الجزء29 من واش طيبتي اليوم؟ - الصفحة 56

سهومةج · 2013-09-28, 15:59

لأمثالكن خلقت الجنة
كرم أكثر من هذا ما شفتش
محبة
عطاء
صدق
وفاء
ربي ايجازيكم ربي يعطيكم و ازيدكم من العلم و الشطارة و عمل الخير
خيركم من تعلم علما و علمه
والله كاين ناس تسقسيهم على روسات تقولك نسيتها ولا ولا ولاووووووووووووو
نتوما فتحتو كوزيناتكم و دياركم باه تعلمونا
ما قدرتش نعبر كل الشكر و الأمتنان
كل واش تعلمونا صدقة جارية ليكم فبوركتن بهذا ولكن كل الشكر من كل قلبي كل ما نصلي ندعيييييييييييلكم والله صح نحبببببببببببببكم راني في الغربة مي معاكم نحس أمي و خواتاتي معايا

الأمنيات · 2013-09-28, 16:00

اقتباس:

المشاركة الأصلية كتبت بواسطة إلهام07

الأمنيات ساعة ساعة يجيوني اطباقك شوية غريبة يعني سلطة التفاح عمري لاذقتها ومانيش متصورتها

اي سلطة تفاح اختي راها و تفصل بيناتهم
سلطة وتفاح

الأمنيات · 2013-09-28, 16:04

الاخت سهومه مرحبا بيك معانا رانا كامل نتعلموا ومغربين

أم محمد تاج · 2013-09-28, 16:13

مرحبا بيك سهووومة وراكي بين أهلك وخواتاتك والدعوة لك بالمثل حنونة
أم رامي روووووعة يسلم يديك ياكريمة انت ياطيوبة

المستغفرة · 2013-09-28, 16:14

الله يسلمك لهومة راني زدتلك اسم لهومة لهلوبة سنجوبة
راني خليتلك تعليق في ابداع المعجنات ههههه شفتيه
جربيه والله متندمي شربات تقولي تاع بوفاريك تاع صح
انا كنت دايرة يروب لحليب يولي قطع يخي والو
ميأثرش بصح يهبل
والقاطو تاع ام كوثر تارت غوس ولا قاطو

عطرالذهب · 2013-09-28, 16:29

مساء الخير عليكم كااااااااااااامل نشكر اللي ردو على موضوع حلوياتي وحتى اللي ما ردوش نشكرهم واسمحولي مشغولة شوي مع قاطوات عرس ومن بعد رايحة نحط اللي خدمتهم اوخرين ومعاهم وصفاتهم

nihale89 · 2013-09-28, 16:29

اقتباس:

المشاركة الأصلية كتبت بواسطة إلهام07

شكرا أنا عندي ثقة في وصفات أم كوثر بصح ضرحتني كي قالت تبقاي تحركي من 30-45د وععععععععععععععع

المستغفرة :
لالا نخدم بصح كل شوية نطل ههههههههههه ياكلني قلبي :d
بصحتكم المردود

سخفتيني بلاك نديرو العشية

حابة نجرب شربات الصوامعية وخفت منو كي عاد فيه الحليب تعرفي الحليب يروب كي تحطيه مع عصير الليمون واش تنصحيني ؟

الهام ما عليش نجاوبك على حاجة
الحليب صح كي ديريلو القارص يريب هكذا صراتلي البارح مع قاطو الطبقات
لازم تقعدي تخلطي بسرعة وطولي راهو تبانلك فزد ومبعد ثم ثم يولي كرام

أم محمد تاج · 2013-09-28, 16:33

ربي يعاونك حبيبتي عطر
نهال عندك الحق بصح أنا كريمة قاطو الطبقات مادرتش القارص درت ذوق فاني تاع الميزان خرج يهبل

nihale89 · 2013-09-28, 16:44

ام محمد حبوبة الخطرة الجاة ندير فيه الفاني
حقى قوليلي قاطو الطبقلت هو قاطو ريس
انا نعرفو يجيو بزاف الطبقات ويجي يابس
وقصوه براجات

