~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[chez biba]

انا بنتي سنة اولى ابتدائي في الحقيقة هي ذكية الحمد لله لكن متاعبتني من ناحية التركيز انا نراجعلها وهي راسها في بلاصة اخرى المهم تلقا حاجة تولها يا خوها يا التلفاز يا تلعب بيديها .... ولا تقولي ضرتني كرشي ههههه

[ام صفصف]

السلام عليكم وصباح الخير عليكم كلمل لبنات عجبني موضوع المراجعة تاع الاطفال لانو انا ايضا راني مع رحلة بحث موسع باه نوصلهم المرحلة الاعتماد على النفس
ورغم انو عندي بنات الا انهم احبو املو المراجعة بسرعة ويروحو يلعبو

[آسيا 25]

ربي يعينكم في تربية و تدريس أولادكم و الله الجيل تاع ضرك واعر,ما بانتش سيرين اليوم !!!!واقيلا عندها شغل

[نسمة صبح]

بما انو معنديش اولاد..حابة نشاركم بانشغالي على اختي في سن المراهقة...رجعت متحبش تقراا و كل ما ناكدلها على اهمية اللغات متسمعش...نحاول نهدر معاها بالفرنسية باه تتعلم تتقلق..حنا ملقيناش بكري شكون يحفزنا و يعلمنااا..

اما اختي الكبرى فهدرتلها على مستقبلها من دون قراية ..و هي الحمد لله الان تبذل مجهود كبيير لكن المسكينة معندهاش la base

و متجيبش في المواد الادبية خاصة اللغات كانهم ماهمش في برنامجها خلاااص..

اعطوني طريقة نخليهم يحاولو يتعلمو اللغات خاصة في اوقات العطلة.

المهم لقيت بلي التأنيب ميجيبش نتيجة عكس التشجيع و خاصة اتاحة الظروف المناسبة للدراسة.

[ام صفصف]

و كما قلتلكم فانا مع رحلة البحث مع دروس الدكتور ابو سعد و وليد فتحي وووو توصلت البعض النتائج البسطة وراح نشاركم بها
حابه نقولكم انو قبل ما نقولو لولادنا روحو تراجعو لازم نوفرولهم الجو المناسب ونحبوهم في الدراسة باساليب غي مباشرة لانو المشوار مزال طويل فلازم القاعدة تكون صلبة من الاول وماتكونش بالضغط ولعياط
لي عودة راني نكتب بصعوبة لانو انيش متعوده على الكلافي تاع العربية

[ام صفصف]

المشاركة الأصلية كتبت بواسطة نسمة صبح

بما انو معنديش اولاد..حابة نشاركم بانشغالي على اختي في سن المراهقة...رجعت متحبش تقراا و كل ما ناكدلها على اهمية اللغات متسمعش...نحاول نهدر معاها بالفرنسية باه تتعلم تتقلق..حنا ملقيناش بكري شكون يحفزنا و يعلمنااا..

اما اختي الكبرى فهدرتلها على مستقبلها من دون قراية ..و هي الحمد لله الان تبذل مجهود كبيير لكن المسكينة معندهاش la base

و متجيبش في المواد الادبية خاصة اللغات كانهم ماهمش في برنامجها خلاااص..

اعطوني طريقة نخليهم يحاولو يتعلمو اللغات خاصة في اوقات العطلة.

المهم لقيت بلي التأنيب ميجيبش نتيجة عكس التشجيع و خاصة اتاحة الظروف المناسبة للدراسة.

اختي ننصحك بدروس طارق الحبيب في التعامل مع المراهق اولا رايحه تستفادي بزاف وتعرفي تكسي اختك لان المراهقة صعيبة بزاف وكما يقولو
المراهق مرهق ويرهق
اما فيما يخص اللغات او المواد الادبية فلازم تحبهم او تحس انها محتاجتهم على الاقل استعمالهم لتخطي مرحلة ما يعني لازم الاقناع اولا والبقي ساهل

[حياتي كلها امل]

نسمة الصبح مرحلة المراهقة عندها خصوصيتها وفي هذه المرحلة يغلب عليهم طابع العناد ،مثلا اختك ماحبتش تتعلم اللغات ومتعطيلهمش اهمية اذا تقدري توريلها مثال حي قدامها عن شخص اهمل اللغات ولقى صعوبات في دراستو ممكن تعتبر .
انا كان خوياالصغير قرى عادي في كل المواد الا الفرنسية والرياضيات كنا نفهموه الرياضات يتقبل عادي لكن عندما يصل الى الفرنسية مايحبش ويبدى يعيط ويقولنا انا منحبهاااااااااااش،ثم وصل للبكلوريا وتحصل عليها ودرس لغة انجليزية ووجد ان رغم تمكنه من الانجليزية الا انه لا بد ان يتقن الفرنسية فاصبح يدرس الغة الفرنسية من المستوى الاول يعني منabc
واختك الثانية راه كاين دروس خصوصية بالمستويات اي من ماتعرفي والو في ذيك اللغة والله يوفق الجميع.

