وهو فوق راسي ماخلانيش نحط التطبيقات نتاعي في عقلي