صفحة المشطوبين بعجز غير منسوب للخدمة

[الوحش مراد]

مكان والو يرضا الديكوتاج والنهار كما خوه وانا رايح نرقد شهرين وندير فوطوكوبي لنهار اليوم ؟؟؟؟؟؟؟؟؟

[الوحش مراد]

ملي خرج الواي الواي مشتنا والو؟؟؟؟؟؟؟؟؟

[الوحش مراد]

يرضا رانا نتسنو في 2016 وينتا يدخل كانش ميكون فيه جديد اما 2015 باين من نهار الأول رايح يفوت مقود ؟؟؟؟؟؟؟ظ

[الوحش مراد]

قعدنا في هدا المنتدى نتاع داعش نعلقو في النجوم بلا فايدة لدار لدورو وقاعدين ندورو هاهههههههههه

[RIDA 24]

المشاركة الأصلية كتبت بواسطة الوحش مراد

قعدنا في هدا المنتدى نتاع داعش نعلقو في النجوم بلا فايدة لدار لدورو وقاعدين ندورو هاهههههههههه

ههههههههههههههههههههه

[الوحش مراد]

يمراد راه جاي كأس إفريقيا يلاهو بيه الشعب وعلابالك اللجان لازم يتفرجو للماتش ومن هنا نستنتج أن شهر جانفي وفيفري مكان والو والجديد شهر مارس لعنده كانش نعجات يروح يسرحهم ولعنده كانش أرض يروح يزرعها لي حاب يخدم يروح يبيع البطاطا وإن شاء الله نتلاقاو في شهر مارس وكلنا سنعرف الجديد يخي راكم فاهمين أيا تبقاو على خير وتهلاو في رواحتيكم باي باي ؟؟؟؟؟؟؟؟؟؟؟

[ahmed wala]

المشاركة الأصلية كتبت بواسطة عزيز غياط

ياخي اتقي الله من كان يبيت في العراء لما كنا نحضر الاحتجاجات حتي أنني نخدم فالشانطي ونحتج ياخويا لعنة الله علي الكادبين يقولون الثورة ينجزها الرجال ويرثها الجبناء اين كنت مند زمان لما كنا نتصل بالخاوة واحد يحتج يقولك خدام واحد راقد رب يهديك ياخي ساحة التوت تعرفنا وساحة بلكور تعرفنا وواجهة البرلمان تعرفنا ومرصد حقوق الانسان يعرفنا هزتنا الشرطة بتنا في العراء واليوم رانا نحشيو للغاشي رب يهديك ويبصرك لوكان جيت تعرفني وتعرف ماقصيت مع المرض والاحتجاجات والله ماتقول غياط راه يحشي للغاشي حسبي الله ونعم الوكيل يقول المثل ادا اكرمت الكريم ملكته وادا اكرمت اللئيم تمرادا

hالسلام عليكم ورحمة من الله .اللهم اجعلنا من المتقين يا اخي عزيز غياط انا اطلب منك السماح ان جرحتك بهديك الكلمة واسف اخي والان دوري نقولك خويا انا جيت للبليدة مرة واحدة لحضور الاعتصام وكان معي اخي كمال ربي يخليه ثانيا اخي عزيز انت تقول ثورة وانا قاري سشوية تاريخ لكلل ثورة هناك خيانة في الثورة والفاهم يفهم الحمد لله انا ما خدمتش القضية صح وانا مقصر لكن ما كنتش ايضا مع 10 لي دخلو عند دحماني وقالو سويلنا الوضعية تاعنا برك حنا والباقي الشكارة والبحر لهدي في النظر تاعي مش كفاح هدا هو النفاق بعينه اخي عزيز وحاشاك لا اقصدك اخي بلاك تزيد تتوسوس مني هههههههههههه لكن اخي انت لا تعرفني من فضلك ما تحكمش عليا وعمري ما كنت جبان في حياتي وما تربيتش على الكدب لاني شاوي حر وعندي النيف انا كي نتكلم لم اقصد از نقيسك بكلامي واعرف وانا اطلب السماح منك مرة ثانية لكن نتمنى انت تراجع كلامك خويا نزيدك حاجة خويا عزيز يقول الرسول عليه الصلاةوالسلام لا تتبعوا اعمالكم بالمن لان المن يدهب الاعمال اي تفكر الناس دائما بافضالك نعم وشكرا لك اخي لكن اين هي القضية لي ضحيتي عليها هل استفاد منها الزواولة والفقراء لا لان اليوم كاين جماعة عطاوهم 00 عجز يا اخي لا تدع جنون العظمة يتملكك تواضع لله يرفعك وحسن الالفاظ ومخارجها لانك لا تستطيع ان تدعي شئ على شخص وانت لم تره حتى في الحلم نتكلم كيما هك لاني قلقت من كلامك لكن تعلمت نتصرف باحترام ونتكلم باحترام ونعتدر ان اخطات اخي عزيز غياط اسف ان اسات اليك في كلامي وارجوا تقبل اعتداري ل3 مرة وهدا المنتدى هو للترويح عن النفس فقط لان لي عندو لمعارف والله مايسمع بيه خويا لعزيز واقول لك ان شاء الله نتلاقاو وتعرفني في هداك الوقت خويا احكم عليا ونتمنى ماتلقانيش جبان وكداب وانا نكلم معاك هك لانو كاين اخ يعرفك مليح يمدح فيك حسيت بلي غلطت في حقك لكن نتمنى تعاود تقرى لي كتبتيه انت وتخمم ورجع ربي يجيب الخير والسلام عليكم ورحمة من الله وبركاته