سهومةج · 2013-09-28, 17:05

اللي راكم تحكيو على قاطو الطبفات
الكريمة نخلطو كلش فوق النار
بيض و الحليب
جاوبوني راني ندير فيه

islam1aya · 2013-09-28, 17:44

السلام عليكم لبات واش راكم لاباس

انا العشاء معولة على شطيطحة بطاطا وغدا اذا كتب ربي ندير طعام بالجاج والخرش بطلب من زوجي عزيزي

omhadil · 2013-09-28, 18:05

اقتباس:

المشاركة الأصلية كتبت بواسطة سهومةج

لأمثالكن خلقت الجنة
كرم أكثر من هذا ما شفتش
محبة
عطاء
صدق
وفاء
ربي ايجازيكم ربي يعطيكم و ازيدكم من العلم و الشطارة و عمل الخير
خيركم من تعلم علما و علمه
والله كاين ناس تسقسيهم على روسات تقولك نسيتها ولا ولا ولاووووووووووووو
نتوما فتحتو كوزيناتكم و دياركم باه تعلمونا
ما قدرتش نعبر كل الشكر و الأمتنان
كل واش تعلمونا صدقة جارية ليكم فبوركتن بهذا ولكن كل الشكر من كل قلبي كل ما نصلي ندعيييييييييييلكم والله صح نحبببببببببببببكم راني في الغربة مي معاكم نحس أمي و خواتاتي معايا

شكرا لكى اختى سهومة على كلامك الجميل والمثلج لى القلب والحمد لله الى عندنا هاذ المنتدى الرائع الى انا نحسبو بيتى الثانى والمستحيل انى نعيش بلا ابيه
والنشاء الله نكونو اسرة واحدة تجمعنا المحبة واالكرم
بارك الله فيك

zahra30 · 2013-09-28, 18:14

مساء الخيير عليكم كامل وربي يدوم النعمة وربي يبارك في موائذكم راني شفت شوية ارشيف وبقى شوية امبعد ان شاء الله
لبنات ادعولي ربي يباعد علينا لبلى ( جارتي ) ويشغلها بكاشي حاجة تنسيها علينا راني قريب سوسيدي منها واعييت معاها بالملاحة بصح 0000
اليوم درت طاجين زيتون وكسرة وعنب ورمان والحمد لله بصح ما صورتش وعندي هذو انتاع ليامات اللي فاتو
بطاطا في الفرن ولغرايف وكيكة ام اماني وشخشوخة باللحم

scorpionoir · 2013-09-28, 18:15

مساء الانوار يا زهرات
وشراكم كامل انا راجلي دارلي لاكريز كي يجي كونجي يضال حاكم الميكرو يتيليشارشي وعععععععععع النت تثقااااااااااااال المهم غدايا درت حوت وهذوك طيابات اليام لي فاتو
وما درت والو للقهوة ضربتها بتقييلة واااااااااو

وهذا شيكولة لييجوا درتها لبارح

هذا قراتان بروكلو بالبيشامال و سوب بصل اول مرة نديرها روعة

أم محمد تاج · 2013-09-28, 18:33

ممممممممممممممممم سكوربيو يشهي يسلم يديك
أنا عشايا بربوشة بالكابويا والحليب مداوية مممممممممممممم
سهومة لحبيبة سامحيني ماشفتش سؤالك يعني راه روطار بصح خبطي كل المقادير بعيد على النار وكي يتخلطو مليح حطيهم على النار حتان يخثارو مليح
حبيبتي أم نهال راه يشبه لقاطو روس وقاطو روس فسه طبقات بزاف وفيه بيكاربونات بزاف ومسكر ثاني بزاااااااف إذا حابة حنونة نحطلك وصفتي راهي هبااااااااال لي يذوقها ماينساهاش هههههههه
مانعرف لهووووومة اللهلوبة واش راهي دير ضرك؟؟؟؟؟؟؟