[omelbanin]

انا كي يجي وليدي من المدرسة ما نقولوش واش قريت ولا نقولو روح تراجع، نخليه يرح و يتفرج ،باش نقولو وانا من النوع لي نشجع واذا وعدتهم بشيء اذا قراو مليح نشريهولهم ،بصح هذا الفصل ما نعرف وشبيهم ما نعرف اذا عياو ،ولا
وبالنسبة للغات لا باز هي الصح ،بصح بصح الان والحمد لله كاين مدارس مختصة في اللغات يبداولك من الاول كلي هذا وين بديتي تقراي ومن تجربتي الشحصية كون في الصيف يحكمو قاموس ويحكمو كتاب او قصة باللغة لي راهم حابين يتعلموها وكل يقراو صفحة وبترجموها هكذا كل يوم يكسب مجموعة من الكلمات ،واكيد مع الكراجعة يكسب لغةوبالنسبة للقواعد يراجعوا المقرر نتاع المدرسة هكذا. والله اعلم.

[حياتي كلها امل]

[centerالاخت سرين البارح قالت داري راهي مخروبة كانت راح تبطل من العمل البارح هذا واش انظن وان شاء الله يكون المانع خير][/center]

[الدر المكنون 7]

السلام عليكم ورحمة الله وبركاته
شكرا أختاي سمراء وأم اياد على اجابتي جزاكن الله خيرا
بما أن الحديث اليوم عن الأولاد فان شاء الله نجد الحلول المناسبة لكيفية التعامل معهم
أولا أنا عندي ولد وبنت في المتوسط الحقيقة مردودهم الدراسي لاباس بيه الحمد لله لكن مشكلتهم اللغات الأجنبية الفرنسية والانجليزية يجوهم صعاب وفرنالهم قواميس وانصحتهم يقراو نصوص ويترجمو الكلمات لي ما يفهموهمش لكن لا حياة لمن تنادي كأن عقلهم الباطن خلاص استسلم انهم ما يقدروش يفهموهم وما يحبوش يحاولو يفهمو أصلا يحوسو على الترجمة واجدة وأنا كل مرة نقولهم كي تتعبو في البحث على ترجمة الكلمات تبقى راسخة في عقولكم لكن واش نقولو جيل عصر السرعة ما يحبوش يتعبو
الله يصلح الاحوال سأكون في المتابعة اذا عندكم حلول مجدية أنجدوني بها
فيما يخص التعامل مع الملراهقين اليكن قول أهل الاختصاص

وفيما يخص الالعاب الالكترونية من قبل كنت حاسبتها تنمي الذكاء عند الاطفال لكن اتضح العكس فهي أكبر مدمر لمخ فلذات أكبادنا فامنعوها عن أطفالكم بأي شكل من الاشكال
ومن الأفضل أن نجد البديل عنها وكل أخت عندها تجربة في ايجاد البديل عن هذه الالعاب المدمرة تفيدنا بيها

[الدر المكنون 7]

[حياتي كلها امل]

[اردت ان اضع بين يديكم بعض النصاءح لزرع الثقة في نفوس الابناء.
احبي طفلك واقبليه كما هو:بعيوبه ومحاسنه لولم تقبليه ستصبك حياتك جحيم،عليك ان تنظري الى الجانب الحسن فيه وتعتبري انه نعمة من الله تعالى لابد ان ترضي به.
اتركي طفلك يمرح ويلهو كما يشاء طالما هو بعيد عن الخطر حتى يخرج كل طاقته.
اخبري طفلك انك ترفضين اسلوبه الخاطىء وليس هو.
مصاحبة الطفل واللعب معه وهذا من الامور التى تنمي الحب بين افراد العاءلة.

