اهلا بكن في الجزء 146 من كوزينتنا .اهلا وسهلا بيكم

[شمس الملوك]

شكرا لك أختي أم لجين هيثم وجزاكالله خيرا

[ام طيري الجنة]

السلام عليكم
تحياتي الحارة لكن جمييييييييعا نحبكم بزاااااف و ان شاء الله يرجعلي الخاطر في القريب العاجل و نرجع نصور و نشارككم حبيباتي
في الحقيقة حبيباتي ماكنتش حابة نقلقكم معايا لكن بما انكم عندي اكثر من اخواتي نقوللكم واش شاغل بالي هو مرة خويا مسكينة راهي في المستشفى وفوتت العيد تم بعيد على وليداتها ادعولها ربي يشفيها امانة حبيباتي هي انسانة مؤمنة وتقول غير الحمد لله ان شاء الله ربي يشفيها دعواتكم حبيباتي

تصبحن على الخير و البرات ربي يفرحم دييييييييييييييييييييييييييييما
وهذا باروك بسيط من الارشيف
[IMG]
[/IMG]

[رفيف رانية]

السلام عليكم ورحمة الله وبركاته
حنووووونااااااتي تعيشو جاوبوني طهرت وليدي قولولي كيفاش نداويه يطيرو الخيط وميتضرش تعيشو راهو تعذب مسكيبييين تعيشو حنووووونااااااتي متبخلوش علياا ب وردكم
وراني دخلت طول للصفحة الاخيررة المراجعة. راني 00000000
سامحوني راني لاهية بوليدي حبوبي مسكين
سلااااااااااام وفي انتضار الردود وشكراااا مسبقاااا

[ام طيري الجنة]

الف مبرو ك على وليدك اخت رفيف وعقبال عرسو ان شاء الله
اما عن سؤالك فوالله ماعندي خبرة في الموضوع لكن الان الحمد لله بفضل لي كوش ما راهمش ينضرو بزاف وماتخافيش عليهم من الحوادث انا نطن ديريلو الدوا كيما قالك الطبيب و راقبي من حين لاخر لاكوش ما تغفليش عليها لانو بعيد الشر ممكن تكون نزيف تفيقيلو من الاول و ان شاء الله ربي يشفيه و تمر عليه و عليك بسلام

[رفيف رانية]

المشاركة الأصلية كتبت بواسطة ام طيري الجنة

الف مبرو ك على وليدك اخت رفيف وعقبال عرسو ان شاء الله
اما عن سؤالك فوالله ماعندي خبرة في الموضوع لكن الان الحمد لله بفضل لي كوش ما راهمش ينضرو بزاف وماتخافيش عليهم من الحوادث انا نطن ديريلو الدوا كيما قالك الطبيب و راقبي من حين لاخر لاكوش ما تغفليش عليها لانو بعيد الشر ممكن تكون نزيف تفيقيلو من الاول و ان شاء الله ربي يشفيه و تمر عليه و عليك بسلام

اهلين حنونة صح عيدك و كل عام وانت بخير

يبارك فيك حنونة تعيشي على الرد ربي يخليلك ويفرحك بولادك

[زينب 83]

مساء الخير

رفيف الف مبروك على وليدك حبيبتي ، شوفي عن تجربة ماكانش احسن من زيت الزيتون ، شوفي انا نديرو في بلارة تاع زجاج و نحطو في ماء يغلى باه يتعقم و مباعد ولادي غير يجيو من عند الطبيب نحيلهم البونسمو و ندير زيت الزيتون و ليكوش و مل مرة نحطلهم كمية معتبرة و الله غير تمتم تم يبراو و مانحسش نهايي بيهم ، لكن كل ماء نبدل لاكوش نظف الجرح بالمعقم ، ماء الأكسجين و نديرلهم البيتادين ، ربي يشفيه و يعافيه ، تاني الماء الدافئ و الملح قريت بلي مفيد لكن انا ماجربتوش

نروح نشوف واش حطيتو

[رفيف رانية]

المشاركة الأصلية كتبت بواسطة زينب 83

مساء الخير

رفيف الف مبروك على وليدك حبيبتي ، شوفي عن تجربة ماكانش احسن من زيت الزيتون ، شوفي انا نديرو في بلارة تاع زجاج و نحطو في ماء يغلى باه يتعقم و مباعد ولادي غير يجيو من عند الطبيب نحيلهم البونسمو و ندير زيت الزيتون و ليكوش و مل مرة نحطلهم كمية معتبرة و الله غير تمتم تم يبراو و مانحسش نهايي بيهم ، لكن كل ماء نبدل لاكوش نظف الجرح بالمعقم ، ماء الأكسجين و نديرلهم البيتادين ، ربي يشفيه و يعافيه ، تاني الماء الدافئ و الملح قريت بلي مفيد لكن انا ماجربتوش

نروح نشوف واش حطيتو

يبااارك فيك حنونة شكراا
كنت راخ نراسلك ومقدرتش
المهم شكراا على الرد انا ولدي مخيط وخايفة من الهيط يلصق في لا كوش وزيدي بغيتو يطير وحدو مسكين شفني حبيب قلبي

