موضوع مميز الجزء 16 من واش طيبتي اليوم شاركينا موائدك الرمضانية - الصفحة 56

staifia · 2013-07-15, 14:29

اقتباس:

المشاركة الأصلية كتبت بواسطة sidali 2007

اختي سطايفية درتي لبارح قوارب بطاطا انا سي سيد بدلي منو بصح ليوم راني حالفة عليه عندي ضياف ونزيد معاه طاجين جبن وبتزا وبراك ويرحمها ربي
ليددددي كطيبي طجين شواء حطيه راني غير نسمع به صوريه كطيبيه راني نستني ههههه وراك وراك
صح فطوركم

معليش جربيه اليوم والله بنين صح خويا لي جامي يقلي حاجة مليحة البارح قلي هادي ماكلة مليحة هههههههه

اقتباس:

المشاركة الأصلية كتبت بواسطة nour inasse

هيا أعطونا أفكار واش رايحين ديروا كشما نسرقوا منكم شوي والله ما عرفنا

اقتباس:

المشاركة الأصلية كتبت بواسطة sihamy

قافزة اختي سطايفية واش يفوت الوقت للمغرب راني عطشااااااااااااانة وجيعااااااانة

اصبري خييتي وخلاص اوقريب

اقتباس:

المشاركة الأصلية كتبت بواسطة و
سيلة45;1053572924

السلام عليكم واش راكم طيابكم رائع راني كل يوم نجزب حاجة حتى قالي راجلي البارح واقيلى راني فأر تجارب وانا ماعلاباليش بالصح الحقيقة تقال استفدت منكم بزاف يعطيكم الصحة

وعليكم السلام

oum ibrahim · 2013-07-15, 14:30

انا ناوية نطيب حريرة مرمز و بوراك و سلاطة و مطلوع و طاجين لوبيا ماشتو راني حايرة كيفاه نديرو اعطوني افكار ؟؟؟؟؟؟؟؟

درة بيتي · 2013-07-15, 14:32

اخواتي طالبة منكم وصفة كرام باتيسيار مضمونة وساهلة لصديقني مبتدئة وسورية تحوس على الكاسترد مالقاتهاش راني نستنى أم كوثر إذا راكي هنا افيديني إنت ولبنات

وسيلة45 · 2013-07-15, 14:39

انا البارح جربت الكرام باتيسيار نتاع ام رامي هايل

درة بيتي · 2013-07-15, 14:42

اقتباس:

المشاركة الأصلية كتبت بواسطة oumadoumawayouta

svp donnez moi la recette de kelb louz ta3 ouma rami bayen fih milh

merci

اقتباس:

المشاركة الأصلية كتبت بواسطة basmala farah

اليوم راني عاقلة المورال راه طايح و حكمني الراس على الصباح

حقا توتة ماهيش تبان باش تعاوني شوية ههههههههههههههه

اقتباس:

المشاركة الأصلية كتبت بواسطة وسيلة45

انا البارح جربت الكرام باتيسيار نتاع ام رامي هايل

ممكن الرابط أختي ربي يخليك وبارك الله فيك

*أم ثازيري* · 2013-07-15, 14:46

اقتباس:

المشاركة الأصلية كتبت بواسطة *أم كوثر*

هدا كان فطوري

الحمد لله الدي اطعمنا وسقانا وجعلنا مسلمين

يصحتكم ام كوتر
هاداك ماشي السارفيس نتاعي ؟
غضتيني سلفتولك تصوري بيه المايدة نتاعك
ماتنسايش تقولي لكوثر تجيبو من بعد
راهي ام رامي خنقتني دقيقة و تبعتلي رامي تقولو روح لطاطاك اسماء جيبلي السارفيس نصورو معاه هههههههههههههههههههههههههههه
راني نضحك برك

ام اياد · 2013-07-15, 14:56

يا اام كوثر ربي يخليك تعرفي انتي طيابك ما شاءالله بصح انتي تعرفي تصوري بززززززززززززززززززززاف تخلي الماكلة تنطق

*أم ثازيري* · 2013-07-15, 14:57

السلام عليكم البنات
هاو ليكم فطوري نتاع 4 يوم من رمضان
اسمحولي مانيش نحط لخاطر نروح نصلي التراويح و نجي غلبااااانة

و هادا بريوش السحووووووووووووووووووور

أنآحلُم · 2013-07-15, 14:58

السلام عليكم هدي اطباقي درتها لبارح
مقدرتش نصور الطابلة كانت عجوزي واقفة عند راسي خفت تقول هدي هبلت

هدي الباستا تاع نينا جات روووعة

وهدي شطيطحة تون تاع ام انس قدمتها مع الارز الابيض

kiya · 2013-07-15, 14:59

مساء الخي لبنات
وش راكم توحشتكم كان النت مقطوعة عندي وانا رايحة جاية وماما تقلي راحلك السيروم احنا في الدار مسمينها اسيروم كون تشوفو حالتنا كي تروح خويا حالتو تشيان
الله يبارك عليكم موائد كلها رائعة وتشهي ربي يدومها نعمة