الجزء149 من واش طيبتي اليوم كوزينة التجديد والتنويع في الاطباق - الصفحة 57

ام و ابنة · 2015-10-15, 22:39

اقتباس:

المشاركة الأصلية كتبت بواسطة ام أمينة

الرجاء كثر خيرك رني كي شغل كليت اه اه اه اه كون لقيت منين نجبد حتى نخلي حجة لي تتحط نطير بيها

وشمن رقاد نوم وهرب

حتى فليل نرقد ونوض راح نوم
بصح نموت على نوم

كان بابا يضل عقابي يقلي ضلي راقدا
بصح عطاه ربي وحد لمرا متنوضش عاد يسكر الباب ويسكت قتلو كنت تضل عقابي شوف وش عطاك ربي خخخخههههههههههههه

:1 :

عزيزتي انا رقادي من عند ربي كيما يما خفيييف و قليل و ننوض بزاف في الليل
و و الله من نهار نهز الحمل تقريبا ما نرقدش النساء يتوحمو عالرقاد و انا العكس عينيا يتفتحو مهما نكون عيانة او مرتاحة نفسيا الرقاد يرووووح

نغمض عينيا شويا و منبعد وااالو طول الليل
و كي نولد و الله ثلاث ايام تع لاكلينيك عينيا مفتوحين رغم الدواوات اللي المفروض يرقدو لدرجة الطبيبة و الممرضات يحيرو فيا و رغم ان البيبي ماشي معايا و الهدوووء كيما نحب انا و هكذاك والو
و الحمد لله على كل حال

ام و ابنة · 2015-10-15, 22:45

اختي جوهرة الجنة وشراكي و وين راهم صورك

روضة توحشناك وش راهو وائل و وين راهم صور تطبيقاتك

سوسو العزيزة حتى انا نديرها مع القاطو وعجينة البيتزا و البراج و لكن ما جربتهاش مع الخبز
و راني بانتظار تقريرك تع حفلة المسجد و طبعا اذا ممكن بعض الصور
و حقاسامحيني ما عطيتكش افكار لانو البنات سبقوني و اعطاوك كل الافكار الممكنة

ساجدة كالعادة كلش بالطبع و ربي يقدرك مع اولادك و يصلحلك فيهم

حاولت نرد عالجميع دون استثناء يا ربي نكون نجحت و ما نسيت حتى وحدة و اذا نسيت تسمحلي

دايمة الشكر و اسمهان و قمر و ام اسلام و ام محمد وسيم ماراهمش يبانو ايه و ام افنان عندها مدة ما ظهرتش و القايمة طويلة ربي يسمعنا سماع الخير عالجميع

اترككم في امان الله

أريج-78 · 2015-10-15, 22:54

ام اماني شكرا عنيك لي يشوفو المليح
ام وابنة شكرا اختي وبصحتك الشفلور انا راح عليا راجلي ما يحبوش كي نسخف عليه نروح ناكلو في دار بابا

أريج-78 · 2015-10-15, 23:04

عشايا كان سردين مقلي وسلاطة مع الديسير و الحمد لله
[IMG][/IMG]
[IMG][/IMG]
و هاذو السمكات مدايرين الصف باش يعومو في الزيت
[IMG][/IMG]

ام اولادي · 2015-10-15, 23:10

السلام عليكم مبروك عليك العجانة اختي اريج ادا تقدري تصوريهالي و تقوليلي بشحال شريتيها و منين ادا مافيهاش ازعاج لاني حابة نشري وحدة تعيشي بصحتكم كامل واش درتو

أم ملك · 2015-10-16, 00:04

سامحوني هدا وين رقدو بناتي ياي مهبليني ديما يرقدو على 12 و زيد ما رقدوش في النهار ماما تقولي حتى تريقلي بناتك في الرقاد أرواحي صح خارحين ليا ما نرقدش بزاف لكن تعبونيييييي ربي يحفظهم و أولاد المسلمين

اقتباس:

المشاركة الأصلية كتبت بواسطة ام و ابنة

اهلا ام ملك
يعطيك الصحة على تعب تحميل الصور
كلش هايل بصحتكم و يشهي قولي لي برك الخبز وش من وصفة يهبل الله يبارك