[ahmed wala]

ويقول المثل ايضا ا رايت سخي لنفسِ يأتيهِ رِزقهُ … هنيئاً ولا يُعطى على الحرصِ جاشعُ
وكلُّ حريصٍ لن يجاوزَ رزقه … وكم من موَّفى رزقهُ وهو وادعُ

[زوالي افحل]

السلام عليكم اخي احمد واش راهم يقولو اليوم في البليدة؟؟؟

[ahmed wala]

اليوم فاتو غير جماعة لمعارف والتيلفونات يعني غير لي فارزينها ههههههههههههههههههههه

[utbs]

بعد التحية السلام
شكرا علي كل من كان السبب في تطور القضية لكن النضال لابد ان يكتمل خاصة اولائك الذين سوو الوضعية بان لا ينسو اخوانهم المقصيين والذين مازالو ينتظرون التسوية لاوضح ان المستقبل سيكون باتهاد الجميع ومن يدري بتغييرات تطراء
ومن هنا لابد بالتواصل من اجل معرفة الحقائق والوقائع ورفعها كانشغال وهذا هو دور التنسيقية ليس كما نراه اليوم باكتفاء احد باتسوية ثم يختفي فهذا لا ينفع
فالمطلوب مناظلين اوفياء يخدمون الجميع بنية وصدق وتحظر فاليوم سياتي فلان وغد اخر وهكذا مثل ابطال الثورة
فخلاصة هو رسالة الي المناظلين حتي ولو متخفين بطرح انشغال او معلومات او بيانات او اي شئ يخدم القضية وجعل المنتدي فال خير وهمزة وصل لل وصول الي القمة وهي عالية وغالية فنرجو الصبر في المعاملة كي تتضح الامور وياخذ كل ذي حقه واجركم علي الله

[utbs]

لماذا لا يكون الاعتصام اما كل لجان الجهوية ويكون موحد

[ahmed26500]

السلام عليكم اخواني

هذا ما كتبه حميد فرقاني منذ قليل على حسابه الشخصي بالفايسبوك

السلام عليكم

نطلب من الجميع الصبر قليلا و الكف عن تبادل الإشاعات و الأخبار الكاذبة و القضية راهي في الطريق الصحيح فقط يجب أن نبقي مجندين حتى أخر ملف في القضية فقليل من الصبر

[مراد سابقا]

المشاركة الأصلية كتبت بواسطة ahmed26500

السلام عليكم اخواني

هذا ما كتبه حميد فرقاني منذ قليل على حسابه الشخصي بالفايسبوك

السلام عليكم

نطلب من الجميع الصبر قليلا و الكف عن تبادل الإشاعات و الأخبار الكاذبة و القضية راهي في الطريق الصحيح فقط يجب أن نبقي مجندين حتى أخر ملف في القضية فقليل من الصبر

مرحبا اخ يعني حميد هذا ما قدر يكتب

سبحان الله مقدرش يشبعنا هدرة


المهم اخ احمد كاش جديد كاش ما سمعت

[ahmed26500]

و لله يا اخي مراد الاخبار كثيرة وكل واحد واش يفتي لكن ما تاكدت منه ان كل النواحي عدا الاولى لم تنطلق في العملية ومايتم تداوله عن تسوية فلان وعلان مجرد اكاذيب ومن الان فصاعدا لن اصدق اي اخبار حتى اتاكد منها بنفسي