جزء***135***من واش طيبتي اليوم

[أم هبوبة]

كنت ناوية اليوم على طبق الزيتون بطريقة اليسون لكن جاتني عرضة للفطور خويا راه عارضني باش نفطر عنده انا و كل العايلة ربي يحفظه و يباركله في رزقه و ماله و يعطي الصحة لزوجته المسكينة رايحة تتعب اليوم .
طبقت شعال من طبق في هدا رمضان لاخوات الي حبيت نشكرهم عل المجهود الي راهم يبدلوه في طرح الوصفات و الي كلها رائعة
عملت سفيرية زينب 83 و شطيطحة الدجاج لاسمهان روعة كدلك اسكالوب مرحي بالمرقاز دوق رائع و اصابع الدجاج بالمرقاز لام اماني و بطاطا بكريم فراش لالهام و الكل وصفات ناجحة و البنة مممم ربي يبارك في صحتهم و اولادهم
لكن راه حاكمني العجز على باش نصور الاطباق و نحطهم

[زهرة الريف*]

وااااااااااو أم فاطيمة كلش فور ربي يكثر الرزق ويدوم النعم
أم كاميليا منور خيتي أم باسم مرحبا بك ورمضان مبارك
زينب بسم الله وماشاء الله راكي علامة من النوع الغالي والممتاز ربي يبعد عليك العين
لبنات عييت ولي نسيتها تسمحلي
فطوري بوخفيف يعني ماشي حاجة سلام

[om kamilia]

ام تاجو اهلين يا لحبيبة
زينب راكي ما شاء الله افكار وطبخات
ام هبوبة بصحتك الطيابات انا مكاش لي ياكل نويت بزاف وصفات مزال ماطبقتهمش

[أم محمد تاج]

احلى صباح ام كامبليا وبصحتك الفطووور
حقة ام ياسوووو والله جات في بالي تحلية الكابريس وقاعدة البارح نقرا في الوصفة وعندي حبيبات كابربس مايكفيونيش والله تخيلت الذوق مممممممممم بصحتكم وح ط ي التحريفات يخرب تحريغاتك

نزنق حبيباتي

[om kamilia]

لبنات اليوم عندي شربة , نزيد عليها لوبيا خضراء , وريت و لآ بيري وعندي صدر جاج واش ندير به ؟؟؟؟؟ ونزيد سلطة وبوراك السلق ,
من اليوم ناكل غير شربة خلاص البوراك لحم لحلو , و معجنات
اليوم نزيد ندير خبز فيسال و لآ فوكاشيا نعجنهم بالباتور ههههه و البارح درت خبيزات ام اماني بالسميد ممممم روعة ربي يجازيها خير خرجو متحوفين وبنان زوجي عجبوه وقالي هذا بنين كي البريوش

[أم فاطيمة]

ام طيري الجنة يا بحرية يعطيك الصحة
ام اسلام اطباقك روعة مبصح هذيك الحاجة لمكعبرة واش هي على قول عثمان عليوات
ام ايوب بغريرك هايل بصح حنا ما نكلوهش في رمضان
الاخت بسملة مرحبا بيك بسم الله ما شاء الله عزوفة اطباقك روووووووعة
اسيل بصحتكم مطرح ميسري يمري
ام تاج صباح الخير ما علقتيش على اكلاتي هههه نحب تعليقك
زينوب شكرا ياطيبت القلب ربي يهنيك

[أم محمد تاج]

ام فطيييمة حنووونة اكيد طيابك رائع وااله مانحب نعلق على وحدة ونخلي الاخرى راني نساية نخاف يزعفو مواحاتي حنووونة والمقبلة تهبل والله فكرة رائعة يعطيك الصحة
بصحتكم ام كاميليا حنوووونة

[ارزاق]

عازفة مرة درتي كيكة بالخوخ رووووعة عندها مدة اذا لقيتي الوصفة حطيها ربي يسترك

[ام ساجد]

صباحكم بالخير كامل
ويعطيكم الصح اطباقكم الكل روعة وتشهي
واكثر حاج سخفتني تيراميسو الاوريو تاع عزوفة يعطيك الصحة

هذا فطوري البارح بسيط وعادي والحمد لله

[wahibaazel]

اهلا بالغوالي ،زينب ماشاء الله عليك.
ام فاطيمة تسلم الايادي.
البنات لي حطو موائدهم كامل تسلم الايادي،ماتزعفوش لاني ماتفكرتش الاسماء.
اليوم باذن الله نعمل شطيطحة الجاج انتاع الغغالية اسمهان،وعندي شوية شربة لكن البنات صامو يعني نزيد ننصب شربة،وسخفت على مملحات الكورني وخبز الفوكاشيا .
نسخف نطبق لكن الوقت مايكفيش ،وسخفت على تحلية اسمهان ياريت اختي ام ياسين اعطينا التحريفات.
ام تاج كيف الاحوال مع الحمل ورمضان ربي يعينك.انت وكل الحوامل.

[wahibaazel]

اختي ام ساجد اممم طاولتك تغريني بزاف ربي يدوم النعم.صح فكرتيني في تيراميسو عازفة شفتوالبارح وسالو ريوقي تسلم الايادي عازفة.

[زينب 83]

ام فاطي طيابك يشهي ما شاء الله
ام ساجد فن و ابداااااااااع
ام طيري الجنة هذيك السبيا القرمشة بت نحلم بيها امممممممم
ام كاميليا و ريفية تسلمو يا عسولات
وهيبة بصحتك الموني هايل ، حقا تنحالك التعب شوية
فضيلة فرحت بزافففف بطلتك يا طيبة


انا ليوم راهي تالفتلي هههههههه كاشما عنصر مخاميخي على قول ام تاج

[ام ساجد]

الله يسلمك وهيبة اعطيني الرابط تاع شطيطحة دجاج للاخت اسمهان

[أم محمد تاج]

الله يبارك فيك وهيبة حنووونة وليك وحشة وبصحتهم حبيبات قلبي مأكول الهنا والصيام الحمد لله كي كليت دواء ليسطوما الحمد لله والسخانة مهبلتني ندابز انا وزوجي على الكليماتوزوور هو يقولي البروووود وانا نقولو السخانة هههه مافراتش البارح قالي نرحل انا والاولاد قتلو ارحل للاشومبر تاع الاولاد وحط الرحال لثم هههههههههه

مممممم ام ساجد بصحتكم وياعيني هلى البساطة

[hayette82]

السلام عليكم انا اليوم عملت طاجين زيتون وعندي جاري وبكبوكة
صح فطوركم