[wahibaazel]

اصبحنا واصبح الملك لله والحمد لله لا اله الا الله والله اكبر.
اللهم اني اسألك باسمك الاعظم الذي إذا دعيت به استجبت،اللهم اشف استاذتنا دائمة الحمد ،وجميع مرضى المسلمين.
رفيف غاليتي مبارك عليك للاسف ماعنديش معلومات لكن نعرف زيت الزيتون يقولو مليح.
ام طيري الجنة اهلا بعودتك كيف الاحوال للاسف ماظهروش الصور.
عازفة اممممم ماشاء الله عليك.
ام لجين هيثم القاطو تحححفة.
البنات كامل ماشاء الله عليكم.
الغدا باذن الله نعمل مرقة زيتون وراني سخفت على المطلوع لا قدرت نعملو لانو عندي البانتر .

[omjoujou]

السلام عليكم ورحمة الله وبركاته

صباح الانوار غالياتي
ام امينة وش يدير ولدك ريح شوي من السعلة؟؟؟؟؟؟
اختي رفيف انا طهرت وليداتي في زوج وكنت نداويهم غير بزيت الزيتون و يطير الخيط وحدو وكي تشوفي الجرح بدا يدير القشرة ديري دوا لحمر ليوزين
كل الملتحقات صباحكم سعيد
غدايا شخشوخة الضفر راكي تسمعي ام انس

[omjoujou]

المشاركة الأصلية كتبت بواسطة مسلمة بالفطرة

ام جوجو عجبني الروز تاعك فهميني فالحشوة واش درتي فيها تعيشي حبيبتي

تفضلي حبيبتي الرابط تاع الوصفة تاع الروز لي درتو انا تبعت كل الخطوات الموجودة في الوصفة
https://www.djelfa.info/vb/showthread.php?t=1870352

[omjoujou]

نسيت نهني حبيبتي ام وابنة بمناسبة عيد ميلاد الطبوزة تاعها ان شاء الله لعقوبة 100 سنة وربي يكبرها في طاعتو و تشوفيها في اعلى المراتب هي و خوها وتفرحي بيهم ونفرحوا معاك


حبيباتي ام حبوبة و الرجاء الاماني يسعدلي صباحكن
البارح جابلي زوجي الزيتون باه نرقدو شلحتو درتو في البيدون و ضفتلوا الماء برك نبقى نبدلو في الماء حتى تنقصلو المرورة و نزيدلو الملح

[Oum Habouba]

صبااااااااح الخير حبيباتي اتمنى لكن يوم موفق وسعييييد
صباح الخير ام جوجو نهارك مبروووك
اليوم فطوري ان شاء الله لوووووووووبييااااااا

[الرجاء الاماني المجد]

صباحالخير ام جوجو وام حبوبة

[ام أمينة]

صباح الخير لبنات
حبيت ندير الحم لمفور في الكسكاس وقلت نديرو في كيس الشواء ونحطو وقيلا قلت عليه ليزا الحبوبة يعني متطرطقش الكيس كي يسخن اول مرة راح نديرو ومنديرش المنيوم جوني تصلح وللللللللللللللللللللللللل

ام رفيف حتى انا بني كي طهر خيطوه رهم ولو يطهر هكذا ودرتلو غير زيت الزيتون كثري في ليكوش ومتخافيش ميسرالو ولو عن تجربة
الف الف الف الف الف الف الف مبروك

[ام و ابنة]

السلام عليكن

ام جوجو الحبيبة ربي يفرحك و يحفظلك وليداتك و يوفقهم و يرزقك برهم يعطيك الصحة فرحت كي صبتك تفكرت بنتي بالدعاء الجميييييل مع صباح ربي
يالفحلة ما علاباليش بيك تعرفي تخدمي الزيتون انا خاطييييني

ام امينة نظن يصلح كيس الشواء و ما تنسايش تثقبيه شحال من ثقبة بش ما يطرطقش خخخ

ام رفيف ما تخلطيش بزاف في وليدك حاشاك البول تاعهم يطهر الجرح و يداويه و ما تخافيش ضرك تم تم يبرا اذا صغير و كيما قالولك البنات زيت الزيتون مليح و كذلك البيتادين

صباح الخير الرجاء قولي لي من وش تكتبي ميكرو و لا تابلات و لا جوال بصح عالعموم كي تكتبي جملة او فكرة و تكمليها اضغطي على الرجوع رايحة تنزلك للسطر الجديد

ام حبوبة بصحتك اللوبيا مقدما

ام طيري الجنة ربي يشفي مرة خوك و يعافيها و يحفظها لوليداتها

انا غذايا باذن الله بوزلوف تشكشوكة في الفرن مع حبيبات بطاطا على جال اولادي طبعا اذا ما بدلتش رايي خاطر باذن الله رايحة نعمل الكيكة تع بنتي بش نديها لدارنا العشية ان شاء الله يا ربي يخلوني اولادي في غرضي وليدي ما ديتوش للماترنال اختو ما زالت مريضة ما تحبش تنوضلي بكري و تتقلق و هو ثاني شويا مقريبي بصح الحمد لله ماشي مضرور كيما هي