شكرا أم و إبنة يسلمو و الخبز عادي كيما تاع زمان سميد و فرينة و خميرة تاع الخبز و سانوج و حبة حلاوة و شوية سكر و نعجنو مليح ثم ندخلو الملح نذوبو في الماء و نخليه يطلع مين يطلع نخبزو في البلا تاع الكوشة دهنتو بالحليب عقدتو باللحظة و ذريت عليه الجنجلان و السانوج و مين طاب دهنتو بزيت الزيتون يعطيلو فرق كبييييير في البنة هايل

اقتباس:

المشاركة الأصلية كتبت بواسطة أم أماني وعبدو

الله يبااااااارك يعطيك الصحة

يبارك فيك حبيبتي و ربي يرزقك بالولد السليم المعافى قريبا عاجلا غير أجل و كل من تتمنى

أريج بصحتكم السردين
تصبحون على خير
أستغفر الله العظيم أستغفر الله العظيم أستغفر الله العظيم

شمس الشتاء · 2015-10-16, 00:34

اول مشاركة لي في منتدانا الغالي لكن ليس اول ارتباط به بل انا اسكنه كبيتي ارجو ان اكون فردا مرحبا به والحقيقة احترم واحب جميع العضوات واشكرهن جزيل الشكر لاني استفدت كثيرا منهن جزاكن الله خيرا

شمس الشتاء · 2015-10-16, 00:39

دائمة الحمد اطباقك مميزة بها لمسة خاصة

omjoujou · 2015-10-16, 06:56

صباح الخيرات والمسرات حبيباتي
حبيباتي راكم قايمين بالكوزينة ومزهينها يعطيكم الصحة
حبوبتي ام وابنة يعطيك الصحة على الوصفة تاع الشيفلور انا زوجي يحبو بالمرقة يعني نقدر نتبع نفس الخطوات ونزيدلو غير لاصوص بالحم ولا جاج بالحمص؟؟؟؟؟؟
اريج بصحتك العجانة لعقوبة ليا خخخخ
شسمش الشتاء اهلين بيك معانا ان شاء الله تعجبك لمتنا وتستفادي منا ونستفادوا منك
ام ملوكة حبيبتي والله شفيتيني كي قولتي ولادك يرقدوا على 12 والله بزاف عليك انا وليداتي خرجوا ليا مش سهارين
ميليسات وشراكي حنونتي مرة الجاية نتي تفتحيلنا الكوزينة
ام امنية بصحتكم الخرجة والشواء سخفتيني

omjoujou · 2015-10-16, 07:24

زعمة عولت ليوم ندير شخشوخة تاع الرقاق بحكم زوجي يموت على الشخاشخ سورتو يوم الجمعة بصح موالفة الشخشوخة نوجدها يوم قبل وتبقى المرقة ساهلة انا موجدتش الشخشوخة لبارح ومفهمتش وش ندير لغدا ليوم كي نلقاه راني نقولكم
ايا نخليكم وربي يعينا كامل
سلاااااااااااااااااااااااام

الرجاء الاماني المجد · 2015-10-16, 07:33

صباح الخير ام جوجو وشراكي
درت للبنات الفطير باه يشربو الحليب وغدنا بطاطا جواز بالحمص وزردي

omjoujou · 2015-10-16, 07:46

صباح النور الرجاء بصحتك لفطير ابعثيلي شوي نشرب بيه لحليب

ام أمينة · 2015-10-16, 08:04

السلام عليكم ورحمة الله وبركاته
صباح الخير كامل لبنات وش احولكم ﻻباس نهركم زين
صباح الخير أم جوجو وش صبحتي لاباس
صباح النوور حبيبتي الرجاء بصحتك ولفطير
انا ليوم معوله على سبقيتي وربي يستر زوجي ميحبش العجائن والله حرت وش ندير

ام أمينة · 2015-10-16, 08:06

اقتباس:

المشاركة الأصلية كتبت بواسطة شمس الشتاء

اول مشاركة لي في منتدانا الغالي لكن ليس اول ارتباط به بل انا اسكنه كبيتي ارجو ان اكون فردا مرحبا به والحقيقة احترم واحب جميع العضوات واشكرهن جزيل الشكر لاني استفدت كثيرا منهن جزاكن الله خيرا

مرحبا بيك اختي الكريمة معانا أن شاء الله يعجبك الحال معانا

: dj_17:

الرجاء الاماني المجد · 2015-10-16, 08:13