الجزء 82من واش طيبتي اليوم**تحضيرات العيد** - الصفحة 56

lyzzabel · 2014-07-27, 02:22

شكرا داءمة الحمد ربي يخليك على الدعاء و الحمد لله الذكر و الصلاة على رسول الله ما نقطعهمش اثناء الشغل او بدونه ربي يقدرنا على الأشغال و رعاية العاءلة ،، و النشعة ماعليش ربي سبحانه دارلنا كيما هاك كنتي ناوية و الاعمال بالنيات و لكل امرىء ما نوى
ادرارية على سلامتك يا الحبيبة انشالله راكي لاباس جيتي في بالي شحال من خطرة ،، كي راه ولدك ريح شوية ؟؟؟

كوزات القاتو تاع ام ساجد اسمه النيقرو و الوصفة لام كوثر لا مارانيش غالطة

الحمد لله على نعمه و كفى بالإسلام نعمة

lyzzabel · 2014-07-27, 02:29

نهال يعطيك الصحة درتيلها الحل تاكلوها بالصحة و الهنا

ام ماجد وااااع طولتي بالكواليس و انا لازم نرقد الاولاد من بعد لاكان قدرت ندخل نضرب طلة انشالله

تصبحن على الف خير حبيباتي و الى الملتقى بإذن الله

ادرارية · 2014-07-27, 04:58

الله يسلمكم حبيباتي والله ثم والله توحشتكم بزاف بصح كنت متبعاتكم بالطابلات لكن ماحبش يقبل عضويتي المهم راني جيت وهدا وين كملت ترجاع الكابات في الخزنة كانت عطلة طويلة تقريبا شهرين لحقت زوجي الى دزاير راني الحمد لله انا وعائلتي بصح جدي توفى الله يرحمو وابني قالي الطبيب كملي مع لبومب حتى يدير العام المهم السخانة مووووووت ما قدرت ندير والو اليوم

fadoula fcb · 2014-07-27, 08:36

اقتباس:

المشاركة الأصلية كتبت بواسطة lyzzabel

سلاااااام يا الغاليااااات و يعطيكم الصحة على واش حطيتو
كنت برا و هذا وين جيت قلت نطل على بحلاوة نهولتي ،، برافو عليك يا الفحلة جبتيها لوكان مشي الفور دارها بيك بصح ماعليش لكل شيء بداية و المرة الجاية عسيها لااااازم

فضولة اسمحيلي حبيبتي هذا وين جيت تفضلي الوصفة
500 غ مارغرين تخلطي معاها كاس سكر رطب بالباتور و م ص لافاني و تزيدي 4 صفار البيض و بيضة كاملة و تزيدي تخلطي بالباتور مليح منبعد ضيفي كاس نواة كوكو محمصة مع زوج كيسان كاوكاو محمص بعد ما تكوني رحيتيهم مع بعض فالروبو و تخلطي بالملعقة ولا بيدك و زيدي كاس مايزينة و كيس خميرة الحلويات و تلمي بالفرينة حتى تتحصلي على عجينة طرية ،، غطيها و خليها تريح و من بعد حليها بالحلال و قطعيها بالمؤلفات لي تبغي انا درت دوائر و قلوب ،، نطيبهم في فرن سخون من قبل على 180 درجة قد ما تشوفيهم تحمرو غير شوية من تحت خرجيهم و خليهم يبردو شوية و نحيهم على مهلك مالبلا و من بعد لصقي كل زوج حبات مع بعض بالمعجون ولا بالنوتيلا و ديري قلاساج بالشوكولا ولا تاع الطلية كيما التشاراك قلاصي انا اعتمدت القلاساج تاع حبيبتي ام محمد تاج و زيني مالفوق بنصف حبة جوز و خطوط بالشوكولا و لك الاختيار طبعا في التزيين
ملاحظة : تقدري ما تلصقيهش و تديري حبة وحدة بالقلاساج بصح مين تحلي العجينة خليها سميكة باش تجي الحبة مرفودة شوية

مين نكمله نحط الصور بإذن الله

حبيبتي ماري القاتو فيه الفرينة ،، اصبري صبرا جميلا فانه مفتاح الفرج و ربي يعينك يا الغالية

ساااارة كويتيين يعطيك الصحة على واش حطيتي ،، مادا بيا تجي تعاونيني راني ما لقيت وين نشوف واااااااع

هههههه الله يحفظك

داءمة الحمد ربي يعاونك يا الحنينة

حسنا الله يبارك كلشي يشهي يعطيك الصحة و النيتواياج سخفتيني بيه انا تاني لوكان نلقى نرمي نص الحوايج خخخخخخ بصح كلشي راه جديد غير مين الضيق مالقيت كي نديرلهم و الحمد لله على الصحة
ام سهام شهيتيني مممممممم يعطيك الصحة

رتوجة الله يعطيك الصحة شفت موضوعك تاع حلويات العيد بصح ما حطيتش رد كنت عجلااااانة :d ماشاء الله عليك فحلولة

