الجزء 137 من كوزينة واش طيبتي اليوم ((كوزينة النجاح في الدارين ))

[ام و ابنة]

ليزابيل

“وإذا أتَتْكَ مَذَمّتي من نَاقِصٍ

فَهيَ الشّهادَةُ لي بأنّي كامِلُ”


― أبو الطيب المتنبي


لبنات نعتذر منكم ما رانيش نساعدكم بزاف ربي عالم راني مشغوووولة و كي ندخل الحمد لله الاخت أدورنو كالعادة تكفي و توفي و كذلك عدد كبير من الاخوات ربي ياجركم جميعا

[ام و ابنة]

اهلًا عازفة الناي راني نستنا نشوف إبداعاتك في قاطو العيد

ام محمد تاج قتلتني بالضحك على التشاراك دردري عيه بالصفاية شويييية سكر رطب باش يتخباو العيوب

[مسلمة بالفطرة]

مساء الخير لبنات اللي جربو قاطو الكابريس تاع باتيلا السكر عادي و لا رطب

[الرجاء الاماني المجد]

المشاركة الأصلية كتبت بواسطة أم أيوب 11

أم وسيم ها هو الديكور لي قتلك عليه :

[img][/img]

مساء الخير ام ايوب كيف الحال ارجوك اعطني وصفة هدا القاطو لانه جاء روعة ام طيري الجنة لمادا لا تسالين عني توحشتك وصح فطور الجميع

[mina1333]

السلام عليكم و رحمة اللّه وبركاته
ماشاء اللّه عليكم ربي يبعد عليكم عين الحاسدين
من فضلكم من تساعدني وتضع لي وصفة قااتو الطبقاات بالنواادكوكو للزابيل

[ام طيري الجنة]

المشاركة الأصلية كتبت بواسطة mina1333

السلام عليكم و رحمة اللّه وبركاته
ماشاء اللّه عليكم ربي يبعد عليكم عين الحاسدين
من فضلكم من تساعدني وتضع لي وصفة قااتو الطبقاات بالنواادكوكو للزابيل

دخلت مع سؤالك
هاهي الوصفة
قاتو الطبقات بالنواة كوكو lyzzabel


كاين مرحلتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250 غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير و شهية طيبة مممممممم

[ام طيري الجنة]

البنات رجعت في رايي هههههه عييت باش اندير قاطو الطبقات الان راها عندي بقلاوة درتها في السنيوة و تحفتها و غلفتها و راح نديها اما قاطو الطبقات نخليه للعيد ان شاء الله نحب القاطو اللي يجي ضربة وحدة و يتقطع خخخخخخخخخ فنيانة

[الرجاء الاماني المجد]

ارضاء الناس غاية لاتدرك ورمي حمولك على الله لانه هوالدي يفرج ويزيل الهموم انام مظلومة ولاانام ظالمة

[الرجاء الاماني المجد]

المشاركة الأصلية كتبت بواسطة الرجاء الاماني المجد

مساء الخير ام ايوب كيف الحال ارجوك اعطني وصفة هدا القاطو لانه جاء روعة ام طيري الجنة لمادا لا تسالين عني توحشتك وصح فطور الجميع

ام ايوب انني انتظر الوصفة ارجوك

[ام طيري الجنة]

المشاركة الأصلية كتبت بواسطة الرجاء الاماني المجد

مساء الخير ام ايوب كيف الحال ارجوك اعطني وصفة هدا القاطو لانه جاء روعة ام طيري الجنة لمادا لا تسالين عني توحشتك وصح فطور الجميع

يا عمري انتى الخير و البركة كيفاش ما نسألش عليك راني سألت عليك و صبّحت عليك في الصفحة 56 اااا ه ماراكيش تراجعي دروسك مليح ههههههه على بالي رانا مشغولين و راه المخ يخدم اكثر من اليد هذو الليامات باش الواحد ايدير لاليس فينال نتاع القاطو و زيد يليق يخمم في الفطور الله يعينا يا درا درتي لاليس و الامازال مع التخمام ربي يعاونك

[lyzzabel]

سلاااااااام حبييباااتي ،، الخرجة تأجلت لبعد الفطووور ان شااء الله خااطرش الحمااان بزااااف 43 درجة ربي يلطف بيينا

