اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 56

أم ملك · 2015-09-23, 18:20

السلام عليكم و رحمة الله تعالى و بركاته
سامحوني ما راجعتش راني نقارع في زوجي يجي يديني لدارهم إدا هداه ربي راه ما بغاش قالي ادي كبشك و شوفي شكون يديك
نحطلكم طبسي القاطو وجدتو نديه معايا
مركز تحميل الصور

الله أكبر الله أكبر الله أكبر
الله أكبر كبيرا و الحمد لله كثيرا و سبحان الله بكرة و أصيلا

أم ملك · 2015-09-23, 18:21

و هدا مادلان خدمتو لزوجي يبغيه ندي نصو و نخلي النص
مركز تحميل الصور

أستغفر الله العظيم رب العرش العظيم من كل ذنب عظيم

طالبة الجامعة · 2015-09-23, 18:29

اقتباس:

المشاركة الأصلية كتبت بواسطة simassim

ام رحاب. مبروك عليكم. المزيود الجديد. الحمد لله على سلاكهم في زوج. يتربا في عز والديه ويجعله ذخر للاسلام والمسلمين

ام وابنة. هههههههه ياو قول الحمد لله اولادك مازاذ يقعدو فالبارك. هيث اليوم حطيتو فالارض قلت يزحف. على كرشو. صبتو يحبو. ودخل للكوزينة. ماعرفت نضحك او نبكي
وراك فحلة قدرت تدير القاطو معاهم. انا مازاااااال. وقايمة الاشغال مازاااااالت طويلة

اسمهان وااااو تبار الله. كلشي هاااايل. نستناو الماكياج. ربي يقدرك ويشافيك وكل مرضى
ام اسلام ربي يتقبل
ام ماجد. ربي يصبركم. فكرتني بعيدي الاول. وااااااااا. ماصابوش شكون يلعب مع الكبش ويوكلو. وخخخخ يسيق موراه. واهم حاجة. شون لي يتنافس مع اب فالسليخ واضحكوا عليا نحب ننسف الرية. باش نشول اذا مليحة. اااااااااااااه. يااااااااااربي. المهم الهنا وراحة البال. والعيد بين الاهل. مامانش كيفو. وه اهل الزوج. ليه ذوق اخر.

حنونة ابكي حتى تشبعي وغدو.ة. ازهااااي واضحكي وافرحي. هذا عيدك الاول مع مينو. ومدلو. الكرشة يغسلهالك. ههههههه. والعام الجاي تكون مع وليدك او بنتك. وتبقى تخمم كيفاش تدير

ام تاجو ربي يقدرك والبقلاوة تهبببببببببل

روضة بصحت العريس السنينات. تاع هيثم مازال حشمانين. ههههه. راه عارف ماكانش العيد ماحبش يخرجهم.
ام رويدة. ربي يبارك فيك عالعاء

ام فاطمة ماصابني مع وليدك نلعب مع الكبش ونركب معااااه. يااااااي غرت.

طالبة هادي غيبة. واش راكي وبصحتكم.

الرجاء ربي يقدرك وكل العاملات. تعب فالدار وفالخدمة

سرور بصحتك. الكقروط. واكيد المرة الجاية تخدمو ويجي احسن واروع

كوكا. بصحتك وبصحة وليدك. قش العيد. انا سمحت فروحي حتى الدوش مازاذ مالحقتوش.
ليزا حنونة. استغفري والاجر لاحقك ان شاء الله. كامل رتنا كيفكيف. ربي يتقبل منا ويعمر حجرك. وكل محروم ياااااااااااارب

تفكرت دعاء تاع ايات سرمدية. ربي يبارك فيك.

هدا واش قدرت نراجع الصفحات مازاااال باقي. نروح للكوزينة. كاش مانخمل فيها ادا خلاونظ فلاليس

ادعولنا معاكم حبيباتي وكل الامة الاسلامية. ربي يرفت رايك الاسلام ويعين اهل الشام وفلسطين وبورما ويفرح كربتهم. يااااااااااارب. واهم ي. ادعو بالهداية. لشعوب والشباب. والحكام. يااااارب

راني الحمد لله بخير

طالبة الجامعة · 2015-09-23, 18:31

اقتباس:

المشاركة الأصلية كتبت بواسطة ام سراج وملاك

ههههههههههه دائمة الشكر لولاد كامل هكذاك واش نديرو ربي يحفظهم ويكونو من الصالحين برك انا ثاني ليوم خرجوني من حبال عقلي بصح راهم زهو الدار ربي يرزق اي وحدة محرومة وتشوف اولادها بين عينيها يارب
ام وابنة يعطيك الصحة على القاطو هايل بصحتكم اختي
ام محمد اسلام الله ربي يتقبل صيامك اختي وشكرا لدعاء امين يارب العالمين والباركات يشهيو يعطيك الصحة
حنان ربي يكون معاك متقلقيش روحك برك راهو اول عيد مع راجلك ربي يهنيك
ام فاطيمة ربي يحفظلك ابنك من كل شر
didi dalila الله يسلمك اختي كل عام وانت بالف خير
ام تاجو البقلاوة هايلة بصحتكم اختي
سرور يعطيك الصحة مقروطك هايل
ام ماجد معليهش اختي لازم تروح لدار راجلها ربي يكون معاك وربي يهنيها في دارها
اسمهان مشكوووورة اختي على الوصفة كنت شفتها في فايس بوك من قبل وعجبتني بصح كي شفت نتاعك قررت اني نجربها بصح ماشي ضك خطراه درت القاطو ويعطيك الصحة كي قمتي بامك وجارتك هاذا ما تربحي غير دعوة خير احسن حاجة
طالبة جامعية صح فطورك اختي ربي يتقبل منك ومن عائلة نتاعكم
روضة وجدي روحك للعضان ربي يحفظولك يارب
سماح رجاء الاماني منورين بطلتكم

الله يسلمك اختي ربي يحفظك

طالبة الجامعة · 2015-09-23, 18:47

راه يادن ربي يحفظكم وينور دربكم يارب حبيبات قلبي سلاااام

ام أمينة · 2015-09-23, 18:54

صح فطوركم كمل ربي يتقبل منا ومنكم صالح الأعمال

أم باسم · 2015-09-23, 19:20

صجا فطوركم تقبل الله من الجميييييييييييييييييع الدعاء و العمل الصالح إن شاء الله وربي يفرج على كل مهموم يييييييييييييييييييييييييييييييرب أرزق أختي أروى الذرية الصالحة عاجلا غير اجلاركل محروم وانصر أخواننا في غزة وفك الصار عنهم ييييييييييييييييييييييييييييييييييييييرب أأأأأأأأأأأأأأأأأأأأأأأأأأأأأأامين

أم ياسين الزهراء · 2015-09-23, 19:26

اهلا ياحلوات من الصباح وانا نخيط حلفت نديرهوماليوم واخيرا كملتهم وفرشتهم زكارة في زوجي ههههه

عقرويتي رحت نشري الفرشات لقيت الوان مايساعدونيش وزيد الغاشي تقلقت وزعفت رحت شريت قماش وخيطتو

scorpionoir · 2015-09-23, 19:39

سلااااااااااااااااااااااااااااام
صح فطوركم واش راكم شوي ريحتو اولا مزلتوا تجريو ههههههههه
انا اليوم راحة كملت كلشي لبارح درت لغدا وخبز الدار والتاي برك ولقايلة درت شعر بناتي باليسوغ وراحو لدار جدهم يشوفوا لكبش
وانا من بعد والا غدوة الصباح نلحق
ام ياسو بصحتك التفريشة الجديدة لعقوبة احاجة اخرى
البقية بصحتكم القاطو والكباش .

wahibaazel · 2015-09-23, 19:53

اقتباس:

المشاركة الأصلية كتبت بواسطة ام و ابنة

يا يما
صدقوني و الله بكيييييييت حتى عييييت بش ريحت شويا
ماشي التعب رانا موالفين بيه بصح الضغط تاع تخممي في شحال من حاجة و يدك ثاني في شحال من حاجة و اللي زادلي ولادي اليوم هبلو و الله عيطت عليهم حتى سمعوني الجيران والو حطيتهم كل واحد في سريرو والو في الاخير و الله ضربتهم تصورو مولات عامين تواجبني تقول عندها عشرين سنة و خوها ما نهدروش و المضاربااااااات
سامحوني ما رانيش نراجع مازالي التسياق تع الدار كامل التحت و الفوق و العشاء و نوجد دوزان الذبيحة و الماعن و نوجد حوايجنا و طبعا التدواش كيفاش رايحة نديرهم كامل وحدي ماعلاباليش
خخخخخخ

حقا راني من الضغط اخترعت قاطو او بالاحرى حرفت تحريفات خطيرة في قاطو الطبقات درتو بالنسلي و قاطو و كاوكاو مرحيين كانو قعدولي

و هذي نفس العجينة عملت بيها des galettes الله غالب ما عندي لا الوقت لا الجهد لا الخاطر نقعد نشبح و نماكييي خخخخ

