الجزء 71 من واش طيبتي ليوم؟؟؟..مرحبا بيكم ياأحلى شلة - الصفحة 57

lilouchaf · 2014-04-28, 09:15

اقتباس:

المشاركة الأصلية كتبت بواسطة أم فاطيمة

صباح الخير الهام الحمد لله على سلامتك
ام هديل مرحبا بيك و ربي يقويك على التوأم
ليلو واش راكي

واش راكي ام فاطيمة والله هادي غيبة وين كنتي وكيف احوالك

اقتباس:

المشاركة الأصلية كتبت بواسطة islam1aya

بنات الامس طبقت معقودة ام سهام رووووعة وماتنحلش في المقلة وبنينة بزاف
شكرا على الوصفة ام سهام الغالية طيابك اهبل

خرجت هايلة ام اسلام بارك الله فيك

اقتباس:

المشاركة الأصلية كتبت بواسطة scorpionoir

صباح الخيرات الهاموووووووووو وشراكي هذي غيبة ان شاء الله لاباس ؟
الاعشاب هذو تبيعهم للناس ؟ اذا تبيعهم وين جات حابة منهم .
ليلو وينو موضوعك نزوروك
راح ندير تليتلي للغدا بالجاج نبرد فيه قلبي قبل ما يجي سي السيد ويحرم علينا ههههههه

ساندريلا هاهو

https://www.djelfa.info/vb/showthread...post1056238415

R I A D · 2014-04-28, 09:15

ليلو الله يسلمك ... اييه رميت لها واحد حاااار

ام هدولة طيابك هايل تسلم ايديك

ام فاطيمة اهلا حنونة و عودة ميمونة

ام اسلام الله يبارك المعقودة تهبببل جات تقول عليها لي بينيي

اللهم اني اعوذ بك ان ازل او اٌزل
و اعوذ بك ان اضلّ او اٌضلّ
و اعوذ بك ان اظلم او اٌظلم
و اعوذ بك ان اجهل او يٌجهل علي

دائمة الحمد · 2014-04-28, 09:15

صباح الخيرات لكل الملتحقات ومرحبا بكل الجديدات
ام هدولة تعيشي حطي طريقة الملوي راني مهووسة بكل انواع الخبز والكسرة
غدايا عملت كسرة رخساس عجنتها وراهي ترتاح بالش نطيبها
وعملت جاري ونكمل دي فريت وسلطة والف حمد لله
انتهزت الفرصة راني نفرز في البلاكار لي في لا شومبر تاعي راهي من السقف للارض

إلهام07 · 2014-04-28, 09:23

ليلوشاف : التشويق أهم عنصر كل مانتظرتو يكون أحسن خخخخخ
والله كسل برك
أصلا عندي 15يوم ماصورت حتى طبق حتان نتعشاو ونخلصو باش نتفكر

أم إسلام ربي يخليك حبيبتي قوليلي ماتشربش الزيت هذيك الوصفة ؟
لاخاطر جربت وصفة نتاع فايزة ربح تشبه فيها وشربت الزيت عجب بنينة بصح مزيتة بزااااااااف

ساندريلا حبيبتي دارتهوملي بصفة ودية ماهيش تاجرة
جيتي بعيدة لوكان في سطيف نقوللها ديرلك ونبعثلك

ربي يخليك حبيبتي رياض والله من الفرحة صورت شعري قبل شهر وبعد شهر كنت رايحة نحطلكم موضوع عن العناية بالشعر والله تحسي فرق كبير
وزدت جربتهم في شعر أختي وصورتو قبل وبعد
جات صاحبتي مسكينة هي على نيتها بصح عندها ساكنها جن مسكينة تأذي الناس بعينيها عن غير قصد
جيت نعاود خماري شافاتو هبلت ( كانت شافاتو مقصوص جديد ) قاتلي ياربي شعرك في أقل من شهر طوال لرقبتك وأنا شعري هوهو
والله رقدت الصباح لقيت في أسفل رقبتي 2 ولاسس يوجعو شوية ، قاتلي أختي هذو الغدد تنفخو
بطلت مانحطش الموضوع

ام احمد وصال · 2014-04-28, 09:23

اقتباس:

المشاركة الأصلية كتبت بواسطة إلهام07

صباح الخير حبيباتي
راني امتثلت لاوامر بروقة وأم ماجد وام تاج والباقيات لازم نطل ومانغيبش نخاف جيني عقوبة

شفت طياباتكم كامل وراجعت الأرشيف يعيكم الصحة ولانكم ماشاء الله بزاف حطيت أيقونات شكر وكي وصلت لام ماجد مسكينة في زهرها خلاصو :d:d:d:d:d:d:d

حقةأم ماجد ربي يخليك فهميني في الأفخاذ اللي مع لابيري عجبوني هذوك تطبيق ولا واش ؟