ام ايووب حبييبتي ما تخافييش مالكابرييس ،، مين يخلط مع المعجوون يولي طري و ما يتعلكش خااااالص

ام نسرييين ربي يعااونك أكيييد تخرجييه أحسن من الأصل و شكرااا على الثقة يا غااااالية

حبييباااتيي ربي يخلييكم لياا و ما يحرمنييش من رفقتكم الصاادقة شكرااا على الدعم والله تطلعو الموراال بالسيييف علييه هههه مواحاااااااات

سكروووورتيي لوكاان غيير جبتي الشلة ايااها غلغلني هدااك العبد هههه

فقط نزييد نوضح لحبييبااتيي ،، كنت في موضووعي تااع صاابلي البريستيييج و لقييت وحد الرد حطمني معنوياا ،، الله يهدي صاحب الرد ،، قاال صاحب خبرة قاال بففففف

و الآن و بعد ان ولييت لحمااسي نقووللكم صحييييتو على تعليقااتكم فيما يخص وصفة الصابلي لي كتبتهاالكم اليووم و أي وحدة منكم تشووفها في سمييرة tv تخبرني نجييب سكروورتي و الشلة و نرووحو لمقر القنااة هههه

فطوورنا بوداان جاابه ن ع نزييد معااه سلطة الأرز و لي فرييت للأولااد و للكباار خخخخخ عندي الحرييرة و الخبز من ياامس و الحمد لله على نعمه حمداا كثيراا طيباا مباركا فييه

ام و ابنة تسلم الأياااديي يا الحبييبة حلويااتك روووووعة و تباان هشوووشة و بنيينة بصحتهم لي يااكلوهاا و هنييئاا لهم بييك و ربي يعااونك و يشفييك عزييزتيي

ام نسريييين بصحتهاا حبييبة قلبي الهدية لوكاان قلتيي كنت ترسلكم عند وااحد كونفيوونس و يتهلى فييييكم ،، عااد بالااك راكم شرييتو من عنده هههه يااك في كاستوور

صبرييينة بااارك الله فييك على كلاامك الراااائع والله فرحتي لاا تووووصف بصحتهم الجاالية المسلمة يعطييك أللللللف عاااااافية و ربي يتقبل منك صاالح الأعمااال غااليتيي

بناااااات شكرااا على دعمكن لهيييييه

[ام طيري الجنة]

يا حبيباتي كثرو الاسئلة هذو الليامات و انا الاولى هههههه
حبيت تعطيوني أفكار غدوة ان شاء الله راح يجيو زميلاي في العمل يحمدو لنسرين حبيت انديرلهم تارت باردة و بريزونتابل اعطيوني افكار
راني نقول بلاك ندير نتاع اللي تجي طبقة جينواز و 2 طبقات بالفلون او العصير ومايزينة او ..... تلفتلي واش رايكم

[الرجاء الاماني المجد]

المشاركة الأصلية كتبت بواسطة أم أيوب 11

أم وسيم ها هو الديكور لي قتلك عليه :

[img][/img]

ام ايوب اعطني وصفة هدا القاطو لانه جاء روعة ام طيري الجنة القائمة هي حلوة المنقوشة وصابلي ومقروط السنيوة وحلوة محشوة بالحلقوم

[lyzzabel]

ام نسرييين كااين وصفاات الغالية ام امااني ترتااتها هااايليييين ديري وحدة منهم شفت الشيراات عجبتهم بزااااف تااع الماجوور و الفلاان

ام وسيييم العجيينة تااع التشارااك العرياان غيييييير العجيينة السحرية راهي ما تصلحش حنوووونة

حبييبتي الأمااني المجد بااارك الله فييك و لك و بالتوفيييييق في صنع الحلوياات عزييزتيي

[ام طيري الجنة]

ليزا الحبيبة الحانو ت اللي شرينا منه في بوان ديجوغ و بالنسبة للشلة ما تخميش قاع رانا معاك ههههههه نجيبو الورد ونجيييو كخخخخ احنا ناس مسالمين الله يهدينا
الرجاء الاماني المجد بصحتك لاليست راهي شابة بالتوفيق