اييييه حبيبتي ام وابنة فكرتيني في روحي كي كانو بناتي صغار ،كي نحق نبكي حتى نشبع ثم نكمل اشغالي ،وكنت نحب نروح عند عجوزتي هي لي تخفف عليا وتحط الرحمة في قلبي وتعطيني الامثال وتثبرني ،لكن الصراحة الخلل فينا اصبحت العصبية شعارنا ،ربي يهدينا ويصبرنا عليهم ،اللهم اصلح اولادنا.امين.
بنتك مازالها صغيرة وراهي تعاودلك في كلامك فقط تكبر شوية وتعرف صلاحها باذن الله.قاطواتك ماشاء الله.
عروستناالحلوة حناااه ماعليه ذك توالفي بالشوية افرحي وعيشي ايامك ربي يهنيك.
ادعو الله عزوجل ان يرزقنا الجنة ويثبت اقدامنا على دين الحق.

wahibaazel · 2015-09-23, 19:59

ام ياسين ماشاء الله عليك ،حتى انا تقلقت وقلت لازم نتعلم نخيط على الاقل نسلك روحي في حوايج الدار.
عقروبة بصحتك البروقرام والراحة ،انا راني كي المهبولة على قول الحبوبة زينب.
تفكرت حبيبتنا وردة الشرق لي هي زينب 66توحشتها بزاف ادعو الله عزوجل ان يرجعها سالمة امين..
نروح ندوش بناتي الصغار.الى الملتقى.

الرجاء الاماني المجد · 2015-09-23, 20:08

مساء الخير على الجميع كملت اشغالي وقلت نطل عليكم ام وابنة بصحتك القاطو ام رحاب ريحتي من صبعك متمسيش الماء لانه عندك السكر والجرح يطول ميبرش ام جوجو كيفاه عشيتي فاطيمة شكرا عزيزتي على السؤال المعلمة الجديدة وشراهم الاولاد شاف ام سراج وملاك توحشتك وشراكي ام ساجد ربي يحفظك على الوصفات ربي ينورك سماسم كيفاه راكي مع تحضيرات العيد زينب الف شكر على السؤالدائما تسالين عليا فضيلة مكيش تباني ازبيل كي راكي حنونتي حنان قاطوك روعة ايات عجبك قاطويا نبعث لخيتي طبسي ام تاج وقفة ساهلة ان شاء الله ام ياسين صح عيدك ام حبوبة ضهرتي ونبعد اختفيتي وراكي ولنسيتها متزعفش من اختها

عازفة الناي · 2015-09-23, 20:21

صحى فطوركم كاااااااااااااااااااااااااامل
ربي يقبل صيامكم ودعواتكم كامل
اليوم صمنا كامل ولله الحمد ووجدت الفطور و الكسرة و عملت الكروكي لجارتي
جاب بابا الكبش راني صورت الفطرو و الكبش عييت نحمل الصور
ام تاجو بصحتكم الباقلاوة مزية جاتك فالحواشي والله غاضتني مي راهي مورقة تهبل ربي يسلكك على خير انت ولهونة يارب
مولات المقروط جاك 4444444444444444444 خاصة المرة الاولى
زينوبة بصحتكم الكبش راه يشبه لتاعنا ههههههههههههههههههه ربي يدوم فرحت الاولاد
اسمهان التحضيرات هااايلة بصحتك
حنان عروستنا الزينة ماتقلقيش و بصحتكك احلويات راهم فالقمة كما العادة
ام وابنة الله يعينك على الاشغال و يعطيك الصحة على الحلويات
لبنات كامل يعطيكم الصحة اسمحولي راني ميتة على بيها مانتذكرش بعضكم اسمحولي
نروح ندوش و نسشور شعري اذا قدرت
ليلة سعيدة للجميع و عيدكم مبارك

ام و ابنة · 2015-09-23, 20:29

السلام عليكن
نبذة مختصرة عن القاطوات اللي عملتهم

و هذو العلب معمرين واجدين يروحو لماليهم طبعا دارنا حقهم تع القاطو بعثتهولهم ديجا هذو تع خويا و لواساتي يعني اخوات راجلي و مرة لوسي يعني مرة خو راجلي و مرة بابا

قمر 77 · 2015-09-23, 20:47

سلام حبيباتي صح فطور الصايمين و ربي يتقبل الدعوات و الصلوات و الصيام امين و حتى تعبكم حبيباتي في ميزان حسناتكم احتسبنها امين
شكرا حبيباتي اللي حمدتولي على وليدي صح الحمد لله حمدا كثيرا مضاعفا ما نيش مامنة اني خرجت من هذيك الدوامة الحمد لله
سماحو الغالية جبت باروكي على قد الحال رانا قع ايد ينا مربوطين الله يستر المهم عاونتي ميمتك
هذا قاطو خدماتو بنتي قاتلي ماكاش منها عيد بلا قاطو قاطو المعجون لشي بيبا الغالية

هذا قاطو جابو زوجي البارح حس بيا ما نيش حابة نخدم قاطو
و هذا معمول بالشيكولا نوتيلا وصفة جديدة لازملها تعديل