اغرس في طفلك محاولة تكرار المحاولة وعدم الياس وهذا يكون بطريقة تناسب سنه مثلا اذا كان لايعرف ربط حذاءه فجعليه يجرب مرة وثانية وثالثة فلا تطالبيه بالاسراع ولاتلوميه.
اياكم والوصف السلبي فربما يقتنع بها مع تكرارها مثل ياغبي يافاشل.
اجعلي طفلك يعتمد على ذاته فلاتكوني داءما امامه اتركيه يتحمل المسؤلية يلبس وحده ياكل وحده يدخل الحمام وحده يختار اصدقاءه طالما لا يتصرف بسلوك سيء،فلوتعرض لموقف فشل اواحباط هنا ياتي دورك لرفع معنوياته وليس لاحباطه.
امدح وقدر كل مايقوم ابنك من اشياء اجابية.
احسن الانصات اليه ودعه يكمل مايقول واشعره بالاهتمام بكلامه.
ترفقي بطفلك اثناء العقاب وهذا لايعني انك تدللينه فلايجب ان نصل لاشد انواع العقاب او اشد انواع الحرمان لنحس اننا قمنا بعقابه.
اعلمي ان سلوكك هو الذي يحدد سلوك ابنك فيجب ان تحسني تصرفاتك وتراقبي نفسك،لان كثير من مشكلاتنا تنتقل الى اولادنا.
اخبري طفلك بانك تحبينه فالحب والمشاعر من الاشياء المهمة جدا في التعامل الانساني

[omelbanin]

الالعاب الالكترونية اكره حاجة عندي وانا حللوني على البلاي قلتلهم ما نشريش ،وكانو العاب في اي فون والتابلت سوبريميت كلش. ما زالي التلفاز وشنو كي نحيلهم حاجة يغيضوني و راني نجوسلهم على البديل وما لفيتش.

[omelbanin]

ونزيد على ل قلتيه ختي الحزم اذا حاجة تضرهم تقولي ما تاكلوهاش ولا لا ما نشريهالكمش نطبق واش قلت وشنو لازم نقنعهم ، صينو يعودو ما يحترموش قراراتي.

[ام صفصف]

المشاركة الأصلية كتبت بواسطة الدر المكنون 7

السلام عليكم ورحمة الله وبركاته
شكرا أختاي سمراء وأم اياد على اجابتي جزاكن الله خيرا
بما أن الحديث اليوم عن الأولاد فان شاء الله نجد الحلول المناسبة لكيفية التعامل معهم
أولا أنا عندي ولد وبنت في المتوسط الحقيقة مردودهم الدراسي لاباس بيه الحمد لله لكن مشكلتهم اللغات الأجنبية الفرنسية والانجليزية يجوهم صعاب وفرنالهم قواميس وانصحتهم يقراو نصوص ويترجمو الكلمات لي ما يفهموهمش لكن لا حياة لمن تنادي كأن عقلهم الباطن خلاص استسلم انهم ما يقدروش يفهموهم وما يحبوش يحاولو يفهمو أصلا يحوسو على الترجمة واجدة وأنا كل مرة نقولهم كي تتعبو في البحث على ترجمة الكلمات تبقى راسخة في عقولكم لكن واش نقولو جيل عصر السرعة ما يحبوش يتعبو
الله يصلح الاحوال سأكون في المتابعة اذا عندكم حلول مجدية أنجدوني بها
فيما يخص التعامل مع الملراهقين اليكن قول أهل الاختصاص

وفيما يخص الالعاب الالكترونية من قبل كنت حاسبتها تنمي الذكاء عند الاطفال لكن اتضح العكس فهي أكبر مدمر لمخ فلذات أكبادنا فامنعوها عن أطفالكم بأي شكل من الاشكال
ومن الأفضل أن نجد البديل عنها وكل أخت عندها تجربة في ايجاد البديل عن هذه الالعاب المدمرة تفيدنا بيها

اختي الدر المكنون شكرا عى المععلومات القيمة انا عن نف سي الالعب الالكترونية ممنوعة ونحاول كل خطرة نعاود نفهمهم نانها مضر لكن المنع وحده لا يفيد يعني لازم البديل بانسبه لي عندي اللب اهم شيء بالاضافة للرياضة اصبحت ضرورية جدا للاولاد والبنات حتى يفرغو الطاقة الزايدة ايضا وفرولهم ادوات الرسم ونشجعوهم بالاضافة للالعاب الجماعية ونشاركوهم فيها

بانسبةللغات رايحه نعطيك طريقتي نشاء الله تستفادي منها
اولا انا مشاهدة التلفاز عندي محدودة جدا ومراقبة يعني ماتفوتش نصف ساعة يوميا وفي غالب الاحيان تكون بالغة الي حابتهم يتعلموها وفي نهاية الاسبوع عندهم soirée de cinéma مع تحضير شيء لذيذ للسهرة وهي من بين اادوات التشجيع اللي نعتمد علليها لانهم ايحبو الجو العائلي و التلفاز فهم ينتطرو هاذ اليوم طول الاسبوع والاختيار يكون على فلم عائلي باللغة المراد تطويرها مع امكانية الشرح من الاباء لان السمع مهم جدا لاكتساب اللغة
ثانيا الالعاب الجماعيية بالفرنسية او الانجليزية مثل scrabble اللي هو jeu de mots croisés
ثالثا المطالعة مهمة جدا