راني نوجد في تبسيسة المقرووووظ دعواتكم حبيباتي

شكرا ليزا حبيبتي قوليلي هذا هوا قلاصاج ام محمد تاج والقلاصاج بياض بيضة فنجان زبدة وزيت
فنجان حليب فنجان مزهر واكستري لوز
وديري السكر الناعم مغربل شكارة و نص سكر المرجان وهذا قلاصاج لحبيبة ام محمد تاج قلاصالي خمسة وستين حبة نيشان

nihale89 · 2014-07-27, 10:01

صبااااح الانواااار حبيباتي
اليوم عندي ميناج كبيييييييير ربي يقدرنا

om kamilia · 2014-07-27, 10:14

السلام عليكم ورحمة الله وبركاته
صباحو الانوار كامل كما راك حبيت نبارك لكم العيد لانو ما نقدرش ندخل لظرووف صحية ان شاء الله نبرا ونولي نشارك معاكم والله توحشتكم و القعدة معاكم , بقالي طبيب العيون , عندي بزاف vertiges et faiblesse والله راني في حالة و اليوم عندي ضيف رب يكوون معايا

عيدكم مبارك وكل عام وانتم بخير

om kamilia · 2014-07-27, 10:17

لبنات نقولكم الصح جاتني الدمعة parceque نغيب عليكم

دائمة الحمد · 2014-07-27, 10:19

صباح الخيرات نهاركم مبروك انا ثاني نهال رانا مقلبين الدار سي السيد وولدي خرجوا يقضوا
تهانينا باش يخلونا نلمو في عقولنا
ربي يعاوني ويعاونك ويعاون جميع النساوين هههههههههههه

دائمة الحمد · 2014-07-27, 10:20

ام كميليا ربي يجيب الشفاء واتهلاي في روحك وعيدك مبروك
نروح الماء راو وصل عندي

x ام رحاب x · 2014-07-27, 10:23

صباح الخير عليكم واش راكم مع التحضيرات
دائمة الحمد بصحتك واش اخدمتي
ام كامليا ماتزعفيش صحتك هي الاهم حبيبتي راكي تبراي وتولي انشاء الله
شكون راه عارف العيد وقتاه ايطيح خبروني

أم ماجد · 2014-07-27, 10:26

صباح الخير عليكم
للاسف لظروف طارئة تعطل القاطو الاخير
مرت خويا زيدت البارح وجابت عصام لعقوبة لكل محرومة يارب
رحنا طلينا عليها في الليل للاسف رجعنا بلا ماشفنا عصام قالك ممنوع
هذا مقروطي بعد ماطاب

وهنا نلم في القاطو بقلاوتي العالية الي لا يعلى عليها قاتلي روزا تقول طالعين جبل وقاطو صلاة

دائمة الحمد كي قتلك درقي الهندي لا يشوفوا الشيخ ويهبلني بيه لقيتو البارح جاء فرحان وقال لقيتو الحمد لله اللي لقاه اليوم الاخير كون واعععععععععععععععع

وجلبانة درتها البارح للفطور

وهاذي تحضيرات للعيد
شخشوخة لفطير احنا لازم نديروها نهار العيد للغدا

ومكسرات لطاولة العيد والحمد لله يارب
المهم قضينا البارح كل لوازم العيد
دائمة الحمد ماتقلقيش روحك العيد مايحبش الزعاف

لبنات الله يبارك راكم حراير دون استثناء
وربي ياجرنا ان شاء الله على تعبنا في الكوزينة طيلة شهر كامل
عندي امنية في قلبي ادعولي تتحققلي اخواتي
وماتخافوش القرعاجات غدوا نقولكم عليها هههههههههههههههه
حقا نقولكم هذا احسن عيد ليا طول حياتي وراني فرحانة جدا جدا ربي يتمملكم بافراحكم يارب
الحمد لله الحمد لله الحمد لله

أم يحي صهيب · 2014-07-27, 10:29

صباح النور عليكم
نهال جاتك البقلاوة هبال فينو حقي
حسنا اشي هدا ماشاءالله

راني ماراجعت الأرشيف
بنات ضاق خاطري والله غدوا العيد تفكرت الميمة وتخمامها علينا
نندب على الغربة واللي جالها
الله يصبرنا اول مرة نعيد هنا ماعرفت كيفاش ندير

أم يحي صهيب · 2014-07-27, 10:32

وعلاش يا ام ماجد ما كفاتني الدموع على الوحدة والحيطان اللي مقابلاهم
زدتي الكموسارة. الهندي.
الله الله تفكرت الدوار والكرموس والشتوي مممممممم
من زهري كل شئ مغلوق هنا اليوم

كل شئ ماشاء الله الله يدومها نعمة

x ام رحاب x · 2014-07-27, 10:33

ماشاء الله ام ماجد ربي يخليك وخليلك بناتك وتشوفيهم عرايص ومبروك على مرت خوك يتربى في عزهم انشاء الله
قوليلي غدوة العيد ولا الثلاثاء

أم ريمة* · 2014-07-27, 10:33

يعطيكم الصحة لبنات على الاطباق والحلويات الشهية لى قدمتوها لافراد اسركم وربى يجعلها فى ميزان حسناتكم امين
واهلا وسهلا بالوافدات الجدد