أخت شاوية حرة : حبيبتي هذوك أعشاب خاصة لتقوية الشعر وتغديته ومنع التشاقط وعلاج للقشرة وتطويل الشعر وإرجاع اللمعان
حبيبتي خدمتهوملي وحدة معرفة فيهم أكثر من 30 عشبة وفيهم حتى أعشاب نادرة يجيبوهم فقط من مكة المكرمة والله هايلين عندي قريب شهر نستعمل فيهم راحت القشرة من أول استعمال ( كنت كارهة حياتي معاها ) والتساقط نقص بزاف وشري ماشاء الله رجع يلمع بزاف و طوال في شهر قيس مايطوال في 3 أشهر والله هايلين

بصح ديريهم كيما الحنة ماشي تشربيهم

كل خميس نلبخهم على راسي ونرقد والصباح نغسلهم :d:d:d:d:d عجوزة :d:d:d:d

حبيبتي رياحين راني جاوبت الاخت شاوية حرة
الأعشاب شريتهم مخدومين واجدين بصح غاليين شوية بصح راهي الكمية تكفي حوالي 3 أشهر بصح لازم المداومة عليهم
والله عن تجربة صدقيني الطبيعة داوي حوايج الطب الحديث يعجز عليها
تخيلي ياخي البواسير علميا راهي مرض مزمن لا علاج له ، أنا مرضت بيهم في حالة حتان رقدت في الفراش والله العظيم شريت أعشاب من عند واحد يديرهم ويرقيلك فيهم والله غير منين كليتهم ورقدت الصباح صبحت كي الحصان تقول كنت نكذب
عليها ننصحكم ديما شوفو أطباء الطب البديل وتداوو بالأعشاب إذا مانفعوش مايضروش

أخت riad ضحكتيني :d:d:d:d:d
شوفي أنا أجرأ إمرأة في قص الشعر ممكن نرازي شعري وماتتحركلي حتى شعرة عادي خلاااااص ومالفة كل عدة سنوات كي نكتئب نقصو قصير بزاف نستراح

ما نتحيرش على حاجة تخلف

والحمد لله مع أعشاب تطويل الشعر والله شعري راهو يطوال بشكل غير طبيعي
علميا يقولك الشعر مستحيل يطوال اكثر من 1.2سم في الشهر انا شعري طوال 1سم في أسبوع :d:d:d:d:d
ضرك ندير حالة في لي كوب نتاع الشعر :d:d:d:d:d:d:d:d

راني نشوف باللي جاتكم حمى تورتة الشاورما والواحد راهو مشومر لازم تحشمو شوية :d:d:d:d:d

اهلين اللهلوبة واش راكي يا الحبيبة وشحال يستقامو هدو الحشاوش انا شعري خف مره وحتى الع بنتي خفيف وين نلقاهم

عشايا بربوشة بالفول والغدا ربي يجيب

lilouchaf · 2014-04-28, 09:24

صباحك عسل ام يسرا واش وجديتلنا اليوم

kaouka · 2014-04-28, 09:25

رياد شكرن عزيزتي

oum ibrahim · 2014-04-28, 09:26

صباح الورود و الهناء و السعادة
واااااااااع مهرجان الجلبانة ماحبش يخلاص ههههههه
غدايا ان شاء الله سردين و نزيد معاه روز و الحمد لله
لهاليبو على سلامتك هاتي مافي جعبتك

lilouchaf · 2014-04-28, 09:31

اقتباس:

المشاركة الأصلية كتبت بواسطة kaouka

رياد شكرن عزيزتي

برافو كاوكا راكي لقيتي تكتبي بالعربية

R I A D · 2014-04-28, 09:38

يا عمرييي ...الهام..... صح العين تقيس عن قصد و لا عن غير قصد
قالك كي تعود تعرف الي عاينك ...كي يجي عندك حطلو التمر و كي ياكل و يشرب القهوة ويروح
خذي نوى التمر الي كلى و خلاه و ديريه في الماء و كي تدوشي و تخلصي شللي به
و كذلك فنجان القهوة و لا كاس الماء المهم الحاجة الي قاسها بلعابه ....
و ربي يحفظك من العين و الحسد يا رب امين

دائمة الحمد بصحتك الرخسيس و الجاري
و الله يعينك انا السمانة الي فاتت فرزت خزانة بيتي و خزانة الي في الكولوار في زوج قش برك ...ياو جبت معاهم نهااار كامل
الله يعينك

كوكة يا سلاااااام الحمد لله كي نجحتي ...من قبيل و انا نستنى فييييك
يعطيك الصحة نستعرف بيييك

حبيبتي صبرينة هذا وين شفت المشاركة تاعك ...قبيل ما خرجتليش
صباحك بالخير و الربح ....
لالالالا ا
الفال ليك ان شاء الله تفرحيني بوليد و لا بنيتة

سبوح قدوس رب الملائكة و الروح

إلهام07 · 2014-04-28, 10:02

أماني حبيبتي الأعشاب دارتهوملي وحدة حبيبتي ليا فقط ماشي يتباعو وهي أصلا ماهيش تبيع فيهم

ام برهوم يا دلاعتي الغالية نسيت نجيب الصور وأصلا عندي ضغط عمل حبيبتي ماكانش حاجة مهمة راني وليت كسولة ومانيش نطيب وزيد التشومير داير فيا حالة هذو ليام :d:d:d:d:d:d

إلهام07 · 2014-04-28, 10:07

حقة تفكرت نقوللكم حاجة هي فكرة بسيطة :
أنا نشري الكرواسون كل يوم بصح مانرميش الكيس نتاعو نخبيهم عندي منهم عرام :d:d:d:d:d:d:d
هذوك راهم من نفس خامة ورق الزبدة لذلك كي ندير قراتان ونشوف المول معمر نفرشو تحت المول إذا ساح شوية ولا طار منو رذاذ كي يكون يغلي لداخل في الفرن يسيح فوق هذاك الورق وراهو مايترحرقش وغير نفوذ للماء كي نخلص نرميه
وهكذا ماشي كل مرة بعد ماندير القراتان نغسل البلاطو ولا القاع نتاع الفرن
وثاني كي ندير تارت ولا قاطوات نفرشو في البلاطو ونخدم عادي مايلصقش هايل كيما ورق الزبدة
نحب نقتصد لاخاطر نشري الكرواسون كل يوم الصباح في الخدمة عندي منهم عرام ونخدم بهذاك الورق بزاف
ماتقولوليش مشحاحة والله مسرفة جدا بصح نحب نقتصد كي نقدر :d:d

رياحين الجزائر · 2014-04-28, 10:07

المشرفات والمشرفين اسمحولي راح انحط سؤال خارج الموضوع بصح والله والله من حسرتي وراني مانرقد هد الايام
حبيباتي راكم علابالكم اكل بنتي بلي مريضة وسببها خطا طبي وقالولي اكل حتى ولو دارت العمليات مش راح تبرى 100ب100 حبيت نسالكم نشكي بالطبيب اللي تسببلها ولا انخليه لربي سبحانو لانها راح تبقى تعاني في حياتها اكل وخفت كي تكبار اتقولي علاه ماجبتبليش حقي يا ربي مافهمتش واش اندير اللي تجاوب تبعثلي على الخاص ولا في قسم الهام للدردشة راني محتارة

scorpionoir · 2014-04-28, 10:16

اقتباس:

المشاركة الأصلية كتبت بواسطة إلهام07

حقة تفكرت نقوللكم حاجة هي فكرة بسيطة :
أنا نشري الكرواسون كل يوم بصح مانرميش الكيس نتاعو نخبيهم عندي منهم عرام :d:d:d:d:d:d:d
هذوك راهم من نفس خامة ورق الزبدة لذلك كي ندير قراتان ونشوف المول معمر نفرشو تحت المول إذا ساح شوية ولا طار منو رذاذ كي يكون يغلي لداخل في الفرن يسيح فوق هذاك الورق وراهو مايترحرقش وغير نفوذ للماء كي نخلص نرميه
وهكذا ماشي كل مرة بعد ماندير القراتان نغسل البلاطو ولا القاع نتاع الفرن
وثاني كي ندير تارت ولا قاطوات نفرشو في البلاطو ونخدم عادي مايلصقش هايل كيما ورق الزبدة

نحب نقتصد لاخاطر نشري الكرواسون كل يوم الصباح في الخدمة عندي منهم عرام ونخدم بهذاك الورق بزاف
ماتقولوليش مشحاحة والله مسرفة جدا بصح نحب نقتصد كي نقدر :d:d

والله فكرة مليحة ماهيش تمشحيح الوحدة تريح روحها ساعات ماشي ديما تحك وتغسل و و ..............

اقتباس:

المشاركة الأصلية كتبت بواسطة رياحين الجزائر

المشرفات والمشرفين اسمحولي راح انحط سؤال خارج الموضوع بصح والله والله من حسرتي وراني مانرقد هد الايام
حبيباتي راكم علابالكم اكل بنتي بلي مريضة وسببها خطا طبي وقالولي اكل حتى ولو دارت العمليات مش راح تبرى 100ب100 حبيت نسالكم نشكي بالطبيب اللي تسببلها ولا انخليه لربي سبحانو لانها راح تبقى تعاني في حياتها اكل وخفت كي تكبار اتقولي علاه ماجبتبليش حقي يا ربي مافهمتش واش اندير اللي تجاوب تبعثلي على الخاص ولا في قسم الهام للدردشة راني محتارة

الله غالب مانقدرش نجاوبك على الخاص ولا قسم الدردشة ممنوعين عليا حتى نبدل عضويتي اليومين هذوا .

رياحين الجزائر · 2014-04-28, 10:20

خسارة الهام احنا ابيعوهم عندنا في ساشي عادي ههههههه